Rum-en-sjokolade-sprokieskoek

10 August 2018 | Kuns en vermaak
Bestanddele

10 jumbo-eiers, kamertemperatuur, geskei

470 g (2 k + 4 e) strooisuiker

15 ml (1 e) kremetart

190 ml (¾ k) sonneblomolie

250 ml (1 k) kraanwater

knippie sout

455 g (3 k + 3 e) koekmeel

30 ml (2 e) bakpoeier

15 ml (1 e) geursel van keuse

100 ml kookwater waarin 50 ml kakao aangemaak en afgekoel is.

Metode

Voorverhit oond na 160 grade en smeer twee ronde koekpanne met koekpansmeer uit die Boerekos met ’n twist-kookboek om gladde kante te verseker. Pan se afmetings: 25 cm deursnit.

Klits die eiergele en strooisuiker tot lig en donsig vir ongeveer vyf minute. Klits dan die olie in ’n dun straaltjie by en maak seker die mengsel goed gemeng.

Sif die droë bestanddele (behalwe die kremetart) alles saam en vou om die beurt met die water by die eiergeelmengsel in.

Klits die eierwitte en kremetart saam tot sagte maar stywe punte vorm. Dit is belangrik met hierdie deel van die klitsproses om te weet, dat as jy te veel gaan klits, die koek uitermate gaan krimp en selfs platval as dit klaar gebak het. Maak dus seker jy klits nie dat die eierwitte droë bolle vorm nie.

Gebruik ’n ballonklitser en vou die eierwitte in by die meel-en-eiermengsel. Verdeel die beslag deur een helfte in ’n gesmeerde pan te giet tot twee vingers van bo. Moet nie bekommerd wees nie: Hierdie beslag sal nie oorkook nie. Meng dan die kakaomengsel by die oorblywende beslag en vou in. Skep in pan en bak vir 40 tot 50 minute by 160 grade tot geset.

Laat die koeke vir 10 minute in pan afkoel en keer dan uit om goed af te koel. Plaas dan die koek vir drie uur in die vrieskas. Sny elke koek in vier lae.

Botterversiersel

Bestanddele

200 g margarien, kamertemperatuur maar verkieslik botter

500 g versiersuiker

50 ml melk

20 ml vanieljegeursel of geursel van keuse

Metode

Room die botter tot lig en donsig. Voeg die versiersuiker en melk by en klits baie goed deur totdat dit lig en romerig voorkom. Verdeel die versiersel en gebruik dan een druppel donkerbruin voedselkleursel om die karamelkleur te maak. Voeg die rumgeursel by die karamelkleurversiersel.

Haal die verkoelde koeke uit die yskas. Bou lae op ’n houtplank met foelie oorgetrek. Begin met ’n wit laag onder vir die basis. Smeer met karamelkleurversiersel en plak dan die bruin laag vas. Smeer die wit versiersel en plak die wit laag vas. Smeer weer karamel aan en plaas die koek vir twee uur in yskas.

Sny nou ’n koepel uit die koek deur die mes 2 cm van die rand van die koek met ’n 45 grade hoek in te steek na die middel van die koek. As jy sukkel druk ’n sosatiestokkie in die middel van die koek en druk die mes skuins tot onder om die punt van die stokkie te raak en sny dan die koepel uit. Die stokkie help ook om die koepel versigtig uit te lig. Laat die koepel op sy rug rus. Smeer dan die gat met karamelversiersel en plak ’n bruin laag versiersel vas. Smeer weer wit versiersel en volg met witkoek op. Smeer karamelversiersel en sit die koepel met die punt na onder weer terug. Druk stewig vas. Smeer om die laag gelyk te kry en druk dan ’n bruin laag vas.

Draai die koek om deur ’n koekbord dan op die bokant van die koek te sentreer en draai dan die hele koek om. Plak dan nog twee lae koek vas. Doen ’n naked cake-effek met die kante en verkoel die koek voor finale versiersings soos klapper, blomme, koffiebone opgesit word. - Netwerk24

Soortgelyk

 

Polisie konfiskeer kerk se luidsprekers in Oshakati

1 dag gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

1 dag gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

1 dag gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

1 dag gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

1 dag gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

1 dag gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

1 dag gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

1 dag gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

1 dag gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...