Ruim skenkings vir Covid-19-bekamping

N$65 miljoen reeds gebruik

06 October 2020 | Regering
Kristien Kruger – Die Namibiese regering het glo sowat N$113 miljoen kontantskenkings ontvang, asook oorplasings deur die regering, vir die bekamping van die Covid-19-pandemie.

Volgens ’n mediaverklaring van die kantoor van die eerste minister het die regering vanaf Maart tot Augustus vanjaar sowat N$50,3 miljoen kontantskenkings ontvang om die impak van Covid-19 hok te slaan.

Die regering se oorbetalings en staatsgefinansierde uitgawes sluit ’n bykomende N$83,5 miljoen in.

Volgens die inligting van die kantoor van die eerste minister beloop die totale inkomste N$113,5 miljoen.

Die kontantskenkings sluit 122 skenkings van individue, agt van kerke, nege van staatsondernemings en 49 vanuit die private sektor in.

Die private sektor het altesaam ongeveer N$45,4 miljoen bygedra en die regerende party N$1 miljoen.

UITGAWES

Die regering het glo sowat N$65,4 miljoen reeds vir voedselvoorsiening, die aankoop van mediese toerusting, vervoeruitgawes, akkommodasie- en logistieke uitgawes en die voorsiening van maskers gebruik.

Volgens die kantoor van die eerste minister sal die oorblywende fondse slegs gebruik word vir bykomende Covid-19-verwante uitgawes.

NIEKONTANT SKENKINGS

Altesaam 43 niekontant skenkings van goedere ter waarde van meer as N$174 miljoen is glo vanaf Maart tot Augustus ingesamel.

Die Verenigde State van Amerika het op 24 April glo mediese toerusting ter waarde van N$100 miljoen geskenk.

Die Verenigde Nasies (VN) se Ontwikkelingsprogram (UNDP) het verskeie goedere geskenk met ’n gesamentlike waarde van ongeveer N$17 miljoen.

Die De Beers-groep het op 6 April glo N$15 miljoen en Debmarine Namibia sowat N$9 miljoen se mediese toerusting geskenk.

Die Africa Development Bank het glo kos ter waarde van N$5 miljoen toegestaan.

AGTERGROND

Ná die uitbreking van Covid-19 en die aankondiging van die noodtoestand het die kantoor van die eerste minister ’n bankrekening geopen waarin kontantskenkings en oorplasings van die regering inbetaal kan word.

Die kantoor van die eerste minister het ook die regering se niekontant skenkings gereguleer en die regering se uitgawes verreken.

- [email protected]

Soortgelyk

 

Geingob onder skoot oor ‘wit’ opmerkings

9 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

9 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

9 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

9 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

9 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

9 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

9 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

9 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

9 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...