Rugby by SA skole nie gou weer op dreef

11 January 2021 | Sport
Daar is ’n sterk moontlikheid dat daar geen skolerugby tot minstens einde Junie gespeel gaan word nie.
Die tweede vlaag van die Covid-19-pandemie gaan nóg groter ontwrigting aan die rugbyseisoen aanrig, berig Rapport.
SA Rugby sal straks dié week aankondig dat alle amateurrugby tot Junie gestaak word.
Die webblad School of Rugby berig só ’n besluit sal weer ’n reuse-terugslag veral vir die o.18-spanne wees.
Skolespelers in graad 12 kon verlede jaar glad nie hul staal op die veld wys nie.
Die laaste skolewedstryd is op 14 Maart beslis en daarna het alle toernooie, jeugweke en feeste in die slag gebly.
Sou Covid-19 nié onder beheer gebring kan word nie, sal nóg o.18-spelers nie hul talente ten toon kan stel om moontlike kontrakte los te speel nie.
• Die SA Beker-reeks – die nuwe kompetisie wat die SuperSport-uitdaagreeks vervang en wat as kwalifiserende toernooi vir die Curriebeker gebruik sal word – is ook in die gedrang, berig Rapport.
Die kansellering van die SA Beker-reeks kan ’n groot terugslag wees vir die kleiner unies, veral omdat baie van hulle tans net kop bo water hou, en reeds sukkel sonder enige rugby vir die afgelope nege maande.
Rapport verneem een van die grootste redes vir die afskaffing van die toernooi is die koste om behoorlike Covid-19-toetsing te doen.
Terwyl die franchise-spanne dit kan bekostig, kan die kleiner unies nie gereelde toetsing bekostig nie.
Die SA Beker-kompetisie sou bepaal watter drie spanne in 2022 saam met die vier franchises en die Cheetahs in die Curriebeker-Premierliga speel.
Nou is daar blykbaar baie steun dat die OP-Kings saam met die Griekwas en Pumas die agttal moet opmaak.
Amateurs wat klubrugby speel, sal ook naweke droëbek tuis moet deurbring.
– Netwerk24


FOTO
Kade Wolhuter was die losskakel toe die Streeptruie in 2019 die Cravenweek-toernooi gewen het. Geen jeugweke het verlede jaar plaasgevind nie.

Soortgelyk

 

Gesondheidswerkers, leerlinge en onderwysers deel van 343 nuwe gevalle

3 ure gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

18 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

18 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

18 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

18 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

18 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

18 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

18 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

18 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...