Rovers-afrigter sê oor Nyambe se gedurige beserings

14 January 2020 | Sport
Tony Mowbray, die afrigter van die Engelse sokkerklub Blackburn Rovers, reken Ryan Nyambe se hoë dryfkrag en werktempo tel dalk teen hom en verklaar dalk hoekom hy die afgelope tyd deur dyspierbeserings gepla word.

Die Namibiese verdediger is opnuut van die veld gedwing tydens Rovers se 1-1 gelykopwedstryd teen Preston in die Engelse eerste liga. Nyambe het juis sy terugkeer gemaak nadat hy op 26 Desember teen Birmingham City sy dyspier beseer het en afgehaal is.

Voor dit was die 22-jarige Namibiër reeds twee keer op 'n gedwonge afwesigheid weens beserings en was vir altesame sewe wedstryde hierdie seisoen buite rekening.

Vir die klub se afrigter Mowbray is dit 'n bron van kommer, want wanneer Nyambe wel op die veld was, het hy gevaarlik gelyk aan die regterkant, soos in die eerste helfte van die wedstryd teen North End.

In die opbou na die Preston-wedstryd het Nyambe twee oefendae bygewoon, nadat hy die vorige drie wedstryde misgeloop het. Nou moet Mowbray opnuut op terugvoer van sy mediese span oor die nuuste dyspierbesering wag.

“Nyambe is vir ons 'n verlies nadat hy aan ons regterkant so vol gevaar gelyk het,” het Mowbray gesê oor sy verdediger wat hierdie seisoen 13 keer in die opdrafspan was.

“Met (Bradley) Dack en (Corry) Evans ook op die krukkelys, gaan dit op die oomblik nie maklik nie. Maar hulle is spelers met veggees wat wys hulle gee alles vir die klub.

“Ryan loop wedstryde mis, maar omdat hy so bedagsaam is, hardloop hy met volle inspanning en met soveel spoed dat dit moontlik selfs tot nadeel van sy eie liggaam is.

“Ek hoop die nuutste probleem is maar net krampe. Hy is 'n jong man wat dalk nog nie optimale begrip van sy eie liggaam het nie.

“In elke wedstryd dryf hy homself tot die uiterste. Hopelik is dit net 'n kramp en kan ons hom teen die einde van die week terug op die oefenveld sien.

“Ons verdedigers lyk die afgelope tyd stewiger. Die span het honger gelyk om vir 'n oorwinning te veg.”

Nyambe se veelsydigheid om enige van die agterste vier posisies te dek, het tevore reeds die aandag van ver­skeie klubbestuurders in Engeland gelok. Hy het egter in April verlede jaar sy kontrak met nog twee jaar verleng om by Blackburn Rovers te bly – die klub deur wie se junior struktuur hy gevorder het om in 2015 as 17-jarige sy professionele eerstespandebuut te maak.

Rovers is tans 13de uit die 24 spanne in die Engelse kampioenskap (eerste liga) op 37 punte ná 37 wedstryde.

– Lancashire Telegraph

Soortgelyk

 

Kauhaie wins the crown

7 ure gelede | Skole

Irene-Mari van der Walt Swakopmund • [email protected] the cancellation of the Mr Teen Swakopmund 2020, the Miss Teen Swakopmund 2020 pageant went ahead at...

Verband tussen voorvalle van verkragting ondersoek

7 ure gelede | Misdaad

Denver Kisting – Die ooreenkomste tussen twee gruverkragtings die afgelope week in Havana aan die buitewyke van Windhoek kan die werk van reeksverkragters wees.So sê...

World Tourism Day

7 ure gelede | Mense

Michael ShagandjwaThe country should establish more unique heritage attractions that reflect our country’s background. Create an interesting image with reservations that are worth viewing and...

WAP wen Bakpro-kompetisie

7 ure gelede | Onderwys

Windhoek Afrikaanse Privaatskool was die wenners van die Bakpro Back-to-School-kompetisie. Die skool het 14 413 broodsakkies ingesamel en was die wenners van rekenaars en projektors...

Unam students appeal against traditional exams

7 ure gelede | Onderwys

ENZO AMUELEStudents at the University of Namibia (Unam) are in a bitter contest against the writing of traditional examinations.The university recently issued a circular about...

Lower grades back at school

7 ure gelede | Onderwys

Leandrea Louw Grade four, five and six learners were welcomed back at school on last week. The government schools have opted to divide the children...

Star Teacher of the Week

7 ure gelede | Onderwys

Leandrea Louw This week, the My Zone Star Teacher of the Week is Mrs Veneza Memory Rheeder. She has been a teacher since 2003 and...

Westside High represented on local town council

7 ure gelede | Skole

Jhanré PretoriusA brand new Swakopmund Junior Town Council for the year 2020-2021 was inaugurated in August. Two of the 15 members are from Westside High...

The last race is the hardest race

7 ure gelede | Onderwys

A personal accountJOSEFINA ANKONGA The year started smoothly, back then when everything was still normal. We went to school on a daily basis, we...