Rommelstatus kwel BoN
Sou Namibië afgegradeer word, sal dit ‘n “hoë” impak op die land se finansiële stabiliteit hê, sê die Bank of Namibia.
Jo-Maré Duddy – Net twee gevaarligte flikker rooi op die sentrale bank se jongste lys van finansiële stabiliteitsrisiko’s vir die land en een daarvan is die moontlikheid van rommelstatus vir Namibië.
Die ander een is die verdere afgradering van Suid-Afrika.
Die Bank of Namibia (BoN) se finansiële stabiliteitsverslag vir 2016 wat Vrydag vrygestel is, toon ‘n “medium-waarskynlikheid” dat Namibië se soewereine kredietgradering kan verlaag. Die regering se buitelandse staatskuld is tans net een vlak bo rommelstatus by beide Fitch Ratings en Moody’s.
Die gevaar dat Namibië afgegradeer word, was laas in Maart 2013 op die BoN se lys van finansiële stabiliteitsrisiko’s. Tóé was die waarskynlikheidsblokkie egter groen, wat beteken die sentrale bank het dit as ‘n geringe risiko beskou.
Sou Namibië afgegradeer word, sal dit ‘n “hoë” impak op die land se finansiële stabiliteit hê, toon die BoN se jongste risikolys.
Die sentrale bank meen daar is ‘n “hoë waarskynlikheid” dat Suid-Afrika verder afgegradeer gaan word. Sou dit gebeur, sal dit ‘n “medium-impak” op finansiële stabiliteit plaaslik hê, aldus die BoN. Die buurland is reeds deur S&P en Fitch tot rommel afgegradeer.
Beide Fitch en Moody’s het verlede jaar Namibië se kredietgraderingsvooruitsig van stabiel na negatief verlaag: Eers Fitch in September, terwyl Moody’s in Desember gevolg het.
“Die afwaartse hersiening van Namibië se ekonomiese vooruitsig van stabiel tot negatief deur kredietgraderingsagentskappe in 2016, en die moontlikheid van ‘n afgradering wat tot die verlies van Namibië se beleggingsgradering kan lei, bly kommerwekkend.”
Gevolge
Sou die land afgegradeer word, sal Namibië se makro-ekonomiese omgewing die negatiewe gevolge dra en rentekoerse kan styg, waarsku die BoN.
“Die verlies van ‘n beleggingsgraad sal ‘n wanbalans in die vraag en aanbod van alle Namibiese skuldbriewe veroorsaak, wat gevolglik tot ‘n styging in die rentekoerse van alle beleggingsinstrumente sal lei. Om kapitaaluitvloei weens die slegter beleggersaptyt en –sentiment na ander markte te verhoed, kan die BoN rentekoerse dalk verhoog.”
Die Suid-Afrikaanse Reserwebank kan moontlik ook sy repokoers in die buurland verhoog vanweë stygende inflasie as ‘n moontlike nagevolg van ‘n swakker rand wat uit rommelstatus voortspruit. Om die koppeling van die Namibiese dollar aan die rand te verseker, sal die BoN dalk dan die Reserwebank se voorbeeld volg.
Die BoN het die plaaslike banksektor aan verskeie strestoetse onderwerp om weerstand teen risiko’s rakende stygende stygende rentekoerse, skommelende wisselkoerse, wanpresterende lenings (NPL’s) en likiditeit te bepaal.
Hoewel die banke – selfs in die ergste toetsscenario – aan die regulatoriese vereistes van die BoN voldoen het, het hulle “relatief swakker” gevaar vergeleke met die ooreenstemmende tyd in 2015.
In die algemeen is Namibië se finansiële stelsel en –markte steeds gesond, het die BoN bevind.
Die ander een is die verdere afgradering van Suid-Afrika.
Die Bank of Namibia (BoN) se finansiële stabiliteitsverslag vir 2016 wat Vrydag vrygestel is, toon ‘n “medium-waarskynlikheid” dat Namibië se soewereine kredietgradering kan verlaag. Die regering se buitelandse staatskuld is tans net een vlak bo rommelstatus by beide Fitch Ratings en Moody’s.
Die gevaar dat Namibië afgegradeer word, was laas in Maart 2013 op die BoN se lys van finansiële stabiliteitsrisiko’s. Tóé was die waarskynlikheidsblokkie egter groen, wat beteken die sentrale bank het dit as ‘n geringe risiko beskou.
Sou Namibië afgegradeer word, sal dit ‘n “hoë” impak op die land se finansiële stabiliteit hê, toon die BoN se jongste risikolys.
Die sentrale bank meen daar is ‘n “hoë waarskynlikheid” dat Suid-Afrika verder afgegradeer gaan word. Sou dit gebeur, sal dit ‘n “medium-impak” op finansiële stabiliteit plaaslik hê, aldus die BoN. Die buurland is reeds deur S&P en Fitch tot rommel afgegradeer.
Beide Fitch en Moody’s het verlede jaar Namibië se kredietgraderingsvooruitsig van stabiel na negatief verlaag: Eers Fitch in September, terwyl Moody’s in Desember gevolg het.
“Die afwaartse hersiening van Namibië se ekonomiese vooruitsig van stabiel tot negatief deur kredietgraderingsagentskappe in 2016, en die moontlikheid van ‘n afgradering wat tot die verlies van Namibië se beleggingsgradering kan lei, bly kommerwekkend.”
Gevolge
Sou die land afgegradeer word, sal Namibië se makro-ekonomiese omgewing die negatiewe gevolge dra en rentekoerse kan styg, waarsku die BoN.
“Die verlies van ‘n beleggingsgraad sal ‘n wanbalans in die vraag en aanbod van alle Namibiese skuldbriewe veroorsaak, wat gevolglik tot ‘n styging in die rentekoerse van alle beleggingsinstrumente sal lei. Om kapitaaluitvloei weens die slegter beleggersaptyt en –sentiment na ander markte te verhoed, kan die BoN rentekoerse dalk verhoog.”
Die Suid-Afrikaanse Reserwebank kan moontlik ook sy repokoers in die buurland verhoog vanweë stygende inflasie as ‘n moontlike nagevolg van ‘n swakker rand wat uit rommelstatus voortspruit. Om die koppeling van die Namibiese dollar aan die rand te verseker, sal die BoN dalk dan die Reserwebank se voorbeeld volg.
Die BoN het die plaaslike banksektor aan verskeie strestoetse onderwerp om weerstand teen risiko’s rakende stygende stygende rentekoerse, skommelende wisselkoerse, wanpresterende lenings (NPL’s) en likiditeit te bepaal.
Hoewel die banke – selfs in die ergste toetsscenario – aan die regulatoriese vereistes van die BoN voldoen het, het hulle “relatief swakker” gevaar vergeleke met die ooreenstemmende tyd in 2015.
In die algemeen is Namibië se finansiële stelsel en –markte steeds gesond, het die BoN bevind.
Kommentaar
Republikein
Geen kommentaar is op hierdie artikel gelaat nie