Robberts bly in aanhouding

Staan tereg op klagte van moord, voertuigdiefstal

30 March 2021 | Howe
Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69), Donderdag op Swakopmund verwurg het.

Robberts het gister in die landdroshof op dié dorp verskyn.

Staatsaanklaer Cleopatra Boois het die borgaansoek teengestaan.

“Borgtog moet nie toegestaan word nie, omdat die klagte van ernstige aard is. Dit is nie in die belang van die regbank nie en die beskuldigde kan die ondersoek na sy vrylating beïnvloed,” het sy gesê.

Regter Nelao Brown het die saak uitgestel en aan Robberts verduidelik hy kan formeel om borgtog aansoek doen. Robberts wat sonder ’n prokureur opgedaag het, het aangedui hy het vir regshulp aansoek gedoen.

Hy staan tereg op klagte van moord, asook voertuigdiefstal. Hy het na bewering by Van Schalkwyk gebly en het hom glo ná ’n argument verwurg. Hy het daarna glo Van Schalkwyk se voertuig gesteel en dit op Walvisbaai aan ’n dwelmhandelaar vir dwelms verruil. Robberts het homself Vrydag aan die polisie op Swakopmund oorgegee.

Robberts het verlede jaar die Cycle4addiction-inisiatief begin om persone te help “om verslawing te oorkom”.

Hy beskryf homself as ’n voormalige dwelmverslaafde.

“Ek het vir amper tien jaar Crack-kokaïen en alkohol misbruik. Dagga nog langer,” het hy geskryf.

“Ek was al twee keer in ’n rehabilitasiesentrum en amper drie jaar in die tronk weens dwelmprobleme. Ek weet dwelms is verslawend en dit is moeilik om daarvan weg te bly, maar ek moes ’n besluit neem.”

Die saak is tot 18 Mei vir verdere ondersoek uitgestel.
[email protected]


FOTO
Die moordbeskuldigde mnr. Danie Robberts (36) gister in die landdroshof op Swakopmund. Foto Erwin Leuschner (AZ)

Soortgelyk

 

Robberts bly in aanhouding

9 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

9 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

9 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

9 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

9 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

9 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

9 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

9 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...

Mej. Namibië: Hier is die top-16

9 ure gelede | Gebeure

Die eerste ronde van die 2021 Mej. Namibië-skoonheidskompetisie het Saterdag in Windhoek plaasgevind waar die top-16-finaliste bekend gestel is.Die finaliste is Andeline Wieland, Shahida van...