Riviervlakke aan die styg
Terwyl reënvooruitsigte vir die volgende twee weke swak vertoon, loop sekere riviere ál dieper.
Elvira Hattingh - Volgens die jongste vloedbulletin wat Woensdag deur die Namibië Hidrologiese Dienste uitgereik is, vloei die Zambezirivier by Katima Mulilo nou 0,98 m diep, terwyl die watervlak steeds besig is om te styg.
Tans is dit dieper as verlede jaar se 0,78 m en ook dieper as die langtermyngemiddeld van 0,94 m.
Die Kavangorivier is onderskeidelik 1,76 m en 4,29 m diep by Nkurenkuru en Rundu, waar dit verlede jaar op 2,61 m en 4,88 m gestaan het. Volgens die vloedbulletin het die rivier se vlak sedert 28 Desember met onderskeidelik 7 cm en 24 cm gestyg, hoewel dit nog nie so diep soos verlede jaar se 2,61 m en 4,88 m vloei nie.
Die normale vlak vir die rivier by Rundu vir hierdie tyd van die jaar is 4,58 m.
Die Oranjerivier by Blouputs loop 0,54 m diep, terwyl dit verlede jaar dié tyd 0,32 m diep gevloei het.
By Ruacana vloei 23,9 m³ water per sekonde verby, heelwat minder as verlede jaar dieselfde tyd toe 248,64 m³ water per sekonde by die punt verbybeweeg het. Die hoeveelheid water het egter ook sedert 28 Desember toegeneem.
Volgens die bulletin dui onlangse satellietfoto’s daarop dat ligte reënbuie oor die Noorde en Noordooste van die land voorgekom het, terwyl goeie reën oor die sentrale en westelike dele van Angola voorgekom het.
Reënvooruitsigte in die komende twee weke lyk nie te belowend vir Namibië nie.
Volgens weerkaarte van die Nasionale Sentrums vir Omgewingsvoorspelling, word ver ondergemiddelde reën tot 12 Januarie oor groter dele van die land verwag.
WXMaps dui ook aan dat geen tot baie ligte reën binne die volgende week oor die land sal voorkom.
Tans is dit dieper as verlede jaar se 0,78 m en ook dieper as die langtermyngemiddeld van 0,94 m.
Die Kavangorivier is onderskeidelik 1,76 m en 4,29 m diep by Nkurenkuru en Rundu, waar dit verlede jaar op 2,61 m en 4,88 m gestaan het. Volgens die vloedbulletin het die rivier se vlak sedert 28 Desember met onderskeidelik 7 cm en 24 cm gestyg, hoewel dit nog nie so diep soos verlede jaar se 2,61 m en 4,88 m vloei nie.
Die normale vlak vir die rivier by Rundu vir hierdie tyd van die jaar is 4,58 m.
Die Oranjerivier by Blouputs loop 0,54 m diep, terwyl dit verlede jaar dié tyd 0,32 m diep gevloei het.
By Ruacana vloei 23,9 m³ water per sekonde verby, heelwat minder as verlede jaar dieselfde tyd toe 248,64 m³ water per sekonde by die punt verbybeweeg het. Die hoeveelheid water het egter ook sedert 28 Desember toegeneem.
Volgens die bulletin dui onlangse satellietfoto’s daarop dat ligte reënbuie oor die Noorde en Noordooste van die land voorgekom het, terwyl goeie reën oor die sentrale en westelike dele van Angola voorgekom het.
Reënvooruitsigte in die komende twee weke lyk nie te belowend vir Namibië nie.
Volgens weerkaarte van die Nasionale Sentrums vir Omgewingsvoorspelling, word ver ondergemiddelde reën tot 12 Januarie oor groter dele van die land verwag.
WXMaps dui ook aan dat geen tot baie ligte reën binne die volgende week oor die land sal voorkom.
Kommentaar
Republikein
Geen kommentaar is op hierdie artikel gelaat nie