Rioolprobleme teister Okakarara-staatshospitaal

Pasiënte en personeel by die Okakarara-staatshospitaal leef die afgelope drie weke saam met die stank van ’n drein wat oorloop. Buiten die immerteenwoordigende stank moet ook verlief geneem word met van beeste en bokke tot donkies wat op die perseel van die hospitaal wei. Verpleegsters se pleidooie by die senior mediese beampte van die hospitaal om die situasie te beredder, val glo op dowe ore. Die ministerie van werke en vervoer sê op hul beurt hulle het vroeër vanjaar aan die rioolstelsel by die hospitaal gewerk, maar geen nuwe en formele versoek om dit weer te herstel, is tot op hede deur personeel aan die ministerie gerig nie. - Nampa