Riool: Meer as 1 600 verstoppings in November

‘Moenie beeskoppe, motorbande wegspoel’

27 December 2018 | Regering
Elvira Hattingh - Windhoek se munisipaliteit doen ‘n beroep op Windhoekers om nie allerhande voorwerpe in die rioolstelsel te gooi en onwettige aansluitings met die rioolstelsel te maak nie.

Dít ná hulle in November alleen meer as 1 600 verstoppings die hoof moes bied.

“Altesaam 998 van die verstoppings het in die noordelike voorstede voorgekom. Van die items wat uitgehaal is, sluit in motorbande en –onderdele, beeskoppe, (vleis)bene, lakens, klere, stokke en staalvoorwerpe,” lui ‘n nuusverklaring wat die munisipaliteit verlede Donderdag uitgereik het.

“Die verstoppings kan daartoe lei dat rioolwater oorloop en die omgewing besoedel en bydra tot die verspreiding van siektes soos hepatitis E.

“Die publiek word daaraan herinner om op die regte manier van nie-wegspoelbare voorwerpe ontslae te raak– by die aangewese asgate oraloor die stad.

“Dit maak saak wat in die rioolstelsel afgespoel word, omdat die munisipaliteit daagliks ‘n groot deel van beperkte hulpbronne moet gebruik om verstoppings te herstel. Die verstoppings word veroorsaak deur items wat nooit in die rioolstelsel moes beland het nie.

“Ons maak dus op inwoners staat om ons hierin te steun,” sê die verklaring.

Republikein het vroeër berig die getal hepatitis E-gevalle landswyd het reeds die 4 000-kerf verbygesteek, en meer as 80% van die gevalle word met die Havana- en Goreangab- informele nedersettings in Windhoek verbind.

Volgens die ministerie van gesondheid en maatskaplike dienste is die grootste dryfvere vir die verspreiding van die siekte ontlasting in die oopte, sowel as swak sanitasie en higiëne.

Windhoek se inwoners kan probleme met die riool- of waterstelsel by (061) 290 2402/2162 aanmeld.

Soortgelyk

 

SDFN houses at Kalkfeld nearing completion

30 minute gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

30 minute gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

30 minute gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

30 minute gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

30 minute gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

30 minute gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

30 minute gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...

Aanleg les binnekort weer dors

30 minute gelede | Regering

Elvira Hattingh - Windhoek se WinGoc-aanleg (Windhoek Goreangab Operating Company) sal na verwagting binne dae weer drinkwater aan Windhoekers kan verskaf. Terselfdertyd beplan die munisipaliteit...

Wetsontwerp terug parlement toe

30 minute gelede | Ministeries

Ogone Tlhage – Die wet op staatsondernemings sal na verwagting eersdaags weer in die Nasionale Vergadering (NV) vir finale insette voorgelê word, mnr. Leon Jooste,...