Reusehap van Noorweegse beesvleiskwota vir Meatco

Mag 1 529,5 ton uitvoer

07 September 2018 | Landbou
Ronelle Rademeyer



'n Kwota van 1 529,5 ton is aan Meatco toegeken vir die uitvoer van beesvleis na Noorweë in 2018.

Dit is een van die winsgewendste uitvoermarkte vir Namibië.

Dít volg nadat 'n bykomende 229,5 ton aan dié vleisverwerker toegeken is nadat Brukarros Meat Processors (BMP) buite Keetmanshoop net 70,5 ton van sy 300 ton uitvoerkwota kon benut.

Dit is goeie nuus vir Meatco wat weens dalende deurset en die swak ekonomie deur die donkerste tyd in sy geskiedenis gaan.

Die jaarlikse kwota vir beesvleis na Noorweë beloop 1 600 ton, waarvan 1 300 ton vroeër reeds aan Meatco toegeken is.

“Meatco het aan Noorweë bewys hy het die kapasiteit en vermoë om die volle kwota wat toegeken is, te lewer en daarom ook in die toekoms selfs meer sal kan uitvoer,” sê dié uitvoer-abattoir in 'n verklaring.

Die Noorweegse mark is nie net vir Namibië belangrik nie, maar ook vir ander lidlande in die Suider-Afrikaanse Doeane-unie (Sacu).



ooreenkoms

Sacu het tydens die onlangse onderhandelinge vir 'n Efta-ooreenkoms (vrye handelsooreenkoms en handelsbetrekkinge tussen lande) aansoek gedoen vir die vergroting van die Noorweegse kwota.

Hoewel dit positief verloop het, wag lande binne hierdie unie nog op 'n amptelike antwoord.

Volgens Meatco se hoof- finan­siële beampte, me. Ilana Brown, is hierdie bykomende uitvoer­kwota van kritieke belang en kom dit op 'n tyd wat die onderneming sy inkomste uit elke kilogram beesvleis moet maksimaliseer.

“Die finansiële voordele hiervan is beduidend vir Meatco se inkomste in die huidige finansiële jaar wat tot 31 Januarie 2019 strek,” sê sy.

Meatco sê hy gaan die bykomende tonnemaat vir Noorweë bekom deur vleis wat vir ander markte bestem was, daarheen te kanaliseer.

Soortgelyk

 

Vier wildehonde proe vryheid

17 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

17 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

17 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

17 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

17 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

17 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

17 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

17 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

17 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...