Resessie dalk afgeweer danksy verbruikers

14 June 2019 | Ekonomie
William Horne – Die land se lankmoedige verbruikers het in Mei met hul rande en sente weer die ekonomie se wiele geolie.

Hul besteding was dalk net-net genoeg om te keer dat die land vir die tweede jaar in ’n ry ’n tegniese resessie (twee kwartale van BBP-inkrimpings) beleef.

BankservAfrica het Woensdag sy jongste indeks van ekonomiese transaksies (Beti) uitgereik.

Die indeks het volgens elke maatstaf in Mei gegroei.

Die Beti meet alle kontantonttrekkings, geldoordragte, debietorders en ander maniere waarop geld in die land heen en weer geskuif word. Dis volgens Mike Schüssler, hoofekonoom van Economists.co.za, een van die breedste aanwysers van werklike ekonomiese aktiwiteit.

Op ’n maandgrondslag het die Beti ’n opflikkering van 0,1% gehad teenoor April, op ’n kwartaalgrondslag was hy 1,1% hoër en op ’n jaargrondslag het die indeks met 2,4% versterk.

Dit is die tweede opeenvolgende maand wat die indeks van maand tot maand groei. Volgens Schüssler dui dit dus op ekonomiese herstel in die tweede kwartaal teenoor die “ramp” wat die eerste kwartaal was. Die ekonomie het in die eerste kwartaal met 3,2% ingekrimp.

Schüssler sê April se groeisyfer (maandgroei van 1,6%) was eintlik hoofsaaklik hoog weens ’n “opvang-effek” teenoor die droewige negatiewe tendens van die hele eerste kwartaal.

“Natuurlik was ’n deel van April se syfer net ‘opvang’ gewees, en nie rêrig groei nie,” sê Schüssler.

In vergelyking met dié effek is Meimaand se groei dus ’n ietwat kleiner.

Schüssler sê dit bly egter ’n goeie verwikkeling en beteken die ekonomie is darem weer aan die beweeg, al is dit baie stadig.

Aantal transaksies

Luidens BankservAfrica se syfers het die totale aantal transaksies vir Mei teenoor April met 1,7% gedaal. Op ’n jaargrondslag is dié syfer wel nog 1,2% hoër, maar sedert Januarie 2018 was daar nog net een ander maand waar dié syfer laer was.

“Die gestandaardiseerde waarde van transaksies was (in Mei) R885,8 miljard, wat die gemiddelde waarde van transaksies ongeveer 2,2% hoër as ’n jaar gelede gemaak het,” sê Shergeran Naidoo, hoof van BankservAfrica se belanghebbersbetrokkenheid.

“Dié waarde is laer as inflasie en dui daarop dat rolspelers in die private sektor steeds onder druk is.”

Uiteindelik kom dit neer op verbruikers wat minder aankope doen vir meer waarde op ’n slag, wat ’n aanduiding kan wees van uiterse versigtigheid met betrekking tot hul geld.

Die verbruiker – die “historiese kampioen van ons ekonomiese herstel” – is dus erg onder druk, maar die resessie is hoogs waarskynlik darem afgeweer, sê BankservAfrica. – Netwerk24

Soortgelyk

 

Resessie slag Namibië

9 ure gelede | Ministeries

Jo-Maré Duddy – Net sowat N$25,5 miljard teen bestendige pryse het die afgelope kwartaal deur die Namibiese ekonomie gevloei – die minste in vyf jaar.Syfers...

Getuie sê Dippenaar het gejaag

9 ure gelede | Howe

Erwin Leuschner – Die saak teen die moordbeskuldigde mnr. Jandré Dippenaar is tot volgende jaar uitgestel.Woensdag het die laaste staatsgetuie in die streekhof op Swakopmund...

Wateraanleg staan twee weke stil

9 ure gelede | Regering

Elvira Hattingh – Windhoek kon vir langer as twee weke geen drinkwater uit rioolwater herwin nie – hoofsaaklik omdat daar te veel chemikalieë, vette, olies...

Kalender 20 September

9 ure gelede | Kuns en vermaak

Nou aan die gang» Die Culture Invasion Festival skop vandag by die sportterrein op Rundu af. Tydens die twee dae lange fees sal verskillende kunstenaars...

Weer vir 20 September 2019

9 ure gelede | Weer

BINNELAND: Sonnig en baie warm in die sentrale Noorde en Noordooste. Elders sal dit gedeeltelik bewolk en baie warm wees.KUS: Bewolk en koel tot...

Jol in Japan

9 ure gelede | Kuns en vermaak

Lloyd Zandberg Japan is een van daai lande waaroor mense praat. Nie noodwendig die heeltyd nie. Maar in baie gesprekke, veral om die...

‘Hou op kla en doen iets’

9 ure gelede | Omgewing

Tanja Bause – ’n Windhoeker het in Augustus vanjaar besluit sy het genoeg van ’n vuil Windhoek gehad en self ingespring.Me. Tertia Wannenmacher se voorbeeld...

Air Namibia se vlerke wankel

9 ure gelede | Vervoer

Denver Kisting – Die pasaangewese raadsvoorsitter van Air Namibia, mnr. Escher Luanda, sê hy wil hom nie oor die lopendesaakvooruitsigte van die redery uitlaat nie.Dit...

‘Elke dag ’n belewenis’

9 ure gelede | Mense

Tanja Bause – “Ek is nog fiks en gesond. Ek kan nog lees, skryf en skilder. Kook kan ek ook nog, maar ek sal nou...