Reserwebank: ‘Pen is uit handgranaat getrek’

‘Fasades van doelwitte’

14 June 2019 | Ekonomie
William Horne – As dit by die geloofwaardigheid van pres. Cyril Ramaphosa se regering kom, is die rusie oor die Reserwebank ’n “handgranaat waarvan die pennetjie uitgetrek” is.

Selfs al slaag hy daarin om interne weersprekings oor die monetêre beleid vanuit die ANC te keer, is dit onseker hoe dié vraagstuk op lang termyn gaan eindig.

Só reken Peter Attard Montalto, Intellidex se hoof van kapitaalmarknavorsing, in sy jongste verslag wat die droewige pad vorentoe vir Suid-Afrika uiteensit.

“Ramaphoria 2.0 is dood voordat dit eens begin het,” sê Montalto.

Hy sê dit blyk markte het vergeet dat politieke speletjies nie ná die verkiesing tot ’n einde sal kom nie.

“Daar sou altyd ’n teenreaksie teen Ramaphosa se oorwinning wees.

“Markte het ook blykbaar verwag dat vraagstukke soos die Reserwebank en grondonteiening eenkant toe geskuif sou word, maar dit gaan nie die uiteinde wees nie.”

Ander beleidsprobleme op ’n lang lys waaroor ’n herrie steeds verwag kan word, sluit in Nasionale Gesondheidsversekering, die beoogde wetgewing wat aan pensioenfondse gaan voorskryf dat hulle in ontwikkelingsprojekte moet belê, en die herstrukturering van Eskom.

Montalto sê Ramaphosa, Tito Mboweni, minister van finansies, en die Reserwebank self probeer nog hard om meer linksgesinde beleidskeuses te keer.

Volgens hom kan hulle dalk wel van die grootste afwykende beleidsrigtings voorkom wat van “Zuma-faksies”, die SAKP en individue soos Ace Magashule afkomstig is.

Maar hy waarsku ook dat hervorming nie eintlik moontlik is in so ’n omgewing nie, en dat selfs net gerugte dat die Reserwebank se mandaat of onafhanklikheid gewysig gaan word, die min planne wat Ramaphosa nog het om die ekonomie te stimuleer in die wiele kan ry.

Nou bly net “fasades van doelwitte” oor.

“ ’n Kernprobleem is egter dat ons dink dat maklike maniere uit dié gemors nou ál is waarna nog gekyk word, eerder as enige meer fundamentele verskuiwing in denke,” sê Montalto.

“Ons glo dat die argument oor kwantitatiewe verruiming nie van nêrens af skielik kop uitgesteek het nie, maar dit word al maande in sommige dele van die regering bespreek en deur die SAKP gedryf.”

“Daar is egter ’n breër strategiese vraag op die spel, veral ná die afgelope week: Verstaan die president en diegene om hom die belangrikheid van sekere vraagstukke, soos die Reserwebank se onafhanklikheid, wat ernstige uitvalrisiko kan veroorsaak, of nié?

“Tot dusver is die antwoord ‘nee’ ”. – Netwerk24

Soortgelyk

 

Dringende kragonderbreking op Rehoboth, Windhoek-suid

1 dag gelede | Energie

NamPower het aangekondig dat 'n kragonderbreking vandag vir Rehoboth en suidelike dele van Windhoek tussen 10:00 en13:00 geskeduleer is. "Die kragonderbreking is beplan sodat dringende...

Studente eindelik geholpe

1 dag gelede | Onderwys

Die Namibiese Nasionale Studenteorganisasie (Nanso) sê die 12 624 nuwe studente wat vanjaar aanvanklik nie finansiële hulp sou ontvang nie, gaan nou wel ondersteuning ontvang....

Kabinet sê ja vir Chinese tabakplaas

1 dag gelede | Ministeries

Ronelle RademeyerDie kabinet het die groen lig aan die Chinese tabakverbouer- en verspreider Namibia Oriental Tobacco gegee om 10 000 ha grond in 'n staatswoud...

Be­drog­saak sloer 7 jaar

1 dag gelede | Howe

Ronelle Rademeyer - Sewe jaar nadat ’n bedrogsaak van sowat N$4 miljoen teen twee voormalige boekhouers van Mariental aanhangig gemaak is, moes dié verhoor vandeesweek...

Kinderregte eerste!

1 dag gelede | Mense

Sondag word die Dag van die Afrikakind gevier. Daar is meer as 880 000 kinders jonger as 15 jaar in die land, toon die jongste...

'Nimt-moordenaar' sê sy bekentenis was vals

1 dag gelede | Howe

Erwin Leuchner op SwakopmundDie ambagsdosent wat aangekla is van die dubbele skokmoord op Arandis sê hy het net 'n bekentenis aan die polisie afgelê omdat...

Weer, Vrydag 14 Junie 2019

1 dag gelede | Weer

BINNELAND: Sonnig en koud tot warm in die Suide. Elders sal dit mooiweer en warm tot baie warm wees.KUS: Sonnig, winderig en warm tot baie...

Kalender 14 Junie

1 dag gelede | Kuns en vermaak

Nou aan die gang» Sluit by die Windhoek-DBV aan vir hul jaarlikse fondsinsameling vir troeteldiere sonder huise. Tydens Animals by Night sal talentvolle Namibiese...

Operasie Kalahariwoestyn eis eerste slagoffer

1 dag gelede | Polisie

Francoise Steynberg - Operasie Kalahariwoestyn het sy eerste slagoffer geëis toe ‘n taxibestuurder vroeg gisteroggend in die Greenwell Matongo-nedersetting in die Wanaheda-woonbuurt in die hoofstad...