Renosterspesialiste soek dringend oplossings

Land sedert 2012 hard gelooi

07 February 2019 | Omgewing
Francoise Steynberg op Gross Barmen - Die Wêreldbewaringsorganisasie (IUCN) se Afrika- Renosterspesialisgroep (AfRSG), wat tans 'n week lange konferensie hou, moet dringend oplossings vir renosterstropery vind.

Só sê die adjunkminister van die omgewing en toerisme, me. Bernadette Jagger, wat die 13de konferensie van dié spesialisgroep Dinsdag amptelik by Gross Barmen buite Okahandja geopen het.

Die spesialisgroep bestaan uit 50 lede en 45 afgevaardigdes uit Afrikalande soos Namibië, Botswana, Angola, Zimbabwe, Zambië, Suid-Afrika, Kenia, Mosambiek, Malawi, Tanzanië en eSwatini (voormalige Swaziland) woon dit ook by.

"Die missie van die Afrika- Renosterspesialisgroep is die bevordering van die ontwikkeling en langtermynonderhoud van Afrika-renosterbevolkings in die natuur," het Jagger gesê.

"Ons doelwit as renosterbewaarders is om voort te gaan om renosterbevolkings in die natuur te laat groei. Dít kan nie bereik word as ons in isolasie werk nie."

Jagger sê daar moet samewerking oor grense heen en tussen instellings en organisasies wees.

“Deur samewerking kan ons 'n verenigde front teen die aanslag van wildmisdaad skep om hierdie majestueuse diere vir toekomsgeslagte te bewaar," het sy gesê.

Sy het vertel Namibië is sedert 2012 hard met renosterstropery geslaan, met 97 renosters wat in 2015 gestroop is.

"Sedertdien het Namibië 50 renosters per jaar weens stropers verloor."

Volgens Jagger kan die afname in stropery sedert 2015 toegeskryf word aan die gekombineerde sekuriteitspogings van die Namibiese weermag (NDF), die Namibiese polisie, private renostereienaars en die ministerie van die omgewing en toerisme.

"Die Namibiese regering en renostereienaars moet voortdurend saamwerk om stropingsvlakke laag te hou. Ondanks die aanslag van stropers het bevolkings van wit- en swartrenosters aangehou groei."

Sy het gesê Namibië se swartrenosterbevolking staan tans op meer as 2 000 en witrenosters op meer as 1 000.

"Dit strook met die nasionale renosterstrategie se visie dat renosters hervestig word in lewensvatbare, gesonde renosterbevolkings wat in hul vorige habitat aanteel en volhoubaar gebruik word," het Jagger gesê.

"Tydens hierdie konferensie moet julle koppe bymekaar sit, beplan en met werkbare aanbevelings en implementeerbare strategieë na vore kom om renosterstropery te voorkom. Volgende keer moet gekyk word of die strategieë gewerk het of nie, en of 'n duik in renosterstroprey gemaak is."

Jagger het gemaan daar moet seker gemaak word stropers word uit Namibië se beskermde gebiede gehou.



AfRSG se lede bestaan uit 'n amptelike verteenwoordiger van elke land en ander spesialiste.

Mnr. Piet Beytell is die Namibiese ministerie van die omgewing en toerisme se koördineerder van renosterkwessies.



Die groep ontwikkel beste praktyke vir renosterbewaring en het 'n aksieplan vir die bewaring van renosterspesies in Afrika ontwikkel.

Hulle vergader elke twee jaar en deel kennis en inligting, versamel renosterbevolkingsyfers vir die vasteland en werk dit by, en bespreek kwessies oor renosterbewaring.

Soortgelyk

 

Chasing your dream

15 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

15 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

15 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

15 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

15 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

15 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

15 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

15 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

15 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...