Renosterkoei voorheen ook stropers se teiken

Vyf verdagtes in hof

17 July 2017 | Omgewing
Des Erasmus - Dit was die tweede keer dat ‘n witrenosterkoei vir haar horing op ’n wildplaas tussen Omaruru en Kalkfeld deur stropers geteiken is. In die eerste aanslag verlede jaar is die spogdier gekwes en op wonderbaarlike wyse deur bewaringsinstansies deurgehaal. Voorverlede week was dit die einde toe weer toegeslaan is, die koei doodgeskiet is, haar horing verwyder is en die karkas van die hoogdragtige dier in die veld laat lê is.
Dié inligting is deur betrokkenes op die gebied van bewaring aan Republikein verstrek ná die inhegtenisneming van vyf beweerde stropers kort voor hul eerste verskyning Vrydag in die landdroshof op Omaruru. Getuienis is nie aangebied nie en die saak is uitgestel met al vyf mans wat in aanhouding bly.
Die inhegtenisnemings is Dinsdagaand en vroeg Woensdagoggend op Otjiwarongo uitgevoer.
Onder die aangehoudenes is ‘n beweerde lid van die Namibiese lugmag en ‘n voormalige soldaat van Walvisbaai.
Op laasgenoemde se identiteitsdokument word hy steeds as lid van die weermag aangedui.
In verlede jaar se aanval deur stropers is die koei gekwes. ‘n Helikopter is onder meer gebruik om haar op te spoor en daarna het veeartse haar wonde behandel en is sy deurgehaal.
Tydens die inhegtenisnemings op Otjiwarongo is beslag gelê op geld wat blykbaar reeds vir die horing betaal is, maar dit is nie bekend of dit die volle bedrag is nie. Die horing was glo reeds in besit van ‘n oorsese koper - glo ‘n man van Oosterse herkoms.
Die ondersoek gaan voort.

Soortgelyk

 

Studie-debakel vir Namibiërs in Zambië

19 ure gelede | Gesondheid

Die ministerie van gesondheid en maatskaplike dienste is deur die Namibiese hoë kommissariaat in Zambië gewaarsku dat twee universiteite in dié buurland waar 91 Namibiese...

Meatco heroorweeg BTW-besluit

19 ure gelede | Landbou

Nuus van Meatco se herinstelling van die betaling van 15% BTW (belasting op toegevoegde waarde) op alle beestransaksies by die abattoir, is deur die NLU...

Slaggate teen einde Julie herstel

20 ure gelede | Infrastruktuur

Die munisipaliteit van Windhoek verwag dat alle slaggate van die hoofstad se paaie teen einde Julie herstel sal wees. Die woordvoerder van die munisipaliteit, me....

Onderwyseres ‘ontvoer’ skoolmeisie glo vir seks

1 dag gelede | Howe

Henriette Lamprecht – ’n Onderwyseres van ’n hoërskool in die Suide het gister in die hof verskyn op aanklagte dat sy glo ’n skoolmeisie ontvoer...

Sokkerkoors loop hoog!

1 dag gelede | In beeld

Die opening van 2018 se Wêreldbekersokkertoernooi het gister by die Luzhniki-stadion in Moskou plaasgevind. Nagenoeg 80 000 sokkerliefhebbers het die seremonie bygewoon en die immerbekende...

Vakbond, regering stamp kop oor huishulpe

1 dag gelede | Arbeid

Augetto Graig – Die permanente sekretaris in die ministerie van arbeid, nywerheidsbetrekkinge en werkskepping, mnr. Bro-Matthew Shinguadja, sê daar steek geen waarheid in die Namibiese...

Vaarwel aan Daantjie Louw

1 dag gelede | Mense

Tielman van Lill - “Stil, broers, daar gaan ‘n man verby, hy groet, en dis verlaas . . . ”Só is die woorde van die...

Netumbo by slenters betrek

1 dag gelede | Ministeries

Denver Kisting – Slenters doen tans die ronde waarby die adjunk- eerste minister en die minister van internasionale betrekkinge en samewerking, me. Netumbo Nandi-Ndaitwah, betrek...

Weer vir 15 Junie 2018

1 dag gelede | Weer

WEERWAAK: ‘n Koue front en buie word in die ||Kharasstreek en suidelik kus verwag.BINNELAND: Gedeeltelik bewolk en koud tot matig in die Suide met enkele...