Renosterkarkas word leeus se bosfees

29 April 2016 | Omgewing
Des Erasmus

’n Geveg tot die dood tussen twee swartrenosterbulle het in ’n vleis­fees vir drie leeumannetjies van die Etosha-wildtuin geëindig.
In die proses het dit vroeg Sondagoggend vir sowat twintig oorsese toeriste ’n skouspel geword wat net die Afrika-vasteland, Namibië in die besonder, kan bied.
’n Voorspel tot die velddrama was ’n verwoede geveg tussen twee renosterbulle wat Saterdag op die kringradio van die wildtuin aangemeld is. Brokke van die verhaal dui daarop dat die bul met twee pragtige neushorings in ’n erg beseerde toestand tot by die Chudop-watergat sowat 5 km buite die Namutoni-ruskamp aangesukkel het waar die dood waarskynlik vroeg Sondagoggend ingetree het.
Een van die eerste toeristegeselskappe wat op die toneel afgekom het, was die van Werner von Seydlitz van Immenhof Safari’s met hul hoofkwartier juis op Immenhof, ’n plaas tussen Omaruru en Kalkfeld. Hy het as toerleier vir toeriste uit Duitsland opgetree en die watergat bekend as Chudop was hul eerste stilhouplek nadat hulle voordag van ’n herberg net buite die wildtuin vertrek het. Von Seydlitz skat dit was omstreeks seweuur Sondagoggend toe hulle op die rare verskynsel van die Afrika-bos afgekom het.
In die Von Seydlitz-geselskap was ook ’n gids van die Mushara Lodge.Die volgroeide swartrenosterbul het by Chudop-gat teen die waterkant gelê. Die karkas was nog vars met drie jong leeumannetjies wat bloedbevlek met hul feesmaal besig was. In daardie stadium het hulle reeds aan een van die dik boude van die renoster begin vreet, maar die maagwand was nog nie oopgeruk nie. Ondanks die teenwoordigheid van die mense het die leeus nooit ver van die karkas beweeg, maar hulle het soms wel by hul geskenkte stapel vleis gespeel.
Terwyl die leeus se volle aandag by die logge stuk vleis was, het ’n eerste natuurbewaarder ook sy opwagting gemaak. Hy het tot naby gery en per selfoon van sy vonds laat weet. Daarna het ’n tweede bakkie gekom met twee vroue wat agter op die oop bak met net traliewerk gestaan het. Toe het nog drie voertuie gekom met Etosha-personeel, maar onder wie ook polisiemanne.
Vir die toeriste uit die buiteland het dit gelyk of die wildtuinpersoneel die leeus van hul prooi wil verdryf. In die proses is selfs van die voertuie geklim en te voet beweeg met ’n bestorwe sebratrop wat in die agtergrond gestaan het. Die toeriste het ook optrede bevraagteken toe met die ligte van die amptelike bakkies op die leeus geflits is. Daar is gevra hoekom die kop van die dooie dier nie maar afgesny en verwyder kon word nie vir die roofdiere self wat die opruimingswerk om die karkas kon kom doen nie. Dit kon bydra tot onkoopbare publisiteit vir die toerismebedryf.
Die kopstuk met die kosbare neushorings is blykbaar wel later verwyder.
Lede van die eerste toeriste op die toneel het van die personeel se optrede nie as baie professioneel bestempel nie.
Von Seydlitz het aan Republikein gesê hy het toe verkies om met sy geselskap verder te ry. Nadat ’n toeristeroete gevolg is, was hulle omstreeks elfuur die oggend terug by Chudop. Toe was daar ook ’n ­padskraper by die watergat. Hy vermoed maar dit was gebruik om die karkas van die logge dier ’n entjie van die waterkant tot agter ’n bos te sleep.

Soortgelyk

 

Lelies begin Sondag blom

10 ure gelede | Omgewing

Belangstellendes kan Sondag weer die lelieskouspel op die plaas Sandhof naby Maltahöhe bewonder wanneer die blomme na verwagting in die kleipan sal begin blom. Die...

Nóg reën word voorspel

10 ure gelede | Weer

Henriette Lamprecht – Met die weerprofete wat nóg reën voorspel, is dit veral die suidelike en sentrale gedeeltes van Namibië wat juig oor hul reënmeters...

Oranje: Oorstromings ‘haas onafwendbaar’

10 ure gelede |

Ronelle Rademeyer – ’n Volgende vloedgolf is in die Benede-Oranjerivier op pad en oewerboere is volgens berigte in die Suid-Afrikaanse media gewaarsku oorstroming lyk nou...

Weer vir 20 Januarie 2021

10 ure gelede | Weer

WEERWAAK: Tref voorsorg teen wyd verspreide donderbuie.BINNELAND: Gedeeltelik bewolk en warm in die Namib en die Zambezi- en Omaheke-streke met enkele buie. Elders bewolk en...

Reën beskadig tente by Havana-projekskool

10 ure gelede | Ministeries

Jeanette Diergaardt – Die Havana Sekondêre Projekskool het gister reënskade gehad nadat reënbuie die aand tevore in die hoofstad uitgesak het. Volgens die onderwysers wat...

Boer oorleef ná windpompstaaf hom deurboor

10 ure gelede | Misdaad

Ronelle Rademeyer – ’n Boer van Gobabis is na bewering Maandagnag op sy plaas deur die stiefseun van een van sy werkers ingewag en toe...

Uitspraak vandag oor omstrede skietvoorval

10 ure gelede | Howe

Augetto Graig – Landdros Taboka Mopipi lewer vanoggend om 08:30 in die hof op Kasane in Botswana uitspraak in die geregtelike nadoodse ondersoek na die...

Toeristegetalle styg in 2021

10 ure gelede | Toerisme

Henriette Lamprecht – Die aantal toeriste wat Namibië verlede jaar besoek het, het met 37,1% teenoor dié van 2020 gestyg. Verlede jaar het 'n totaal...

Swakop-skool onderskei tussen ontgroening en oriëntering

10 ure gelede | Ministeries

Adam Hartman op Swakopmund – Karakterbou, dissipline en akademiese prestasie word as agtenswaardige uitkomste vir die oriëntasie van nuwe leerlinge beskou, terwyl praktyke wat fisieke...