Reënmeters styg; peuter verdrink

08 March 2018 | Weer
Henriette Lamprecht - Die Kuisebrivier vloei en die Mieliedriehoek is sopnat. Goeie neerslae is sedert Sondag in verskeie dele van Namibië aangeteken, met plase waar die reënmeters tot amper by 100 mm gestyg het.

Vir die Suide lyk die prentjie egter droog en droewig met net enkele millimeters wat naby Maltahöhe en Grünau aangeteken is.

In die omgewing van Biermanskool naby Kamanjab is teen Dinsdagaand 70 mm aangeteken, terwyl ’n plaas 30 km oos van die dorp 42 mm uit hul reënmeters gegooi het.

Nog ’n plaas in die noordweste van die land naby Otjikondo het 30 mm ontvang, terwyl 28 mm sowat 65 km vanaf Outjo na Khorixas gemeet is.

Die volgende syfers is op die Facebook-blaaie “Reën in Namibië” en “Namibië Boere” gedeel: Opuwo (36 mm), Otavifontein (48 mm), noord van Otavi (24 mm), 15 km noord van Otavi (70 mm), Grootfontein (30 mm), 80 km noord van Grootfontein (15 mm), Samekoms naby Grootfontein (30 mm), Tschudi naby Tsumeb (70 mm), Hisumahills naby Grootfontein (28 mm), plaas in die Tsumeb-distrik (38 mm), Omaha-gasteplaas (30 mm), tussen Otavi en Tsumeb (83 mm), Omaruru (37 mm), Wildlife Estate buite Omaruru (30 mm), 12 km buite Omaruru op die Erindi-pad (25 mm), Kalkfeld (15 mm), Karibib (7,5 mm) 40 km uit Karibib op die Okahandja-pad (30 mm), 35 km suid van Wilhelmstal (10 mm), Usakos (16 mm), plaas in Spitzkoppe-omgewing (12 mm), Otjititongwe (42 mm), Omeya (40 mm), Pionierspark (30 mm), Suiderhof (20 mm), Academia (30 mm), Cimbebasia (30 mm), Olympia (24 mm), Eros (17 mm), Uitbreiding I (26 mm), Doradopark (26 mm), Hochlandrand (25 mm), Auasblick (26 mm), Hochlandpark (34 mm), Luxury Hill/Klein-Windhoek (30 mm), Ludwigsdorf (20 mm), Windhoek-Wes (18 mm), Elisenheim (4 mm), Okahandja (10 mm).

In die Khomas Hochland was daar ook boere wat juig met tussen 50 en 100 mm wat op plekke gemeet is. Een boer het van 34 mm tot 67 mm op sy plaas, ongeveer 60 km suidwes van Windhoek, aangeteken. In die suide is 9,55 mm op die plaas Zackenberge anderkant Maltahöhe gemeet, terwyl 5 mm by die Withuis-gastehuis 12 km noord van Grünau aangeteken is.

Intussen berig Adolf Kaure ’n eenjarige kind het Dinsdag op die plaas Otjiua naby Omaruru verdrink. Volgens die Namibiese polisie se koördineerder van misdaadondersoeke in die Erongostreek, adj.komm. Erastus Iikuyu, is vier kinders by die huis gelos toe hul ouers gaan werk het.

“Teen 17:00 het dit swaar begin reën en met die ouers se terugkeer kon hulle die kinders nêrens vind nie. Al die plaaswerkers het na hulle begin soek,” het Iikuyu gesê.

Volgens hom was die peuter in bosse langs ’n vloeiende rivier vasgekeer. Die ander drie kinders is veilig in nabygeleë bosse gevind.

Die Namibiese weerkantoor voorspel buie en geïsoleerde donderbuie vir vandag vir die Sentrale-Noorde en die Noordooste.

Soortgelyk

 

Resessie klou verbete

48 minute gelede | Regering

Jo-Maré DuddyMet groei van -0,8% in die derde kwartaal het Namibië sy taaiste drie maande nóg vanjaar beleef en sit die twee swaargewigte wat die...

Meteoorreën bereik sy piek

48 minute gelede | Weer

Elvira HattinghNamibiërs kan uitsien na die Geminides-meteoorreën wat vanaand sy piek bereik.Sowat 100 verskietende sterre sal per uur gesien kan word – mits jy op...

Vuurkuns

48 minute gelede | In beeld

Clinton Fisch het hierdie besondere foto geneem deur staalwol aan die brand te steek en dit tussen staaldrade in te druk wat in die rondte...

Weer, Vrydag 14 Desember 2018

48 minute gelede | Weer

BINNELAND: Mooiweer en matig in die suidweste. Elders sal dit gedeeltelik bewolk en baie tot bloedig warm met enkele dondebuie wees.KUS: Gedeeltelik bewolk en koel...

Eksamenuitslae Donderdag bekend

48 minute gelede | Onderwys

Die voorlopige uitslae vir graad 10-(JSC) en graad 12-(NSSC)hoërvlakkandidate – voltydse en deeltyds – word eerskomende Donderdag amptelik bekend gemaak. Die uitslae sal op die...

Unam-studente moet meer opdok

48 minute gelede | Onderwys

Henriette Lamprecht – Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land het die universiteitsraad...

1,6 miljoen toeriste kom kuier in 2017

48 minute gelede | Toerisme

Francoise Steynberg - Toerisme het met 2,2% van 2016 af tot verlede jaar gegroei, en 1 608 018 buitelandse toeriste het Namibië in 2017 by...

Standvastig en dapper

48 minute gelede | Mense

Jemima BeukesHuldeblyke stroom in vir die vryheidsveteraan mnr. Petrus Iilonga wat Dinsdagaand op 71-jarige ouderdom gesterf het. Iilonga was 'n voormalige vakbonds­man en politieke gevangene...

Gemeenskap van Okahandja eis antwoorde

48 minute gelede | Regering

Gemeenskapslede van Okahandja het tydens 'n vergadering hul misnoeë met die dorp se huidige bestuur uitgespreek. Mnr. Petrus Gariseb, 'n gemeen­skapsaktivis, het onder andere vir...