Reënkanse verbeter drasties

Gemiddelde tot bogemiddelde neerslae voorspel

05 February 2019 | Weer
Elvira Hattingh - ‘n Skerp positiewe verandering is in reënvooruitsigte vir die res van dié seisoen te bespeur.

‘n Sterk moontlikheid bestaan dat Februarie en Maart vanjaar se oorheersende reënmaande sal wees.

Só sê Santam Suid-Afrika se landbouweerkundige, mnr. Johan van den Berg.

Hy meen die neutrale toestande in die Niño-gebiede vind eindelik deurslag en reënvooruitsigte vir die sentrale en noordelike dele van Namibië lyk beter as vroeër.

Van den Berg sonder die suidelike en suidwestelike dele van die land uit en sê reënvooruitsigte hier lyk nié belowend nie – soortgelyk aan die westelike dele van die Noord-Kaap.

Twee scenario’s

Van den Berg vergelyk Namibië se vooruitsigte van reën met dié van die westelike dele van Suid-Afrika en sê tans is twee scenario’s moontlik.

Die eerste is dat gemiddelde reën in Februarie voorkom met voortgesette droë toestande in die laaste deel van die seisoen as ‘n “oorblyfsel” van die swak El-Niño-toestande.

Volgens hom is die kanse 30% dat dié scenario sal inskop.

Die kans dat die tweede scenario ‘n werklikheid raak, is egter 70%.

Dit behels dat neutrale Niño- en Indiese Oseaan-toestande die weer oorheers en gemiddelde tot bogemiddelde reën tydens die res van die seisoen bring.

Damvlakke

Landswyd bevat damme gemiddeld 10% minder water as in dieselfde tyd verlede jaar toe die gemiddelde vlak 41% was.

Die drie damme wat Windhoek en ander sentrale dele van die land van water voorsien, is tans 23,9% vol – leër as verlede jaar dieselfde tyd toe dié syfer op 33,2% gestaan het. Wateroorplasings van beide die Omatako- en Swakoppoortdam na die Von Bachdam word steeds volgehou.

Sowat 5 mm reën is by die Swakoppoortdam gemeet en 43 mm by die Von Bachdam.

Terselfdertyd dui NamWater se jongste damverslag aan die Friedenau- en Goreangabdam is onderskeidelik 30,5% en 90,8% vol.

Die Otjivero- en Tilda Viljoendam staan nou op 4,6% en 3,9%, vergeleke met verlede jaar se 11,2% en 38,5% in dieselfde tyd.

Intussen het dié damvlakke te laag gedaal om Gobabis langer van water te voorsien en maak dié dorp nou op water uit nabygeleë boorgate staat.

Die damverslag dui egter aan 56 mm reën is die afgelope week by die Otjiverodam gemeet, asook ‘n verdere 18 mm by Tilda Viljoen.

Die reuse Hardapdam, met ‘n houvermoë van sowat 294,593 Mm³ (miljoen kubieke meter), is tans 31,2% vol, gevolg deur die Nautedam, wat nog 61,7% water oorhet.

Laasgenoemde dam se bergruimte is 83,580 Mm³.

Die Oanobdam is tans 55,8% vol, wat die Suide se damme op ‘n gemiddeld van 38% vol te staan bring.

Noorderiviere voller

Volgens die Hidrologiese Dienste van Namibië se jongste verslag verlede week is riviervlakke in die Noorde besig om te styg, en was dit in die algemeen voller as ‘n week vantevore.

Op Woensdag 30 Januarie/verlede Woensdag het die Zambezirivier by Katima Mulilo 1,06 m diep gevloei vergeleke met ‘n diepte van 95 cm sowat ‘n week tevore op 23 Januarie.

Dit is egter steeds laer as verlede jaar toe die rivier teen die einde van Januarie 1,88 cm diep gevloei het.

Die Kwandorivier by Kongola het op 2,41 m gestaan, wat beteken dit het heelwat meer water as verlede jaar dieselfde tyd gehad toe dit net sowat 1,87 m diep was.

Op Rundu was die Kavangorivier 4,49 m diep ná dit met 8 cm sedert 23 Januarie gestyg het.

Verlede jaar het dit op 30 Januarie 4,62 m diep gevloei.

Soortgelyk

 

‘Aarde lag deur haar gebarste gesig’

13 ure gelede | Weer

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

‘Aarde lag deur haar gebarste gesig’

13 ure gelede | Tuisblad

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

Parlement skop Woensdag sy werksaamhede af

1 dag gelede | Regering

Pres. Hage Geingob open Woensdag om 14:30 die Nasionale Vergadering se verrigtinge vir die jaar. Dit sal die negende sitting van die sesde parlement inlui.Die...

Registrasiefooie by NUST nou N$2 000 minder

1 dag gelede | Onderwys

Die Universiteit van Wetenskap en Tegnologie (Nust) se registrasiefooie is met N$2 000 van N$4 200 tot N$2 200 verminder. Dit volg nadat ouers en...

Man sterf in ongeluk naby Rehoboth

1 dag gelede | Ongelukke

‘n Man is Woensdag op slag dood nadat die voertuig waarin hy op reis was, die pad verlaat en omgeslaan het. Volgens die polisie se...

Grondwet mag nie ‘papierdroom’ wees

1 dag gelede | Mense

Ronelle Rademeyer - “Ons kan almal baie dankbaar wees vir die Grondwet wat ons geskryf en eenparig aanvaar het. Namibiërs se vryheid en beskerming lê...

Groter stoom vir TransNamib

1 dag gelede | Vervoer

font face="Verdana" > Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting...

NSFAF: Finale betalings voor 28 Februarie

1 dag gelede | Onderwys

Die Finansiële Hulpfonds vir Namibiese Studente (NSFAF) het alle geld ontvang wat aan studente vir 2018-’19 uitbetaal moet word. Volgens die fonds het die verwerking...

Weer, Vrydag 8 Februarie 2019

1 dag gelede | Weer

BINNELAND: Sonning en bloedig warm in die verre noordweste. Elders sal dit gedeeltelik bewolk en baie tot bloedig warm wees met enkele tot wydverspreide donderbuie.KUS:...