Rekenmeester werp lig op N$3,5 miljard

Meer as 100 invoermaatskappye betrokke

09 January 2017 | Howe
Jacqueline Louw - 'n Forensiese rekenmeester van die ouditeursfirma KPMG het Vrydag in die Windhoek-landdroshof in die borgtogaansoek van mnr. Laurentius Julius en twee Chinese burgers genoem dat sy maatskappy se ondersoek betrekking het op etlike duisende transaksies en buitelandse valuta-oorbetalings.

KPMG is deur die Bank of Namibia aangestel om dokumentasie met betrekking tot finansiële transaksies te ondersoek om te bepaal of doeaneheffingregulasies nagekom is.

Mnr. Roy Waligora van KPMG het verduidelik dat onreëlmatighede in transaksies gevind is in 'n tydperk wat tot so ver as 2008 strek, maar dat hulle op die tydperk van die begin van 2013 tot aan die einde van 2016 fokus.

Die bedrag van N$3,5 miljard het betrekking op bedrae wat na die buiteland deur Nedbank oorbetaal is. “Van fakture tot die waarde van US$313 miljoen hou slegs US$13 miljoen se goedere daarmee verband,” het hy getuig.

Hy het verduidelik dat net 5% van die bedrae wat aan doeane en aksyns oorbetaal is, betrekking het op die waarde van goedere wat ingevoer is, wat dus dui op 'n enorme onderverklaring van goedere. Die bedrag van N$3,5 miljard dek nagenoeg 100 invoerders. Die saak teen die drie beskuldigdes verteenwoordig net 'n deel van dié bedrag.

Die klagte teen mnr. Tao Huizhong hou verband met beweerde transaksies van US$12,3 miljoen wat deur sy maatskappy, Golden Phoenix, ingedien is en waarvan na bewering net US$300 000 tot US$400 000 verklaar is, wat 'n verskil van minstens US$11,9 miljoen daarstel. Golden Star, die maatskappy waarby mnr. Jinrong Huang na bewering betrokke is, word gekoppel aan transaksies ter waarde van US$2,4 miljoen waarvan net US$100 000 aan doeane en aksyns verklaar is.

Waligora het getuig dat die onreëlmatighede te wyte is aan die onderverklaring van die waarde van goedere vir doeaneheffingdoeleindes en ook aan geldwassery wanneer dokumente geskep word om die uitvloei van buitelandse valuta uit Namibië te fasiliteer. “Ons het dokumente wat hierdie deurlopende tema ontbloot van hoër bedrae wat aan die bank aangebied word as die bedrae vir dieselfde transaksie wat aan die doeane verklaar word,” het hy gesê.

Julius, die eienaar van 'n vervoer- en doeaneklaringsmaatskappy, Extreme Customs Clearing Services (ECCS), Tao en Jinrong het 'n borgtogaansoek ingedien nadat hulle in hegtenis geneem is op klagte van bedrog en geldwassery. Die staat beweer in hierdie stadium die drie het die ministerie van finansies vanaf die begin van 2012 tot 19 Desember verlede jaar bedrieg met die berekening en betaling van doeaneheffings. Die klagte hou verband met 'n bedrag van N$3,5 miljard in werklike en potensiële verliese wat deur die ministerie gely is as gevolg van die onderverklaring van die waarde van goedere wat na Nambië ingevoer is en waarop doeaneheffings betaalbaar is.

Julius, wat die klagte van bedrog en die besit van eiendom wat op onwettige wyse verkry is ontken, het vroeër die dag getuig dat hy nie seker is van die klagte teen hom nie. “Hulle (doeane en aksyns) moedig mense aan om te betaal, maar as jy hulle nader om te onderhandel, dan sluit hulle jou toe,” het hy aan landdros ­Venatius ­Alweendo gesê.

Intussen het die Bank of Namiba in 'n mediaverklaring verlede week bekend gemaak dat die mediaverslae en bewerings op sosiale media die afgelope weke dat N$3.5 miljard in die noorde van Namibië gevind is, verkeerd is en nie deur enige feite gestaaf word nie. “Die huidige hofverrigtinge van drie verdagtes hou verband met strafregtelike klagte van bedrog, geldwassery en belastingontduiking ter waarde van die genoemde bedrag.

“Sover vasgestel kan word, het die polisie nie enige geld wat deur die verdagtes opgegaar is, gevind toe hulle in hegtenis geneem is soos in sommige mediaberigte beweer word nie,” lui die verklaring. Die Bank of Namibia het verder genoem die bewerings dat die Nambiese geldeenheid in China gedruk en teruggebring word met die oog op die inruil van die vervalste geld vir Amerikaanse dollars, is ook sonder enige gronde.

Die borgtogaansoek word vandag voortgesit.

Soortgelyk

 

Bejaarde erg getraumati­seer

23 ure gelede | Gesondheid

Henriette Lamprecht'n Bejaarde inwoner van Windhoek wat van 'n rolstoel gebruik maak, het vandeesweek vir ure in haar ontlasting in 'n hospitaalgang vir 'n prosedure...

Rooies Mostert in eiendomsgeskil

23 ure gelede | Misdaad

Denver Kisting – Mnr. Walter (Rooies) Mostert, ’n oudlanddros, staar strafregtelike klagte in die gesig weens ’n eiendomstransaksie wat skeefgeloop het.Luidens dokumente in Republikein se...

Weer vir 19 April

23 ure gelede | Weer

BINNELAND: Gedeeltelik bewolk en matig tot warm in die //Kharasstreek, maar baie warm in die Noorde. Elders sal dit mooiweer en baie warm wees. KUS:...

Inbrekers steel derduisende by SKW

23 ure gelede | Misdaad

Denver Kisting – Teen gistermiddag was daar nog geen sent teruggevind van die N$220 000 kontant wat die naweek by die Sport Klub Windhoek (SKW)...

Piramideskema: Trio skuldig op 512 klagte

23 ure gelede | Howe

Ronelle RademeyerDie bedrog-trio van Oranjemund wat van 2004 tot 2006 'n piramideskema bedryf het waarin beleggers sowat N$11,5 miljoen verloor het, se doppie is geklink.Regter...

Oranjemund maak spiere vir toerisme

23 ure gelede | Gebeure

Môre (Vrydag) bied Namibië se nuutste dorp, Oranjemund, ‘n toerismemark aan.Die geleentheid vier ook die dorp se nominering as ‘n finalis in Namibia Media Holdings...

Skole, koshuise in 'toestand van verval'

23 ure gelede | Ministeries

Henriette LamprechtSowat 85% van openbare onderwysgeriewe in Namibië is in 'n toestand van verval, terwyl die ontwikkeling en rehabilitasie daarvan teen 'n slakkepas beweeg. Die...

PDM lê Sona-eier

23 ure gelede | Regering

Denver Kisting Mnr. McHenry Venaani, leier van die amptelike ­opposisie, beweer president Hage Geingob en sy binnekring woon in 'n ander land as die...

Spensdeure klap oop oor kaas en kontreikos

23 ure gelede | Gebeure

Des Erasmus - Die bystand van deskundiges uit Suid-Afrika is ingeroep in die eerste stappe wat gedoen word om Namibië se kaasmakersbedryf te standaardiseer en...