Reho-ongeluk: DNS-toetse dalk nie moontlik

Bestuurder het luukse vuurwa pas gekoop

25 March 2021 | Ongelukke
Ronelle Rademeyer en Boet Matthews



Die polisie sal waarskynlik steun op tandheelkundige rekords en sterk omstandigheidsgetuienis in die uitkenning van die twee mans en drie jong vriendinne wat Saterdagnag ná ’n hoë-impakbotsing buite Rehoboth onherkenbaar verbrand het.

Dit is omdat deoksiribonukleïensuur (DNS), wat die draer van erflike inligting in selle is, deur erge hitte soos wanneer 'n voertuig uitbrand, vernietig word, het komm. Nelius Becker, hoof van die polisie se Forensiese Wetenskapinstituut, gister by navraag verduidelik.

Intussen het me. Elsabé Diergaardt (48), die ma van een van die twee oorlewendes van dié gru-ongeluk, gister gesê haar dogter, Rachel “Barbie” Diergaardt (20), sterk goed aan. Haar man, mnr. Gerhard Diergaardt, het in 2010 toe Rachel nege jaar oud was, in ’n soortgelyke ongeluk naby Okahandja gesterf, vertel sy. Hy was toe 39 jaar oud.

“Rachel wou in die hospitaal by my weet of Oumeid en Zonkies wat saam met haar in die kar was, nog leef. Hulle kom al van graad R af saam,” het sy vertel oor haar dogter se twee beste vriendinne met wie sy van haar kleuterdae maats was. Dit is hulle byname.

“Die ander meisie het eers later met hulle bevriend geraak,” het sy gesê oor die derde vrou gesê wat in die ongeluk dood is.

Rachel het ernstige beserings opgedoen en is Dinsdag in die Katolieke Hospitaal in Windhoek geopereer. Sy is saam met mnr. Charles Shivela (35) uit die brandende wrak bevry. Die vlamme was gou so erg dat die ander vyf mense nie deur die omstanders verwyder kon word nie. Die polisie het aanvanklik gesê sy het uitgespring, maar dit het later geblyk sy is uitgesleep nadat haar veiligheidsgordel losgesny is.

Shivela is steeds in die St. Mary’s-hospitaal op Rehoboth. Hy het Dinsdag aan Republikein gesê hy voel beter.

Hy en twee van sy vriende het vermoedelik saam met die vier jong vroue op Rehoboth gekuier. Die eienaar van die luukse Range Rover, wat die voertuig verlede week gekoop het, het met hulle na Bahnhof-stasie gery. Hy het na bewering op ’n draai beheer oor die voertuig verloor en in die perron vasgejaag.

Becker het gesê daar hoef nie altyd DNS-toetse gedoen te word om oorledenes soos dié se identiteite te bevestig nie. “Hulle kan aan tandheelkundige rekords uitgeken word indien dit beskikbaar is. Die verklarings van mense wat gesien het dat hulle in die voertuig klim, of saam met hulle in die voertuig was, is sterk omstandigheidsgetuienis,” sê Becker.

“Wanneer ’n liggaam erg verbrand is, is dit soms moeilik om DNS vir ontleding te bekom. Dan kyk die polisie na alternatiewe maniere,” sê hy.

Intussen het mnr. Tarah Shaanika, uitvoerende hoof van Namibia Asset Management, gister die dood betreur van dié batebestuursmaatskappy se finansiële hoof, mnr. Ulrich “Bobby” Eiseb wat Saterdagnag in die ongeluk naby Rehoboth dood is.

Shaanika het Eiseb beskryf as "briljant, intelligent, opreg, lojaal en hardwerkend". “Hy het onlangs die rol as bedryfshoof gekry - hy was die kern van die maatskappy se bedrywighede. Dit is nie net die maatskappy nie, maar ook die beleggingsbedryf ’n groot verlies,” het hy by navraag gesê.

Republikein weerhou die name van die oorledenes tot hulle amptelik geïdentifiseer nie. [email protected]

Soortgelyk

 

Hoërskool Rehoboth gesluit tot ná Paasnaweek

37 minute gelede | Onderwys

Hoërskool Rehoboth is vanaf vandag tot Dinsdag 6 April gesluit. Volgens die bestuur van die skool sal dié tyd gebruik word om die skoolperseel deeglik...

Robberts bly in aanhouding

11 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

11 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

11 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

11 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

11 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

11 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

11 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

11 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...