Regulasie briek langafstandreisigers

Sluit bronmarkte met hoë waarde uit

24 August 2021 | Toerisme
Henriette Lamprecht – Die openbare gesondheidsregulasies vir die aankoms in Namibië moet na die oorspronklike bewoording verander word wat sê die uitslae van Covid-19-toetse mag nie ouer wees as 72 uur vanaf die tyd wat die besoeker die eerste keer aan boord van ’n vliegtuig gegaan het nie. Dit is in lyn met die Lugvervoervereniging (IATA) se standaardbewoording van “eerste keer aan boord gaan”.
Dié dringende versoek word deur onder meer die Toer- en Safarivereniging (TASA) en die Gasvryheidsvereniging van Namibië (HAN) aan die ministerie van die omgewing, bosbou en toerisme gerig in ’n poging om die sukkelende toerismebedryf in die land weer op dreef te kry.
Volgens die versoekskrif sal die verandering in die huidige regulasies dit geografies vir besoekers van hoëwaarde-bronmarkte oor verskeie tydsones (Hongkong, Singapoer, China, Noord-Amerika) moontlik maak om Namibië te bereik.
Lande wat baie gewild is onder hoëmark-toeriste en in veral Suid-Afrika, Kenia, Mauritius, Rwanda, Seychelle, Zambië en Zimbabwe, sal direk uit die kansellasies en verlore besprekings voordeel trek wat die bewoording van Namibië se regulasies beperk.

KANSELLASIES
Sou die huidige bewoording in plek bly, sal dit tot ’n 60% kansellasie van besprekings lei wat deur langafstandreisigers gehou word. “So kan 30 tot 40 besighede oraloor Namibië in beide landelike en stedelike gebiede getref word,” lui die versoekskrif.
Oor ’n jaar kan dit tot die verlies van N$20 miljoen in besprekings lei.
Bereken oor 40 besighede kom dit op ’n direkte verlies van tot N$800 miljoen neer, met 3 000 inwoners wat die risiko loop om hul werk te verloor.
Volgens die versoekskrif sal die terugkeer na die oorspronklike bewoording van 72 ure tot die tyd wat die besoeker die eerste keer aan boord gaan, Namibië se regulasies in ooreenstemming bring met Suid-Afrika, Zimbabwe, Zambië, Kenia en baie ander lande s’n.
“Die verandering sal help om besighede oop te hou, Namibiese werksgeleenthede te red en help om te verseker die toerismebedryf, Namibië se derde grootste bedryf voor die Covid-19-pandemie, oorleef.”
Die versoekskrif verwys na die afkondiging van ’n noodtoestand in die land in Maart verlede jaar wat lugverkeer van spesifieke lande opgehef het, terwyl nog beperkings gevolg het.
Teen 31 Maart was dit volgens die versoekskrif die begin van die einde vir die meerderheid van internasionale reise na Namibië vir die res van die jaar, ’n situasie wat homself vanjaar herhaal het.
“Namibië se huidige bewoording in reisregulasies vir besoekers knel egter langafstandreise en skep so ‘reuseverliese’ in die plaaslike toerismebedryf, die land se ekonomie en kos duisende Namibiërs hul werk.”
Volgens die huidige regulasies mag besoekers die land net binnekom as hulle ’n negatiewe PCR-toets kan wys wat nie ouer as 72 uur is vanaf die datum wat die weefselmonster geneem is nie en wat deur ’n gesertifiseerde laboratorium in die betrokke land uitgereik is.
[email protected]

Soortgelyk

 

Amutse wins 2021 Bank Windhoek Doek Literary Visual Arts...

51 minute gelede | Mense

Monique AdamsBorn in Walvis Bay, Namafu Amutse attended Immanuel Ruiters primary school. She then moved to Swakopmund in 2007 and attended Swakopmund Primary School.Amutse completed...

PHOTO OF THE WEEK:

51 minute gelede |

Siku Investments, together with Bank Windhoek as part of the Cancer Apple Project, donated over 50 apples to the Children of Hope Village. Siku investments...

Nust marine engineering students seek over N$3 million

51 minute gelede | Onderwys

Enzo AmueleA group of 16 students in a marine engineering degree programme at the University of Science and Technology (NUST) in partnership with a Finnish...

200 more in need

51 minute gelede |

Jeanette DiergaardtOruua Primary School at Ovitoto recently received a donation worth N$60 000 from the Ohlthaver and List (O&L) group of companies through one of...

Investing for the greater good

51 minute gelede | Onderwys

Monique AdamsThe Maltas Club Namibia celebrated its 10th anniversary on 11 March this year. The core mandate of the Maltas Club is premier student learning...

Covid-19 pandemic reforms education

51 minute gelede | Onderwys

Iréne-Mari van der WaltAmidst the looming uncertainty of the new semester calendar ushered in by the ministry of education, arts and culture, executive director Sanet...

Stepping Stones sluit warrelwind jaar af

51 minute gelede |

Iréne-Mari van der WaltDie Stepping Stones-skool vir kinders met leer- en gedragsuitdagings het onlangs hul jaarlikse afsluitingskonsert met ’n sirkustema gehou. Die skoolhoof, Almarie Mostert,...

SStar Teacher from DHPS: Valerie Van Zyl teaches Mathematics,...

51 minute gelede | Mense

1. Why did you decide to become a teacher? School was hard for me when I was a learner and unfortunately, some of...

Becoming globally competitive begins at home

51 minute gelede |

Desiree Gases A youth internship programme aimed at equipping people between the ages of 18 and 34 with meaningful skills and work experience has been...