Regter beslis in Swapo-jeugliga se guns
'n Deel van 'n hofaansoek om die besluit van die Swapo-jeugliga om mnr. Mandela Kapere se nominasie as sekretaris omver te werp, is Vrydag van die hand gewys.
Jacqueline Louw - Regter Shafimana Ueitele het verlede Vrydag die eerste deel van 'n aansoek van twee lede van die Swapo-jeugliga (Spyl) se nasionale uitvoerende komitee (NEC) in die hoërhof in Windhoek afgewys.
In dié deel van die aansoek het mnre. Immanuel Nashinge en Sioni Iikela die hof genader vir 'n interdik om die jeugliga, sy sekretaris en adjunksekretaris, mnr. Veikko Nekundi, te verhinder om enige van die resolusies en besluite te implementeer wat op 'n vergadering van die sentrale komitee van die jeugliga op 13 Mei gehou is.
Dit sluit in die sameroeping van die Spyl-kongres wat later vandeesmaand in die Zambezistreek sal plaasvind. Die applikante het die hof versoek om sodanige interdik onmiddellik in werking te stel, hangende die afhandeling van die hoofaansoek.
Regter Ueitele het Vrydag gesê hy is nog nie gereed met sy volle uitspraak nie en hy sal die redes vir sy uitspraak op 18 Augustus gee.
In die hoofaansoek, wat nog aangehoor moet word, vra Nashinge en Iikela die hof moet verklaar dat die vergadering van 13 Mei in stryd met die Spyl-grondwet is, onwettig is en nie behoorlik saamgestel is nie.
Hulle het die hof verder versoek om alle resolusies en besluite wat by die genoemde vergadering geneem is, ongeldig, onwettig en ongrondwetlik te verklaar en om die nominasie van mnr. Mandela Kapere as sekretaris van die jeugliga in stryd met die Spyl-grondwet te verklaar en dit ter syde te stel.
Hulle voer aan dat hy ouer is as die 35 jaar-ouderdomsperk wat deur die Spyl-grondwet bepaal word.
Die applikante vra ook dat die hof moet verklaar dat Nekundi sy individuele lidmaatskap van die jeugliga moet verloor uit hoofde van artikel 5(a) en 5(c) van die Spyl-grondwet en om enige besluit of aksie deur Nekundi geneem nadat hy 35 jaar oud geword het, van die hand te wys.
Daarbenewens wil die applikante hê die hof moet alle verrigtinge, resolusies en besluite van die 13 Mei-vergadering ter syde stel.
Ten slotte vra die applikante dat die sekretaris en adjunksekretaris van die jeugliga moet verseker dat die vergadering van die sentrale komitee volgens die riglyne van die Spyl-grondwet saamgeroep en gehou word.
Die applikante het aangevoer dat die 13 Mei-vergadering nie deur die NEC belê was nie en gevolglik onwettig was.
Hulle sê verder dat lede van die sentrale komitee uitgesluit was van dié vergadering of verhoed is om dit by te woon.
In 'n eedsverklaring wat Nekundi namens die jeugliga afgelê het, verklaar hy dat die 13 Mei-vergadering wel volgens die riglyne van die Spyl-grondwet saamgeroep is en dat die besluite wat daartydens geneem is, wel geldig is.
In dié deel van die aansoek het mnre. Immanuel Nashinge en Sioni Iikela die hof genader vir 'n interdik om die jeugliga, sy sekretaris en adjunksekretaris, mnr. Veikko Nekundi, te verhinder om enige van die resolusies en besluite te implementeer wat op 'n vergadering van die sentrale komitee van die jeugliga op 13 Mei gehou is.
Dit sluit in die sameroeping van die Spyl-kongres wat later vandeesmaand in die Zambezistreek sal plaasvind. Die applikante het die hof versoek om sodanige interdik onmiddellik in werking te stel, hangende die afhandeling van die hoofaansoek.
Regter Ueitele het Vrydag gesê hy is nog nie gereed met sy volle uitspraak nie en hy sal die redes vir sy uitspraak op 18 Augustus gee.
In die hoofaansoek, wat nog aangehoor moet word, vra Nashinge en Iikela die hof moet verklaar dat die vergadering van 13 Mei in stryd met die Spyl-grondwet is, onwettig is en nie behoorlik saamgestel is nie.
Hulle het die hof verder versoek om alle resolusies en besluite wat by die genoemde vergadering geneem is, ongeldig, onwettig en ongrondwetlik te verklaar en om die nominasie van mnr. Mandela Kapere as sekretaris van die jeugliga in stryd met die Spyl-grondwet te verklaar en dit ter syde te stel.
Hulle voer aan dat hy ouer is as die 35 jaar-ouderdomsperk wat deur die Spyl-grondwet bepaal word.
Die applikante vra ook dat die hof moet verklaar dat Nekundi sy individuele lidmaatskap van die jeugliga moet verloor uit hoofde van artikel 5(a) en 5(c) van die Spyl-grondwet en om enige besluit of aksie deur Nekundi geneem nadat hy 35 jaar oud geword het, van die hand te wys.
Daarbenewens wil die applikante hê die hof moet alle verrigtinge, resolusies en besluite van die 13 Mei-vergadering ter syde stel.
Ten slotte vra die applikante dat die sekretaris en adjunksekretaris van die jeugliga moet verseker dat die vergadering van die sentrale komitee volgens die riglyne van die Spyl-grondwet saamgeroep en gehou word.
Die applikante het aangevoer dat die 13 Mei-vergadering nie deur die NEC belê was nie en gevolglik onwettig was.
Hulle sê verder dat lede van die sentrale komitee uitgesluit was van dié vergadering of verhoed is om dit by te woon.
In 'n eedsverklaring wat Nekundi namens die jeugliga afgelê het, verklaar hy dat die 13 Mei-vergadering wel volgens die riglyne van die Spyl-grondwet saamgeroep is en dat die besluite wat daartydens geneem is, wel geldig is.
Kommentaar
Republikein
Geen kommentaar is op hierdie artikel gelaat nie