Regshulpsentrum stel databasisse bekend

Namlex Lubowski se idee

07 December 2017 | Howe
Jacqueline Louw – Namibiese regslui en die publiek het nou toegang tot drie databasisse wat Namibiese wette en internasionale reg sodoende vrylik beskikbaar maak.

Die Regshulpsentrum in Windhoek het gister tydens ’n bekendstellingseremonie drie databasisse, naamlik Namlex, die Namlex-appendix en die geannoteerde wette van Namibië amptelik bekend gestel.

Me. Toni Hancox het in haar openingsrede gesê een van die belangrikste elemente van die oppergesag van die reg is dat die gemeenskap toegang daartoe moet hê. Die drie databasisse wat deur die Regshulpsentrum bekend gestel is, is gratis beskikbaar op die sentrum se webwerf vir enigeen wat meer te wete oor die wette van Namibië wil kom.

Volgens me. Dianne Hubbard van die sentrum is Namlex in wese die Wikipedia van Namibiese wette. Benewens wette lys dit ook regulasies, reëls, kennisgewings, hofsake en kommentaar.

Hubbard het gesê die idee vir Namlex het sy oorsprong by wyle adv. Anton Lubowski gehad wat "versiende genoeg was" om reeds voor onafhanklikheid te besef Namibië sou ’n gids tot sy wette nodig hê.

’n Span spesiaal-opgeleide jong regsgeleerdes sal vir toekomstige opdaterings van Namlex verantwoordelik wees.

Die Namlex-appendix is ’n gids tot internasionale reg wat in Namibië van krag is. Soortgelyk aan Namlex het dit ’n aparte inskrywing vir elke wêreld- of streeks-multilaterale ooreenkoms met ’n kort opsomming, datum waarop die verdrag bindend op Namibië geword het, asook inligting oor wysigings of protokolle waartoe Namibië ’n party is.

Die derde databasis is ’n opdatering van die geannoteerde wette en regulasies. Geannoteer verwys na ’n wet waarby alle wysigings ingesluit is.

Hubbard het voorts gesê Namibië se oudste wet is ’n Hollandse wet van 1580 wat steeds relevant in erfreg is.

Intussen het die prokureur-generaal, mnr. Sacky Shanghala in sy toespraak die belangrikheid van die drie takke van Namlex beklemtoon. Volgens Shanghala is Namlex noodsaaklik in die handhawing van die oppergesag van die wet.

“Afrika het sy eie begrip van die oppergesag van die reg ontwikkel. Hierdie konsepte is gefasiliteer deur belangrike politieke transformasies wat geboorte geskenk het aan ’n Afrika-beskouing van ’n internasionale regsregering waar voorkeur aan selfbeskikking gegee word. Dit is voorts geïnspireer deur die proses van dekolonisasie, die definisie van die term 'vlugteling' en die aandrang, op ’n vasteland wat deur massamoord en armoede geteister word, dat menseregte nie net burgerlike en politiese regte maar ook ekonomiese en maatskaplike regte moet beskerm," het hy gesê. Volgens Shanghala “behoort ons die reg in elke inheemse taal te vertaal”.

Hoofregter Peter Shivute het tydens sy toespraak die Regshulpsentrum gelukgewens met die reuseprojek wat die publiek toegang tot "akkurate, opgedateerde en eenvormige inligting" met betrekking tot die wette van die land gee. “Die projek verskaf ’n waardevolle hulpmiddel vir die bevordering van menseregte en die oppergesag van die wet in Namibië,” het hy gesê.

Soortgelyk

 

Geingob op pad na Kenia en Switserland

3 ure gelede | Regering

Denver Kisting – Pres. Hage Geingob gaan vandeesweek Kenia vir die eerste keer amptelik as staatshoof besoek.Tydens dié drie dag lange besoek gaan die president...

N$100 000 se dagga in Khomasdal gekry

5 ure gelede | Misdaad

Denver Kisting – ’n Namibiese vrou (24) en ’n 38-jarige man van Tanzanië is in aanhouding nadat dagga ter waarde van bykans N$100 000 in...

Tweejarige op Outjo ontvoer, verkrag

6 ure gelede | Misdaad

Denver Kisting – ’n Tweejarige meisietjie is pas ernstig beseer in die bosse buite Outjo gevind.Die meisietjie is waarskynlik deur ’n volwasse familielid verkrag.Dié man...

Vier huurplase vir Rus

18 ure gelede | Ministeries

Ronelle RademeyerDie regering het sowat twee weke voor die grondkonferensie oordrag geneem van vier plase by Dordabis, wat nou vir 99 jaar aan die Russiese...

Rammetjie-uitnek

18 ure gelede | In beeld

Mnr. William Lloyd jr. het dié foto van 'n jong olifantbul in die Hoanibrivier geneem. “Die bulletjie het my gaste 'n bietjie kom groet,” het...

Saak sloer 2 jaar ná matriekmeisie sterf

18 ure gelede | Howe

Henriette Lamprecht – Twee jaar ná ’n motorongeluk die lewe van ’n matriekmeisie geëis het, is daar steeds geen teken dat ’n saak van strafbare...

'Heksejag' teen Kahimise

18 ure gelede | Regering

Denver KistingDie uitvoerende hoof van die Windhoekse stadsraad, mnr. Robert Kahimise, is ongewild omdat hy mense keer om hulle verder aan tenders dik te vreet.“Mnr....

Windhoek se eenheid bedreig

18 ure gelede | Regering

Denver KistingRowers en beeldpoetsers is besig om met die Windhoekse stadsraad se vernaamste bate, eenheid, te dobbel.Só sê die hoofstad se burgemeester, mnr. Muesee Kazapua,...

Idaho-jagter bedank ná storm op sosiale media

18 ure gelede | Omgewing

Francoise SteynbergDie Amerikaanse jagter en vis- en wildkommissaris, mnr. Blake Fischer van Idaho, is Maandag gedwing om uit sy pos te bedank nadat hy gespog...