Regrukplan vir South Deep werp vrugte af
Die regrukstrategie is onder meer gemik op ’n veiliger werkomgewing en groter produksie en winsgewendheid.
Riana de Lange - Twee jaar nadat die bestuur van Gold Fields se South Deep-myn besluit het op ’n regrukplan, lewer dié myn in Westonaria bemoedigende resultate – soos dat hy verlede jaar vir die eerste keer ’n wins gemaak het.
South Deep, deesdae Gold Fields se enigste Suid-Afrikaanse bate, het verlede jaar kontant van US$12 miljoen (sowat R175 miljoen) gegenereer uit goudproduksie van 290 000 onse, vergeleke met 198 000 onse in 2015.
Selfs al word die voordeel van randverskansing buite rekening gelaat, het die myn op ’n kontantgrondslag gelykgebreek.
Die regrukstrategie is onder meer gemik op ’n veiliger werkomgewing en groter produksie en winsgewendheid.
Nick Holland, uitvoerende hoof van Gold Fields, sê wat kontantvloei per fynons betref, vergelyk die maatskappy gunstig met die agt grootste goudprodusente ter wêreld.
Die bedrywighede in Suid-Afrika, Australië en elders is gemik daarop om kontantvloei te genereer.
“Om waarde te ontsluit, moet ons die geld bestee, maar dit is belangrik dat dit wys bestee word.
“Met die huidige projekte in die portefeulje en bestaande mynboubedrywighede, is die maatskappy in ’n goeie posisie om minstens sy huidige produksie vir die volgende sewe of selfs tien jaar te handhaaf,” het hy op ’n besoek van ontleders aan South Deep gesê.
Diepvlakmynbou
As deel van die regrukproses is vorige produksie- en kosteteikens in 2015 geskrap om South Deep se nuwe bestuurspan kans te gee om die grondbeginsels reg te kry vir die toekomstige strategie.
Die maatskappy sê dié span het omvattende ondervinding en blootstelling aan gemeganiseerde diepvlakmynbou. South Deep se mynbedrywighede is op ’n diepte van tot 3 km.
Volgens Adriaan de Beer, waarnemende uitvoerende visepresident van Gold Fields Suid-Afrika, mik South Deep daarna om teen 2022 konstante produksie van 500 000 onse per jaar te bereik en die myn se algehele koste tot minder as US$900 per ons (in 2017-geldwaarde) te beperk teenoor 2016 se US$1 234.
“In die volgende ses jaar sal die tonnemaat wat gemyn word in ’n konstante tempo toeneem van die huidige 160 000 ton per maand tot 230 000 ton.
“Die groter bydrae deur die gebruik van massiewe mynboumetodes is grootliks verantwoordelik vir hierdie volumegroei,” sê De Beer.
Die algehele beter prestasie van die myn op lang termyn berus nie op ’n verwagting van veel hoër produktiwiteit nie, maar op naastenby dít wat verlede jaar bereik is.
Toekomsplanne
In die volgende ses jaar sal die myn R2,28 miljard bestee aan onder meer ondergrondse infrastruktuur (R1,04 miljard), opvolgende ontsluiting (R724 miljoen) en toerusting (R66 miljoen).
Die regrukstrategie volg nadat die nuwe bestuur in 2015 ’n diagnose gedoen en uiteindelik 68 projekte geïdentifiseer het om die basiese gehaltebeginsels in mynbou te verbeter en ’n volhoubare gemeganiseerde myn te skep.
Die meeste van dié projekte hou verband met infrastruktuur (16 projekte), mynboumetodes (15) en vlootbestuur (11).
Tot dusver is 29 projekte voltooi.
Om veiligheid in die myn te bevorder, is aandag gegee aan instandhouding en hernuwing, veiliger mynboumetodes deur meganisasie, seismiese beheermaatreëls en veiliger ontwerp.
Die toerustingvloot is deels vernuwe en werkwinkels en bergplekke vir onderdele is ondergronds ingerig.
Tot R30 miljoen se onderdele word hier gehou.
Ruaan Greeff van South Deep se ingenieursafdeling sê daar is ’n vaste rooster waarvolgens mynboutoerusting nou meer gereeld nagegaan en op gereelde tye behoorlik versien word om hul leeftyd en betroubaarheid te verleng.
’n Vlagskipprojek vir Gold Fields is ’n ten volle toegeruste werkwinkel van 200 m2 ondergronds waar die voertuie vinniger en doeltreffender nagegaan en versien word. – Netwerk24/Reuters
South Deep, deesdae Gold Fields se enigste Suid-Afrikaanse bate, het verlede jaar kontant van US$12 miljoen (sowat R175 miljoen) gegenereer uit goudproduksie van 290 000 onse, vergeleke met 198 000 onse in 2015.
Selfs al word die voordeel van randverskansing buite rekening gelaat, het die myn op ’n kontantgrondslag gelykgebreek.
Die regrukstrategie is onder meer gemik op ’n veiliger werkomgewing en groter produksie en winsgewendheid.
Nick Holland, uitvoerende hoof van Gold Fields, sê wat kontantvloei per fynons betref, vergelyk die maatskappy gunstig met die agt grootste goudprodusente ter wêreld.
Die bedrywighede in Suid-Afrika, Australië en elders is gemik daarop om kontantvloei te genereer.
“Om waarde te ontsluit, moet ons die geld bestee, maar dit is belangrik dat dit wys bestee word.
“Met die huidige projekte in die portefeulje en bestaande mynboubedrywighede, is die maatskappy in ’n goeie posisie om minstens sy huidige produksie vir die volgende sewe of selfs tien jaar te handhaaf,” het hy op ’n besoek van ontleders aan South Deep gesê.
Diepvlakmynbou
As deel van die regrukproses is vorige produksie- en kosteteikens in 2015 geskrap om South Deep se nuwe bestuurspan kans te gee om die grondbeginsels reg te kry vir die toekomstige strategie.
Die maatskappy sê dié span het omvattende ondervinding en blootstelling aan gemeganiseerde diepvlakmynbou. South Deep se mynbedrywighede is op ’n diepte van tot 3 km.
Volgens Adriaan de Beer, waarnemende uitvoerende visepresident van Gold Fields Suid-Afrika, mik South Deep daarna om teen 2022 konstante produksie van 500 000 onse per jaar te bereik en die myn se algehele koste tot minder as US$900 per ons (in 2017-geldwaarde) te beperk teenoor 2016 se US$1 234.
“In die volgende ses jaar sal die tonnemaat wat gemyn word in ’n konstante tempo toeneem van die huidige 160 000 ton per maand tot 230 000 ton.
“Die groter bydrae deur die gebruik van massiewe mynboumetodes is grootliks verantwoordelik vir hierdie volumegroei,” sê De Beer.
Die algehele beter prestasie van die myn op lang termyn berus nie op ’n verwagting van veel hoër produktiwiteit nie, maar op naastenby dít wat verlede jaar bereik is.
Toekomsplanne
In die volgende ses jaar sal die myn R2,28 miljard bestee aan onder meer ondergrondse infrastruktuur (R1,04 miljard), opvolgende ontsluiting (R724 miljoen) en toerusting (R66 miljoen).
Die regrukstrategie volg nadat die nuwe bestuur in 2015 ’n diagnose gedoen en uiteindelik 68 projekte geïdentifiseer het om die basiese gehaltebeginsels in mynbou te verbeter en ’n volhoubare gemeganiseerde myn te skep.
Die meeste van dié projekte hou verband met infrastruktuur (16 projekte), mynboumetodes (15) en vlootbestuur (11).
Tot dusver is 29 projekte voltooi.
Om veiligheid in die myn te bevorder, is aandag gegee aan instandhouding en hernuwing, veiliger mynboumetodes deur meganisasie, seismiese beheermaatreëls en veiliger ontwerp.
Die toerustingvloot is deels vernuwe en werkwinkels en bergplekke vir onderdele is ondergronds ingerig.
Tot R30 miljoen se onderdele word hier gehou.
Ruaan Greeff van South Deep se ingenieursafdeling sê daar is ’n vaste rooster waarvolgens mynboutoerusting nou meer gereeld nagegaan en op gereelde tye behoorlik versien word om hul leeftyd en betroubaarheid te verleng.
’n Vlagskipprojek vir Gold Fields is ’n ten volle toegeruste werkwinkel van 200 m2 ondergronds waar die voertuie vinniger en doeltreffender nagegaan en versien word. – Netwerk24/Reuters
Kommentaar
Republikein
Geen kommentaar is op hierdie artikel gelaat nie