Registrasietyd verleng

Unam en Namcol gee grasie

31 January 2018 | Onderwys
Augetto Graig



Hoër onderwysinstansies is tans besig met registrasies vir die 2018- akademiese jaar.

Die Universiteit van Namibië (Unam) het sy sperdatum vir registrasie tot 2 Februarie verleng.

Dié week het Namcol ook aangekondig spesiale aansoeke en registrasie sal op 6 Februarie voortgaan vanweë die groot aanvraag.

Albei instansies vereis die voorafbetaling van registrasiefooie en 'n 50%-deposito op studiefooie.

Namcol kan nog 100 eerstejaarstudente in vroeë kinderontwikkeling akkommodeer, en 120 in voor­skoolse opvoeding.

Daar is ook nog plek vir studente wat 'n diploma in jeugontwikkeling wil voltooi, of 'n sertifikaat in opvoeding vir ontwikkeling, besigheid en entrepreneurskap, of plaas­like regeringstudies wil verwerf.

Namcol kan ook nog 20 studente akkommodeer vir studies in kuns vir jeugontwikkeling in voorbereiding op 'n Baccalaureus-graad.

Namcol se registrasiefooi vir laat registrasies is N$200.

Die universiteit het klem daarop gelê dat alle studente tans kan registreer al is hul kostes nog nie gedek nie.

Dié geleentheid strek tot 9 Februarie wanneer die registrasiefooi van N$2 000 en die helfte van studiefooie betaal moet wees.

Mnr. Simon Namesho, Unam-woordvoerder, het kommentaar gelewer oor laat registrasies wat vanjaar vir 7 tot 9 Februarie geskeduleer is.

Laat registrasie behels dat studente 'n laaste kans gegun word om aan te sluit by dié kursusse wat nog studente kan akkommodeer.

Diegene wat dan teen volgende Woensdag betaal het wat verskuldig is, kan nog deel van die universiteitsbevolking word.

Studente wie se status by Unam tans hangend is, of wat afgekeur is, of wat nie skriftelike aanvaardingsbriewe ontvang het nie, kan dan ook weer probeer, sê Namesho.

Hy sê tot dusver het sowat 12 300 studente reeds vir die 2018- akademiese jaar geregistreer.

Dit is sowat die helfte van die verwagte aantal studente, wat wissel tussen 24 000 en 25 000.

Verlede jaar het 24 759 studente aan Unam gestudeer.

In terme van die betaling van fooie, veral wat begunstigdes van die Nasionale Hulpfonds vir Studente (NSFAF) betref, sê Namesho die universiteit het tot dusver geen amptelike kommunikasie hieroor ontvang nie.

Afgesien van navrae toe die registrasieproses afgeskop het, is nog geen opdrag van die ministerie van hoër onderwys, opleiding en vernuwing ontvang nie.

NSFAF-studente, en veral dié wat reeds in verbinding met die hulpfonds getree het, sal bly wees om te hoor die universiteit het wel 'n ooreenkoms met die fonds aangegaan.

Hierdie studente kan vanjaar voortgaan met registrasie en kan klasse van die begin van die akademiese jaar af, op 5 Februarie, bywoon sonder om 'n sent uit hul eie sak te betaal.

Unam se ooreenkoms met die NSFAF beteken studente hoef aanvanklik nie vir onderrig-, registrasie- en koshuisfooie te betaal nie.

Namesho sê die universiteit is dankbaar teenoor die hulpfonds vir hul ondersteuning van studente.

Ongelukkig bly die prentjie vir eerstejaarstudente onveranderd en kommerwekkend vir studente wat nie reeds ander finansieringsplanne het nie.

Namesho voeg by NSFAF-erkenningsbriewe is nie 'n waarborg van die hulpfonds se ondersteuning nie, en kan dus nie by registrasie gebruik word nie, sê Namesho.

Soortgelyk

 

Mariental-monster kry 105 jaar

1 uur gelede | Howe

Hoërhof-regter Christie Liebenberg het die 34-jarige Gerald Henly Matlata vanoggend lewenslange tronkstraf opgelê vir moord, asook 80 jaar vir bykomende klagte. Dit sluit in twee...

Tienermeisie vermis

2 ure gelede | Polisie

Die 14-jarige Niita Fillemon word sedert verlede Woensdag vermis. Niita was met haar verdwyning in 'n swart broek en 'n geel t-hemp geklee. Sy is...

Nóg toeriste op grondpaaie beroof

3 ure gelede | Misdaad

Twee toeriste is Sondag onderweg na Sossusvlei deur ‘n groep mans van die pad afgedwing. Volgens hoofinspekteur Daniel Gurirab van die Namibiese polisie in...

Net ál nouer om Rooies

13 ure gelede | Plaaslik

Denver Kisting - ’n Maand nadat Republikein onthul het die aanklaer-generaal het gelas die oudlanddros mnr. Rooies Mostert moet vervolg word, het die Teenkorrupsiekommissie (ACC)...

Brand verwoes 9 kamers op Koedoeberg

13 ure gelede | Ongelukke

Henriette Lamprecht – Die Koedoeberg-gasteplaas se hoofgebou en wat onder meer die ontvangsarea, kombuis, kroeg en lapa gehuisves het, is Woensdagaand in ’n brand verwoes....

Weer vir 18 September 2018

13 ure gelede | Weer

WEERWAAK: Hittegolftoestande word in die noordelike streke verwag.BINNELAND: Gedeeltelik bewolk en baie warm in die Suide. Elders sal dit sonnig en baie warm wees,...

Ma en seun vandag weer voor hof

13 ure gelede | Howe

Denver Kisting'n Tienerseun is gistermiddag in die sorg van sy ma vrygelaat.Dít kom nadat dié 45-jarige ma gister op borgtog van N$1 500 vrygelaat is.Ma...

Man van halfmiljoen se items beroof

13 ure gelede | Misdaad

Tanja Bause Vyf gewapende mans het 'n man by sy huis in die hoofstad beroof en met items ter waarde van 'n halfmiljoen Namibiese dollar...

Walvis vrek ná reddingspoging

13 ure gelede | Omgewing

Tanja Bause - ’n Gestrande jong Antarktiese minkewalvis (Balaenoptera bonaerensis) is verlede Woensdag in Grosse Bucht by Lüderitz ontdek.Dié voorval is by mnr. JP Roux,...