Register vir seksoortreders teen 2022 in vooruitsig

01 March 2021 | Politiek
Die Popular Democratic Movement (PDM) het onlangs aangekondig dat die regering 'n register vir seksoortreders voor 31 Maart 2022 sal opstel. Dit volg nadat me. Winnie Moongo, 'n PDM-parlementslid, op 7 Oktober verlede jaar dié voorstel gemaak het.

Die PDM het gesê hulle parlementêre koukus sal die wetgewing in die Nasionale Vergadering (NV) aanhou beïnvloed.

Die voorstel is ter tafel gelê toe Moongo vir die slagoffers van seksuele geweld in die NV gepleit het.

MISDAAD FLOREER

“Wanneer jy die daaglikse koerante oopmaak, dink jy dat Namibië 'n hemel vir verkragters is,” sê sy.

“Elke dag lees jy van 'n vrou, kind, ouma, ma of selfs 'n baba wat verkrag is.

“Dit is ons nuwe werklikheid en die statistieke jok nie. Altesaam 3 164 verkragtingsake is tussen 2016 en 2019 by die polisie aangemeld,” het sy gesê.

Die polisie het in 2015 gesê 'n skokkende 79% van verkragtings word nooit aangemeld nie.

Bewyse bestaan dat 'n register vir seks­oortreders een van die mees doeltreffende meganismes is om seksmisdade in lande soos Israel, Nieu-Seeland en Australië hok te slaan.

'n Register maak dit makliker vir die polisie om potensiële heroortreders op te spoor en om lede van gemeenskappe in te lig dat hulle in moontlike gevaar is.

“Die register word verder genoodsaak aangesien oortreders na die samelewing terugkeer ná vonnisuitdiening en onder die wetstoepassers se radar beweeg.”

Die register sal maatreëls voorskryf oor hoe seksoortreders se interaksie met die publiek in die toekoms moet plaasvind.

“Dit is nie 'n straf vir seksoortreders nie. Dit is 'n meganisme om die gemeenskap veilig te hou van vorige seksuele oortreders,” het sy gesê.

Soortgelyk

 

Pryse van petrol, diesel styg

5 ure gelede | Energie

Die prys van petrol en diesel styg aanstaande week met onderskeidelik 50 sent elk per liter. Die verhoging tree om middernag op 7 April in...

Baie nuwelinge kry viskwotas

5 ure gelede | Visserye

Ondernemings wat tevore visvangkwotas besit het, maak 29% van suksesvolle aansoekers uit, het die minister van visserye en mariene hulpbronne, dr. Albert Kawana, vanmiddag aangekondig.Dit...

WHO vra vir verdere studies oor oorsprong van SARS-CoV-2-virus

6 ure gelede | Gesondheid

Die verslag van die internasionale span van die Wêreldgesondheidsorganisasie (WHO) oor hul ter plaatse besoek aan Wuhan is vandag bekendgemaak, met die WHO se direkteur-generaal...

Sewe sterftes, 221 nuwe gevalle

6 ure gelede | Gesondheid

Namibië het nou 520 Covid-19-verwante sterftes, nadat nog sewe - twee in Windhoek en een elk in Walvisbaai, Outjo, Omaruru, Walvisbaai en Rundu - aangeteken...

Windhoekers met agterstallige rekeninge se water en ligte gaan...

8 ure gelede | Infrastruktuur

Die Windhoekse munisipaliteit sê inwoners van die hoofstad wie se water- en ligterekeninge 30 dae en meer agterstallig is, het tot Dinsdag 6 April om...

Sluitingsdatum vir Shining Light verleng

8 ure gelede | Kuns en vermaak

Die sluitingsdatum vir die Shining Light juweliersontwerpkompetisie is tot 30 April verleng. Me. Helena Mootseng, woordvoerder van die Namibian Diamond Trading Company (NDTC) sê...

Hoërskool Rehoboth gesluit tot ná Paasnaweek

12 ure gelede | Onderwys

Hoërskool Rehoboth is vanaf vandag tot Dinsdag 6 April gesluit. Volgens die bestuur van die skool sal dié tyd gebruik word om die skoolperseel deeglik...

Waarskuwingskote stuit vermeende diewe

23 ure gelede | Misdaad

Vermeende diewe is vroeër vandag in Robert Mugabelaan naby Bank of Namibia in die hoofstad in hegtenis geneem nadat skote afgevuur is. "Twee waarskuwingskote is...

Robberts bly in aanhouding

23 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...