Regeringsmagte lê beslag op voorraad

Nie veel van die skietstilstand oor nie

07 March 2018 | Internasionaal
Mediese noodvoorraad bereik nie die geteisterde oostelike dele van Ghoeta buite Damas­kus, die Siriese hoofstad, nie, berig Sky News. Ghoeta is die naam van die oase wat aan die suide en ooste van Damaskus voorkom.

'n Konvooi met humanitêre voorraad wat Maandag die beleërde woonbuurte onder rebellebeheer bereik het, se traumavoorraad, insulien, chirurgiese instrumente en dialisetoestelle is deur Siriese regeringsmagte afgeneem.

Meer as 'n derde van die gebied is nou onder die beheer van die Siriese regering. Die oostelike deel van Ghoeta word reeds weke lank deur die Siriese regeringsmagte gebombardeer.



skietstilstand

'n Skietstilstand is deur die ­Verenigde Nasies bewerkstellig sodat hulp­verleningsorganisasies noodvoorraad by die dorp Dhoema kon aflewer en burgerlikes toegelaat kon word om die stad te verlaat.

Volgens die Verengde Nasies is daar kos vir ongeveer 27 500 mense in die konvooie. Altesame 46 voertuie kon Maandag vir die eerste keer dorpe en stede in die omgewing bereik.

Minstens 719 mense, meestal kinders, het sedert middel ­Februarie in die geweld omgekom. In lug­aanvalle Sondagnag alleen is 14 ­burgerlikes dood, berig die BBC.

Volgens die Siriese Burgerlike ­Beskerming, ook bekend as die Wit Helms, 'n groep vrywilligers wat help om burgerlikes onder puin uit te grawe ná bombarderings en met hulle na mediese geriewe te haas, is 11 mense in die dorp Jisrin dood ­gedurende die Siriese regering se ­lugaanvalle. Sirië word deur Rusland gesteun in dié aanvalle.

Oostelike Ghoeta is oos van Damaskus geleë en huisves sowat 400 000 mense. Die rebelle-enklave word reeds sedert 2013 deur regerings­magte aan aanvalle onderwerp, maar die afgelope twee weke se aanvalle, met aansprake dat chemiese oorlogvoering deur pres. Basjar al-­Assad op sy eie mense gebruik word, het in ­intensiteit toegeneem, berig Al-­Jazeera. – Netwerk24

Soortgelyk

 

Plastieksakke uit nasionale parke verban

20 ure gelede | Omgewing

Die minister van die omgewing en toerisme, mnr. Pohamba Shifeta, het plastieksakke uit alle nasionale parke in die land verban. Die minister het gemaan geen...

Nampol-beamptes skuldig aan nalatigheid

21 ure gelede | Misdaad

Twee senior polisiebeamptes wat intern ondersoek is vir hul beweerde nalatigheid om betyds te reageer in ‘n saak waarin ‘n 18-jarige vyf familielede vroeër vanjaar...

Ollies les hul dors

1 dag gelede | In beeld

Namibiërs in die Zambezistreek kan vandag na verspreide donderbuie uitsien, terwyl dié elders in die binneland vir eers nog met enkele tot geïsoleerde buie tevrede...

Ekonomie: Hou sand uit wiele

1 dag gelede | Politiek

Ronelle Rademeyer Dubbele belasting, soos belasting op dividende en belasting op kapitaalwins is immoreel en gaan nié die ekonomie laat groei nie.'n Ekonomie is die...

PS'e binnekort nié permanent

1 dag gelede | Regering

Denver Kisting - As beplande wetgewing deurgevoer word, is PS’e binnekort nie meer “permanent” in die tuig nie.Hiernaas sal dié rekenpligtige beamptes van ministeries ook...

Gróót regshervorming binnekort op pad

1 dag gelede | Ministeries

Denver Kisting – Die werksaamhede van die land se howe word deur verskeie uitdagings gekortwiek.In die lig van hervorming wat die minister van justisie, mnr....

Ongelukke: Namibië 45ste op wêreldranglys

1 dag gelede | Ongelukke

Padongelukke kos Namibië jaarliks N$1,3 miljard en is die oorsaak van 3,76% van die land se totale sterftes.Dié skokkende syfers is Dinsdag namens die minister...

Weer vir 23 November 2018

1 dag gelede | Weer

BINNELAND: Gedeeltelik bewolk en bloe­dig warm in die ||Kharasstreek en die Weste. Elders sal dit gedeeltelik bewolk en baie tot bloedig warm wees met enkele...

Weer, Donderdag 22 November 2018

1 dag gelede | Weer

BINNELAND: Sonnig en baie tot bloedig warm in die //Kharasstreek. Elders sal dit gedeeltelik bewolk en baie tot bloedig warm wees. Enkele donderbuie word in...