Regering vs. versekeraars

11 September 2018 | Menings
Verskeie sleutelbeginsels is op die spel in die saak waarin die ministerie van finansies en Namibre, die staat se herversekeringsmaatskappy, verskeie versekeringsmaatskappy hof toe gesleep het.

Gister het Republikein in meer diepte oor die twee kante van die saak berig.

Die regering eis versekeraars moet 12,5% van alle polisse met 'n waarde van meer as N$100 000 aan Namibre sedeer. Namibre moet ook 20% van herversekeringskontrakte ontvang. Uitspraak is nog nie gelewer oor die bedryf se grondwetlike aanslag op die betrokke wetgewing en regulasies nie.

Vir versekeraars gaan dit om kwessies soos sakevryheid, redelike perke op private maat­skappye en winsgewendheid. Die regering wil in die proses meer kapitaal in die land hou.

Oorbelasting is volgens die bedryf 'n kwessie, hoewel ­Namibre ontken die voorgeskrewe sedering is 'n “belasting”. In die algemeen word private besighede reeds aan uiters hoë belastings onderwerp.

Die staatsonderneming sê ook polishouers sal nie negatief geraak word nie, en nie polishouers of versekeraars sal volgens Namibre aan bykomende risiko's blootgestel word nie.

Volgens versekeraars weier Namibre om sekere herversekering op te neem wat reeds aangebied word en sal die staatsonderneming in elk geval ook herversekering in die buiteland moet uitneem.

Alle Namibiërs het belang by die uitkoms van hierdie regsgeding. Volgende week se verwagte uitspraak in die regering se dringende aansoek kan rigtingbepalend wees.



So sê ander

10 September 2018



Die Burger sê



Wat moet 'n mens dink van die nuus oor 'n groep hooggeplaaste ­amptenare in die Withuis wat vlytig werk om pres. Donald Trump se ­waggelende koers te neutraliseer?

In enige gewone demokrasie sou só iets totaal onhoudbaar wees.

Amptenare is daar om die wettig verkose regering se beleid uit te voer en basta.

As iemand voel hy/sy kan daardie beleid nie met sy/haar gewete vereenselwig nie, en die persoon kan nie die beleid deur die gewone kanale ­gewysig kry nie, moet hy/sy die eerbare weg volg en bedank.

Ofskoon die amptenare se “sabotasie” in beginsel afgekeur moet word, lyk dit asof hulle desperaat is om hul land (en die wêreld) van 'n ramp te red. As sodanig moet daar begrip vir hulle wees. Tog was die artikel 'n yslike risiko.

Dit kan 'n gefrustreerde Trump tot nog erger dade dryf. En dan het die artikelskrywer sy land en die wêreld 'n groot onguns bewys.

• DIE BURGER (NETWERK24)

Soortgelyk

 

Ondersoek staatskaping in Namibië, vra PDM

57 minute gelede | Politiek

Ronelle Rademeyer - Namibië se amptelike oppposisie, die Popular Democratic Movement (PDM), sê hy “raak al meer daarvan oortuig die Namibiese staatsmasjienerie is gekaap” en...

Getuie pak skuld op Katrina

13 ure gelede | Howe

Denver KistingMe. Katrina Hanse-Himarwa, die destydse goewerneur van die Hardapstreek, het vier jaar terug gesê 'n lys van begunstigdes van die massabehuisingsprojek op Mariental moet...

'Robocop' vir pille

13 ure gelede | Gesondheid

Henriette Lamprecht – In ’n hospitaal in Namibië is ’n robot met die naam Eva wat binne sekondes sorg dat elke pasiënt met sy of...

Nog twee dood ná gru-ongeluk

13 ure gelede | Ongelukke

Tanja Bause - Die ongeluk waarin sewe mense verlede Woensdag tussen Otjiwarongo en Otavi gesterf het, het nog twee se lewe geëis. Die ongeluk het...

Waterbestuur by skole kan 50% spaar

13 ure gelede | Plaaslik

Elvira HattinghIndien die munisipaliteit se voor­gestelde waterbestuurmaatreëls aan die onderwysministerie by skole toegepas sou word, kan hul waterrekeninge met minstens 50% verminder, meen 'n kenner....

Weer vir 14

13 ure gelede | Weer

BINNELAND: Sonnig en bloedig warm in die verre Noorde en Suide, andersins gedeeltelik bewolk en baie tot bloedig warm.KUS: Gedeeltelik bewolk en koel tot warm.GETYE...

Unam-staking verby

13 ure gelede | Onderwys

Die 11 dag lange staking van dosente en ander werknemers van die Universiteit van Namibië (Unam) het Maandagaand tot 'n einde gekom. Die verteenwoordigende vakbonde,...

Teengif-trust gestig ná seuntjie sterf

13 ure gelede | Omgewing

Francoise SteynbergVrolike kinderlaggies in 'n cul-de-sac in die Elisenheim-landgoed noord van Windhoek is stil nadat klein Deon Heunis (Dehan) de Wet (2) sy dapper stryd...

Sesjarige deur 17-jarige skoolkind verkrag

13 ure gelede | Misdaad

Tanja Bause 'n Sesjarige meisie is in die ­Oshitosi-nedersetting by Okatope verkrag deur 'n 17-jarige seun wat in graad 5 is. Hy het die jong...