Regering sê oor Otjomuise-ontwikkeling

15 March 2019 | Ministeries
Die regering sê dit hou nie mense uit die nuutgeboude en skynbaar voltooide wooneenhede in Otjomuise uitbreiding 10 nie. Die rede waarom niemand nog daarin woon nie, is glo omdat dit nog nie aan munisipale dienste soos die elektrisiteit, riool- en waternetwerk gekoppel is nie.

Die ministerie van landelike en stedelike ontwikkeling se uitvoerende hoof, mnr. Daniel Nghidinua, het gister 'n persverklaring uitgereik waarin hy erken verskeie uitdagings het ontstaan in verband met hierdie projek, wat tot die vertraging in die voltooing hiervan gelei het. Dit volg nadat mense in sosiale media vrae gevra het oor die huise wat skynbaar leeg staan.

Nghidinua sê enkelbehuising is aanvanklik die gebied beplan, maar die ontwikkelingsplanne wat eindelik aanvaar is, behels dat ‘n mengsel van wooneenhede-tipes gebou sal word. Dit beteken dat meer eenhede digter op mekaar gebou gaan word - iets waarvoor die
bestaande munisipale dienste nie voor ontwerp was nie,” het Nghidinua geskryf.

Nghidinua sê dit beteken dat die planne vir die woonbuurt se uitleg van voor af opgetrek moes word om die groot aantal en gemengde wooneenhede-tipes te huisves. Boonop beteken dit die munisipale dienste moet ook aangepas word.

“Om vertragings te voorkom is voorlopige goedkeuring gegee dat daar met die bou van huise begin kan word, terwyl die herbeplanning van die woonbuurt asook die aanpassing van munisipale dienste terselfdertyd plaasvind,” het Daniel gesê.

“Onder normale omstandighede word munisipale dienste aangelê vóór die huise gebou word.

“Die regering en ander betrokke partye doen alles moontlik om die proses te bespoedig sodat die projek voltooi kan word en die huise so gou as moontlik bewoon kan word."

Soortgelyk

 

Uis-aanvaller Charles Namiseb kry 63 jaar

6 ure gelede | Howe

Die eens voortvlugtende Charles Namiseb, wat saam met ‘n makker tereg gestaan het vir die gewelddadige gewapende rooftog op ’n bejaarde egpaar van Uis op...

Padgebruik al duurder

12 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Padgebruik al duurder

12 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Gesondheid: Advertensie vals

13 ure gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

23 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

23 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

23 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

23 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

23 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...