Redes vir Manyande se vertrek opgeklaar
Die Engelsman Robbie Joseph sal saam met Björn Kotzé die o.19-span se afrigterskap oorneem.
Andrew Poolman - Krieket Namibië se ondersoek na klagtes oor sy “gedrag” is die rede dat Norbert Manyande se paaie ná tien jaar van die nasionale beheerliggaam geskei het.
Die onthulling is vandeesweek uiteindelik deur Krieket Namibië in 'n nuusvrystelling gemaak, in reaksie op koerantberigte oor die onderwerp wat deur 'n naamlose brief ontstaan het.
Manyande (37), 'n gebore Zimbabwiër, was verlede jaar die afrigter toe die Namibiese span die uitsonderlike prestasie behaal het om die kwarteindstryd van die o.19 Wêreldbekertoernooi te haal. Namibië se uiteindelike sewende plek was hoër as twee toetsspelende lande (Suid-Afrika en Zimbabwe) en die land het vir die eerste keer regstreeks vir die volgende wêreldtoernooi gekwalifiseer.
Vreemd genoeg was die span én die afrigter nie eens finaliste vir die jaarlikse Namibiese Sporttoekennings vir 2017 nie.
“Mnr. Manyande was 'n goeie dienaar vir Krieket Namibia en ons het groot waardering vir sy bydrae tot die ontwikkeling van die spel in ons land,” sê Krieket Namibië se uitvoerende hoof, dr. Donovan Zealand, in die nuusverklaring.
“Sy dienste is nie sommer net stopgesit nie. Hy ontvang steeds sy maandelikse salaris totdat 'n skeidingspakket tussen die twee partye bereik word, waarmee die onderhandelinge reeds gevorderd is.
“Ondanks mnr. Manyande se prestasies in die afrigting van die nasionale junior span by die vorige o.19 Wêreldbeker, het Krieket Namibië verskeie klagtes met betrekking tot sy gedrag en sy menseverhoudinge met beide spelers en ouers ontvang.
“Professionele advies van ervare konsultante is verkry om die ongelukkigheid te probeer oplos. Die kwessies is ook in diepte deur ons raadslede bespreek en die advies is deeglik oorweeg. Eenparig is tot die besluit gekom dat dit in die beste belang van Krieket in die land sal wees indien mnr. Manyande nie verder by die o.19-span se afrigting betrokke is nie.
“Gedurende Krieket Namibië se herstrukturering van sy afrigterspanne is besluit om die o.19's se afrigtersposisie nie te adverteer nie, omdat daar wel geskikte kandidate binne die huidige nasionale struktuur is wat die taak kan oorneem.
“Die herstrukturering van afrigters en ander personeel in enige sportorganisasie is onafwendbaar en normale prosedure. Die organisasie het die diskresie hieroor – uiteraard met die sport se beste belange op die hart. As administrateurs weet ons dat die bedryf van afrigting baie vloeibaar is en dat verandering voortdurend gebeur. Geen afrigter is dus onvervangbaar of in 'n lewenslange aanstelling nie,” het Zealand gesê.
Die nuusverklaring deur Krieket Namibië verskaf min besonderhede oor die aard van Manyande se beweerde wangedrag of gebrekkige menseverhoudinge wat hom sy werk gekos het.
Uit die binnekringe word egter verneem dat woordewisselings met die afrigter sommige spelers só ontstel het dat hulle hul krieketskoene wou ophang. Dit wil dus voorkom of Krieket Namibië genoegsame rede gehad het om die klagte te ondersoek wat uiteindelik tot dié bevinding gelei het.
Manyande, wat omtrent 'n dekade gelede by Krieket Namibië begin werk het en sy pad as afrigter vanaf die jonger ouderdomspanne opgewerk het, was in 'n stadium ook 'n hulpafrigter van die senior nasionale span. Sover verneem word, sal hy steeds as hoofafrigter van sy klubspan CCD Tigers aanbly.
NUWE REGIME
Die Namibiese o.19-span se afrigterskap is intussen deur Robbie Joseph en Björn Kotzé oorgeneem. Die twee het sowat 'n maand gelede 'n spelersgroep op 'n toer na Zimbabwe geneem, as deel van die opbou na die volgende Wêreldbekertoernooi wat in Januarie 2018 in Nieu-Seeland voorlê.
Joseph (35) is 'n Engelse burger wat in Antigua gebore is en wat in sy speeldae as snelbouler onder meer vir die graafskappe Kent en Leicestershire gespeel het.
Kotzé (38) het sedert sy tienerjare vir die Namibiese senior span as 'n snelbouler gespeel.
Mettertyd het hy ook in 'n al hoe meer vaardige kolwer ontwikkel, wat 163 nie uit nie teen Kanada in 'n Interkontinentale Beker vierdagwedstryd in Windhoek in 2007 aangeteken het.
Kotzé se loopbaan het onder meer die 2003 Wêreldbekertoernooi in Suid-Afrika ingesluit en hy het sy laaste eendagwedstryd vir Namibië in Januarie 2015 teen Uganda gespeel. Hy het in 2007 in die voetspore van sy ouer broer Deon gevolg deur die kaptein van die nasionale span te word. Hy was ook Krieket Namibië se speler van die jaar in 2007.
Die onthulling is vandeesweek uiteindelik deur Krieket Namibië in 'n nuusvrystelling gemaak, in reaksie op koerantberigte oor die onderwerp wat deur 'n naamlose brief ontstaan het.
Manyande (37), 'n gebore Zimbabwiër, was verlede jaar die afrigter toe die Namibiese span die uitsonderlike prestasie behaal het om die kwarteindstryd van die o.19 Wêreldbekertoernooi te haal. Namibië se uiteindelike sewende plek was hoër as twee toetsspelende lande (Suid-Afrika en Zimbabwe) en die land het vir die eerste keer regstreeks vir die volgende wêreldtoernooi gekwalifiseer.
Vreemd genoeg was die span én die afrigter nie eens finaliste vir die jaarlikse Namibiese Sporttoekennings vir 2017 nie.
“Mnr. Manyande was 'n goeie dienaar vir Krieket Namibia en ons het groot waardering vir sy bydrae tot die ontwikkeling van die spel in ons land,” sê Krieket Namibië se uitvoerende hoof, dr. Donovan Zealand, in die nuusverklaring.
“Sy dienste is nie sommer net stopgesit nie. Hy ontvang steeds sy maandelikse salaris totdat 'n skeidingspakket tussen die twee partye bereik word, waarmee die onderhandelinge reeds gevorderd is.
“Ondanks mnr. Manyande se prestasies in die afrigting van die nasionale junior span by die vorige o.19 Wêreldbeker, het Krieket Namibië verskeie klagtes met betrekking tot sy gedrag en sy menseverhoudinge met beide spelers en ouers ontvang.
“Professionele advies van ervare konsultante is verkry om die ongelukkigheid te probeer oplos. Die kwessies is ook in diepte deur ons raadslede bespreek en die advies is deeglik oorweeg. Eenparig is tot die besluit gekom dat dit in die beste belang van Krieket in die land sal wees indien mnr. Manyande nie verder by die o.19-span se afrigting betrokke is nie.
“Gedurende Krieket Namibië se herstrukturering van sy afrigterspanne is besluit om die o.19's se afrigtersposisie nie te adverteer nie, omdat daar wel geskikte kandidate binne die huidige nasionale struktuur is wat die taak kan oorneem.
“Die herstrukturering van afrigters en ander personeel in enige sportorganisasie is onafwendbaar en normale prosedure. Die organisasie het die diskresie hieroor – uiteraard met die sport se beste belange op die hart. As administrateurs weet ons dat die bedryf van afrigting baie vloeibaar is en dat verandering voortdurend gebeur. Geen afrigter is dus onvervangbaar of in 'n lewenslange aanstelling nie,” het Zealand gesê.
Die nuusverklaring deur Krieket Namibië verskaf min besonderhede oor die aard van Manyande se beweerde wangedrag of gebrekkige menseverhoudinge wat hom sy werk gekos het.
Uit die binnekringe word egter verneem dat woordewisselings met die afrigter sommige spelers só ontstel het dat hulle hul krieketskoene wou ophang. Dit wil dus voorkom of Krieket Namibië genoegsame rede gehad het om die klagte te ondersoek wat uiteindelik tot dié bevinding gelei het.
Manyande, wat omtrent 'n dekade gelede by Krieket Namibië begin werk het en sy pad as afrigter vanaf die jonger ouderdomspanne opgewerk het, was in 'n stadium ook 'n hulpafrigter van die senior nasionale span. Sover verneem word, sal hy steeds as hoofafrigter van sy klubspan CCD Tigers aanbly.
NUWE REGIME
Die Namibiese o.19-span se afrigterskap is intussen deur Robbie Joseph en Björn Kotzé oorgeneem. Die twee het sowat 'n maand gelede 'n spelersgroep op 'n toer na Zimbabwe geneem, as deel van die opbou na die volgende Wêreldbekertoernooi wat in Januarie 2018 in Nieu-Seeland voorlê.
Joseph (35) is 'n Engelse burger wat in Antigua gebore is en wat in sy speeldae as snelbouler onder meer vir die graafskappe Kent en Leicestershire gespeel het.
Kotzé (38) het sedert sy tienerjare vir die Namibiese senior span as 'n snelbouler gespeel.
Mettertyd het hy ook in 'n al hoe meer vaardige kolwer ontwikkel, wat 163 nie uit nie teen Kanada in 'n Interkontinentale Beker vierdagwedstryd in Windhoek in 2007 aangeteken het.
Kotzé se loopbaan het onder meer die 2003 Wêreldbekertoernooi in Suid-Afrika ingesluit en hy het sy laaste eendagwedstryd vir Namibië in Januarie 2015 teen Uganda gespeel. Hy het in 2007 in die voetspore van sy ouer broer Deon gevolg deur die kaptein van die nasionale span te word. Hy was ook Krieket Namibië se speler van die jaar in 2007.
Kommentaar
Republikein
Geen kommentaar is op hierdie artikel gelaat nie