Reddingsboei vir Merkel

SPD gee jawoord

06 March 2018 | Internasionaal
Angela Merkel, Duitse kanselier, is verseker van ’n vierde termyn nadat die Sosiaal-Demokratiese Party (SPD) ten gunste van ’n koalisie met haar Christen-Demokratiese Unie (CDU) gestem het.

Die nuwe regering sal teen die middel van Maart aangekondig word en só maande van onsekerheid beëindig.

Meer as vyf maande nadat die Duitsers op 24 September na die stembus gegaan het, sal Duitsland ’n nuwe regering kry.

Die finale hekkie is Saterdag oorgesteek toe 66% lede van die SPD ten gunste van ’n koalisie met Merkel se CDU gestem het.

Die uitslag is Sondagoggend laat by die SPD se hoofkwartier in Berlyn bekend gemaak.

“Dit was nie ’n maklike besluit vir die SPD nie,” het Olaf Scholz, waarnemende leier van die SPD, gesê.

“In die proses om ’n koalisie te vorm, het die twee partye egter nader aan mekaar beweeg en gee dit ons die mag om met die proses van vernuwing te begin,” het Scholz gesê.

Dit sal die derde groot koalisieregering in Merkel se 13 jaar as Duitse leier wees, maar dit het eers ’n werklikheid geword nadat pogings misluk het om koalisies met die Groenparty en die Vrye Demokrate aan te gaan.

Die Duitse parlement sal na verwagting op 14 Maart vir Merkel as kanselier herkies. Dit sal ‘n einde maak aan die langste tyd wat Duitsland sonder ‘n regering in die land se naoorlogse geskiedenis was.

Van die toegewings wat Merkel in die onderhandelingsproses moes maak, was om die ministeries van buitelandse sake, arbeid en finansies aan die SPD af te staan in ruil vir steun om immigrasie hok te slaan. – Nampa/AP/AFP/Netwerk24

Soortgelyk

 

Tsumeb-Otavi railway line upgraded to SADC standard

1 dag gelede | Infrastruktuur

TSUMEB - The upgrading of the railway line between Tsumeb and Otavi to the Southern African Development Community (SADC) standard has been completed by the...

Geingob erken ellende

1 dag gelede | Regering

Denver Kisting – Hoewel baie reeds volgens hom gedoen is om die land te verbeter, word baie meer benodig, sê pres. Hage Geingob.Tydens die herdenking...

Droogtehulp, maar nog nie noodtoestand

1 dag gelede |

Ronelle Rademeyer - Droogtehulp in die vorm van ’n bystandsplan van N$572,7 miljoen gaan in die nuwe boekjaar aangewend word om vee- en graanboere se...

Kalender 22 Maart

1 dag gelede | Kuns en vermaak

Nou aan die gang» Kosie Beukes, Die Ventertjies, Heidi en Pieter Mohr is tans op ’n Namibiese toer en tree vanaand by die Duitse klub...

Katrina-verhoor in die pylvak

1 dag gelede | Howe

Denver Kisting - Die staat sal na verwagting nog twee getuies roep voor hy sy saak teen me. Katrina Hanse-Himarwa sluit.Die verhoor, waarin dié oudgoewerneur...

Weer

1 dag gelede | Weer

BINNELAND: Sonnig en baie tot bloedig warm in die Suide. Elders sal dit gedeeltelik bewolk en baie tot bloedig warm wees met enkele donderbuie plek-plek....

Alle grappies op ‘n verhoog

1 dag gelede | Kuns en vermaak

NAM Comedy Circle vind elke laaste Woensdag van die maand by die Hilton Kalabar plaas en bied dié keer 'n kritiese blik op Namibië 29...

Dié siener is ‘die ware Jakob’

1 dag gelede | Kuns en vermaak

Die heldersiende Gerald Burger, wat jare gelede in die kol was oor die Laingsburg-vloede van 25 Januarie 1981, is van 24 April af deel van...

Ouderdom, siekte red bejaarde van tronkstraf

1 dag gelede | Howe

Denver Kisting – Hans Peter Rothen (73) se ouderdom en sy bedenklike gesondheid het hom van ’n vonnis agter tralies gered.Regter Naomi Shivute het Rothen...