Redakteursforum kap spioenasiediens oor muilbandsaak
Die Redakteursforum van Namibië (EFN) het ‘n beroep op die Sentrale Intelligensiediens van Namibië (NCIS) gedoen om die aansoek vir ‘n dringende hofinterdik teen die weekblad, The Patriot, terug te trek.
Die aansoek waarin die spioenasiediens probeer keer dat inligting oor eiendomstransaksies, waaronder plase, gepubliseer word, dien Vrydag in die hof.
Die EFN sê in ‘n verklaring wat vanmiddag (Maandag) uitgereik is hy veroordeel die gebruik van drakoniese wetgewing uit die apartheidstyd om die media te muilband.
Die aansoek om hierdie weekblad en sy redakteur, mnr. Mathias Haufiku, te verbied om die berig te publiseer, is gevolge die Wet op die Beskerming van Inligting van 1982 gebring.
Die direkteur-generaal van die NCIS, mnr, Philemon Malima, het die aansoek Donderdag namens die spoeinasiediens en die regering ingedien, waarna dit tot Vrydag vir verhoor uitgestel is.
The Patriot het ingestem om in die tussentyd nie die inligting te publiseer nie.
Foto: Mnr. Joseph Ailonga, voorsitter van die EFN
Die aansoek waarin die spioenasiediens probeer keer dat inligting oor eiendomstransaksies, waaronder plase, gepubliseer word, dien Vrydag in die hof.
Die EFN sê in ‘n verklaring wat vanmiddag (Maandag) uitgereik is hy veroordeel die gebruik van drakoniese wetgewing uit die apartheidstyd om die media te muilband.
Die aansoek om hierdie weekblad en sy redakteur, mnr. Mathias Haufiku, te verbied om die berig te publiseer, is gevolge die Wet op die Beskerming van Inligting van 1982 gebring.
Die direkteur-generaal van die NCIS, mnr, Philemon Malima, het die aansoek Donderdag namens die spoeinasiediens en die regering ingedien, waarna dit tot Vrydag vir verhoor uitgestel is.
The Patriot het ingestem om in die tussentyd nie die inligting te publiseer nie.
Foto: Mnr. Joseph Ailonga, voorsitter van die EFN
Kommentaar
Republikein
Geen kommentaar is op hierdie artikel gelaat nie