RDP registreer kandidate te midde twis

Nehova wou konvensie ‘herbelê’

17 October 2019 | Politiek
Catherine Sasman - Die Rally for Democracy and Progress (RDP) het Vrydag sy presidensiële en Nasionale Vergadering-kandidate vir November se verkiesings by die Verkiesingskommissie van Namibië (ECN) geregistreer.

Die party se kieskollege is die vorige naweek op Rundu gehou, waar mnr. Mike Kavekotora tot presidensiële kandidaat verkies is.

Die ander presidensiële kandidate was mnr. Kandi Nehova en me. Mirjam Hamutenya.

Nehova bevraagteken Kavekotora se verkiesing en sê hy het nie ’n duidelike 50% plus een van die stemme op hom verenig, soos die party se grondwet vereis nie.

Mnr. Nghiningiluandubo Kashume, die RDP se inligting- en publisiteitsekretaris, het bevestig 490 uit 625 afgevaardigdes het gestem, waarvan 14 bedorwe stembriewe was.

Volgens Kashume het Kavekotora 243 stemme gekry, of 51,05%, wat die bedorwe stemme uitsluit.

Nehova het volgens hom 133 en Hamutenya 100 stemme gekry.

Kavekotora is reeds in Junie by die party se gewone nasionale konvensie as president aangewys.

Nehova het glo beplan om die derde nasionale konvensie, wat die agelope naweek op Otjiwarongo sou plaasvind, ná sy nederlaag te “herbelê”.

“Dié wat beweer hulle kan die konvensie herbelê, het hoegenaamd geen mandaat om dit te doen nie, omdat die RDP-lede hul mandaat aan die verkose leiers, mnr. Mike Kavekotora, mnr. Kennedy Shekupakela, me. Brunhilde Cornelius en me. Agnes Limbo toevertrou het.

“Diegene wat die konvensie op 1 en 2 Junie bygewoon het, het besluit en het gepraat. Hulle gaan nie ’n konvensie herhaal nie; die konvensie het reeds plaasgevind,” het Kashume gesê.

Die kieskollege is ná die nasionale uitvoerende komitee-vergadering gehou waar die sentrale komitee (CC) en die reëls vir die kieskollege goedgekeur is.

Die nominasies vir presidensiële kandidate is ook hiertydens oorweeg, het Kavekotora gesê.

“Ek is eenstemmig genomineer. Ek dink dit strook met die tradisie dat die partypresident gewoonlik die presidensiële kandidaat vir die nasionale verkiesing is,” het hy gesê.

“Ek is baie opgewonde dat ons hierdie hekkie te bowe gekom het. Natuurlik sal daar hier an daar nog uitdagings wees,” het Kavekotora gesê.

Hy het gesê die RDP se regsverteenwoordigers het ’n brief aan Nehova se regsverteenwoordigers geskryf waarin die tydsberekening en dringendheid van sy uitdaging bevraagteken word.

Hy beweer Nehova en sy ondersteuners wil die RDP weens die bedorwe stembriewe van stryk bring.

Kavekotora ontken dat die RDP ’n koalisie met die Christian Democratic Voice (CDV) gevorm het.

Hy sê die ooreenkoms is dat die CDV sy stemme aan die RDP sal oodra omdat die party nie aan vanjaar se presidensiële of nasionale verkiesings gaan deelneem nie.

“As iemand hierteen gekant is, het hulle sekerlik verskuilde motiewe,” het Kavekotora gesê.

“Hoekom neem hulle ander roetes? Hoekom gaan hulle nie reguit hof toe nie? My gevoel is hierdie mense wil die RDP se prestasie in die verkiesings in die wiele ry.”

Kavekotora sê hy en partylede wat in Junie by die konvensie was, is nie na Nehova se sogenaamde herbelêde konvensie genooi nie.

[email protected]

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...