Rand wéér in sak en as naby R15

14 June 2019 | Ekonomie
Elvira Wood – Pres. Donald Trump se kommentaar Woensdag dat hy “voel” dat daar ’n goeie kans is dat die VSA en China wél ’n handelsooreenkoms gaan sluit, het die rand in sak en as gelaat.

Dit het op R14,86 teenoor die dollar gesluit.

Vroeg Donderdagoggend het die rand steeds agteruitgeboer en verhandel teen R14,91.

Die rand het dus binne 24 uur met 26c teenoor sy Amerikaanse eweknie teruggesak.

Trump het China egter in dieselfde asem gedreig dat as ’n ooreenkoms nie onderteken word nie, sal hy wel invoertariewe op Chinese produkte wéér verhoog.

Reuters berig verder dat hoewel ontleders in ’n stadium voorspel het dat daar ’n kans is dat die Federale Reserweraad (Fed) in Junie rentekoerse in die VSA kan verlaag, dink hulle nou eerder dat dit onveranderd gelaat gaan word.

Dit kom nadat die inflasiekoers in dié land wel in Mei met 0,1% gestyg het.

’n Hoër rentekoers maak beleggings in dié land meer aantreklik en ondersteun die dollar.

Die rand het ook teenoor die Britse pond en euro teruggesak.

Dit het vroeg Donderdagoggend teen R18,92 teenoor die pond en R16,85 teenoor die euro verhandel.

Met hulpbronne staan sake soos volg:

· Goud: $1 335,30 per fynons

· Platinum: $812 per ons

· Olie: $60,34 per vat

Digitale geld

· Bitcoin: $8 130,40/R126 094

· Ethereum: $259,61/R4 035 – Netwerk24

Soortgelyk

 

Man vas oor lewende ietermagô

13 ure gelede | Misdaad

'n Man is Donderdag by 'n vulstasie op Okahandja glo met 'n lewende ietermagô in sy besit in hegtenis geneem. Volgens die woordvoerder van...

Polisieman skiet eks glo

15 ure gelede | Misdaad

'n Polisiebeampte sal Maandag in Walvisbaaise landdroshof op klagte van poging tot moord verskyn ná hy gister glo sy eksmeisie met sy dienspistool geskiet het....

Specialising in skin

1 dag gelede | Gesondheid

Dr Elisah Agaba is a consultant dermatologist at the Ongwediva Medipark university teaching hospital.He is also a senior adjunct lecturer of dermatology at the University...

Resessie slag Namibië

1 dag gelede | Ministeries

Jo-Maré Duddy – Net sowat N$25,5 miljard teen bestendige pryse het die afgelope kwartaal deur die Namibiese ekonomie gevloei – die minste in vyf jaar.Syfers...

Getuie sê Dippenaar het gejaag

1 dag gelede | Howe

Erwin Leuschner – Die saak teen die moordbeskuldigde mnr. Jandré Dippenaar is tot volgende jaar uitgestel.Woensdag het die laaste staatsgetuie in die streekhof op Swakopmund...

Wateraanleg staan twee weke stil

1 dag gelede | Regering

Elvira Hattingh – Windhoek kon vir langer as twee weke geen drinkwater uit rioolwater herwin nie – hoofsaaklik omdat daar te veel chemikalieë, vette, olies...

Kalender 20 September

1 dag gelede | Kuns en vermaak

Nou aan die gang» Die Culture Invasion Festival skop vandag by die sportterrein op Rundu af. Tydens die twee dae lange fees sal verskillende kunstenaars...

Weer vir 20 September 2019

1 dag gelede | Weer

BINNELAND: Sonnig en baie warm in die sentrale Noorde en Noordooste. Elders sal dit gedeeltelik bewolk en baie warm wees.KUS: Bewolk en koel tot...

Jol in Japan

1 dag gelede | Kuns en vermaak

Lloyd Zandberg Japan is een van daai lande waaroor mense praat. Nie noodwendig die heeltyd nie. Maar in baie gesprekke, veral om die...