Raadslede aangeval, beroof

15 May 2018 | Misdaad
Denver Kisting



Ses mans is steeds op vrye voet nadat hulle laat verlede week twee Namibiese streeksraads­lede en 'n Botswana-toeris glo gewelddadig aangeval en beroof het.

Komm. Silvanus Nghishidimbwa, polisiebevelvoerder in die Khomasstreek, het die voorval gister bevestig.

Volgens hom het die mans Donderdag tydens die vroeë oggendure op 'n gastehuis in Akasiapark toegeslaan.

Konst. Edmund Khoaseb, 'n woordvoerder verbonde aan die stadspolisie, sê hul rekords dui aan die mans was met pangas en vuurwapens gewapen.

Nghishidimbwa het gister gesê die verdagtes het 'n Duitse spogmotor, 'n skootrekenaar en drie selfone gebuit.

Daarnaas het hulle R2 200 en 3 800 pula en verskeie kledingstukke gesteel voordat hulle met die Mercedes-­Benz op die vlug geslaan het.

Teen die tyd wat die stadspolisie op die toneel aangekom het, was twee van die slagoffers wat tydens die rooftog aangeval is, reeds na 'n private hospitaal in die stad geneem.

Daar word verneem die vermeende boewe het glo gewelddadig geraak nadat van die slagoffers weerstand gebied het.

Nghishidimbwa sê die voertuig – saam met 'n paar T-hemde “en 'n bietjie geld” daarin – is later die dag verlate in Havana in die buitewyke van die hoofstad gevind.

Een van die gesteelde selfone is op dieselfde dag in dieselfde woonbuurt opgespoor.

Teen gistermiddag is geen verdagte nog weens die roof met verswarende omstandighde in hegtenis geneem nie, het Nghishidimbwa gesê. “Die polisieondersoek duur voort.”

Al wat Nghishidimbwa in dié stadium oor die identiteit van die Namibiese slagoffers wou onthul, was dat hulle van Kavango-Wes afkomstig is.

Intussen het Khoaseb gister gesê vier mans is die afgelope naweek in Katutura aangekeer nadat hulle taxinommers wou steel wat vermoedelik tydens misdaadbedrywighede gebruik sou word voordat dié planne gefnuik is.

Soortgelyk

 

Polisie konfiskeer kerk se luidsprekers in Oshakati

18 ure gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

19 ure gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

21 ure gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

1 dag gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

1 dag gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

1 dag gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

1 dag gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

1 dag gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

1 dag gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...