Pumas wys kloue by Cravenweek

12 July 2018 | Sport
Wim Pretorius - Die Pumas het gister in die Paarl heelwat aansien by die Cravenweek-toernooi vir o.18-rugbyspanne herwin toe hulle die Oostelike Provinsie met 45-29 ore aangesit het.

Dít nadat hulle Maandag deur die Westelike Provinsie met 72-10 uit die pad gevee is.

Vir die OP, wat Maandag met 46-25 deur die Goue Leeus geklop is, is die week vinnig besig om in 'n nagmerrie te ontaard.

Verlede jaar het die Oos-Kapenaars met seges oor die Blou Bulle en Luiperds gespog en slegs teen die SWD verloor.

Die Pumas het veral in die eerste helfte byna elke afdeling van die spel oorheers en is beloon met twee drieë elk deur die losskakel Coenraad Visser en haker Chyle van Zyl, asook een deur vaskopstut Estian Schroeder.

Ná rustyd het die Pumas hulle rustydvoorsprong van 33-10 verder vergroot toe Mfihla Phakathi, Teboho Mosia ook gaan druk het.

Die OP het wel beter vertoon in die tweede helfte, maar het nie genoeg skietgoed gehad nie en loop nou die gevaar om drie wedstryde op 'n streep te verloor.

Die Blou Bulle-uitnodigingspan het die sewende vyftigtal in tien wedstryde by dié toernooi aangeteken met 'n wegholsege oor die Limpopo Blou Bulle.

Die Bulle se sogenaamde B-span het die span van Limpopo met 55-5 afgeslag. Die haker, Enrique Coutriers, en die kaptein en flank, Junior Snyman, het elkeen 'n driekuns aan drieë behaal.

Snyman het met sy inklimspel gewys dat sy weglating uit die Bulle se A-span moontlik 'n fout deur die keurders was.

Net so was Coutriers se rol deurslaggewend in die uitnodigingspan se eerste sege van die toernooi. Dié span het in sy eerste wedstryd sy rieme styfgeloop teen die Griffons en met 51-17 verloor. Gister was hy egter 'n ander dierasie.

Gister se tellings by die o.18 Akademieweek:

Valke 25-22 Grens; Haaie-Platteland 29-14 Luiperds; Westelike Provinsie 67-14 KwaZulu-Natal; LSOB-Skolespan 26-22 Valke-Platteland; Namibië 18-15 Griekwas.

– Netwerk24

Soortgelyk

 

Honderde miljoene vir veevoer nodig

23 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

23 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

23 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

23 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

23 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

23 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

23 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

23 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

23 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...