'Publiek moet bydra tot regspleging'

Tuyeimo Haidula op Oshakati – Hoofregter Peter Shivute het Woensdag 'n beroep op Namibiërs gedoen om te help met die verbetering van regspleging. Volgens hom kan die polisie, landdroste en howe slegs met gesamentlike pogings van burgers geregtigheid bewerkstellig.“Ons is hier om weg te doen met uitdagings en bekommernisse om 'n vinnige en effektiewe regstelsel te verseker. Ons moet weet watter rolle ons speel om te verseker geregtigheid word nie vertraag nie. “Ons kan nie bekostig dat geregtigheid verslap word nie, want dit sal 'n ernstige uitwerking op ons land hê,” het hy gesê.Hy het bygevoeg die stelsel is vir almal en geen instelling kan sonder ondersteuning suksesvol wees nie.“Ons moet saamwerk met 'n gemeenskaplike doel om verbetering te bewerkstellig en geregtigheid aan die mense te lewer,” het Shivute gesê.Die minister van justisie, me. Yvonne Dausab, het gesê hulle is besig om die beskikbaarheid van hulpmiddels en hervorming ter wille van Namibiërs te bespreek.Sommige van die kwessies wat tydens die vergadering geopper is, is die gedurige uitstel van hofsake, wat soms deur ondersoekers vertraag word omdat hul nie betyds ondersoeke voltooi nie. TE MIN LANDDROSTE IN NOORDELanddros Mikka Namweya het gesê dit is soms buite hul beheer as sake uitgestel word, want die ideaal sou wees om sake spoedig af te handel.“Geregtigheid wat sloer, is geregtigheid wat weerhou word. Hoe langer ons hierdie sake uitstel, hoe langer weerhou ons geregtigheid. “'n Moontlike oplossing is om soveel landdroste as moontlik te kry om te help. Sonder hulle sal die situasie waarskynlik nie verander nie,” het Namweya gesê.Die noordelike streek het net twee landdroste wat elk tussen verskeie dorpe roteer, wat waarskynlik tot die vertragings bydra. Die een landdros hanteer sake op Ondangwa, Outapi en Opuwo en die ander op Oshakati, Eenhana en Tsumeb. Oshakati het vir die afgelope drie maande nie 'n landdros gehad nie. Shivute het tydens die byeenkoms gesê Oshakati sal op 1 Mei 2021 'n landdros kry. – tuyeimo@namibiansun.com

'Publiek moet bydra tot regspleging'

Kommentaar

Republikein 2026-06-10

Meld asseblief aan om kommentaar te lewer

'Publiek moet bydra tot regspleging'

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.