Psemas: ‘Tender sluit almal behalwe Methealth uit’

Tans 287 000 lede

08 July 2020 | Gesondheid
Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier opgestel is om alle potensiële deelnemers buiten die huidige houer van die tender uit te sluit.

Prosperity Health het by monde van sy direkteur, mnr. Bertus Struwig, gesê die fonds was onder die indruk die tender, NCS/ONB/CPBN03/2020, is oop vir alle Namibiese administrateurs van mediese fondse.

Volgens die tenderdokumente het Psemas tans 287 000 begunstigdes.

Struwig sê die totale mark vir die administrasie van private mediese fondse in Namibië (uitgesluit Psemas) bestaan uit 201 914 begunstigdes wat hoofsaaklik deur vyf verskillende administrateurs bestuur word.

Die tenderdokument vereis dat die bieër in die laaste vyf jaar mediese fondse die helfte die grootte van Psemas (143 000 begunstigdes of meer) moes bestuur het.

“Vir enige Namibiese administrateur (behalwe die huidige houer van die tender) om aan hierdie vereiste te voldoen, sal dit vereis dat so ’n entiteit ’n markaandeel van meer as 70% van die private mark (nie PSEMAS) vir administratiewe mediesefondse besit,” sê Struwig.

Hy doen gevolglik ’n beroep dat dié vereiste in die tender in lyn met die werklike mark in Namibië gebring word.

Struwig stel voor die tenderspesifikasies word gewysig en dat die aantal begunstigdes wat in dié vereiste ingesluit word, verminder word tot 50 000 begunstigdes wat ’n kwart van die huidige mark is.

Hy verwys ook na vereistes soos vervat in die tenderdokument en wat bepaal dat ’n bieër bewys van voldoende werkkapitaal moet voorsien. Ook word van die bieër vereis om aan te dui hy het toegang tot kredietfasiliteite en die beskikbaarheid van ander finansiële hulpbronne, of ’n brief van ’n finansiële instelling dat hulle gewillig is om finansiering te verskaf.

Volgens Struwig is hy dien van verstande dat ’n brief van ’n geregistreerde Namibiese finansiële instelling wat gewillig is om finansiering te bied en kredietfasiliteite vir werkkapitaal te verskaf, voldoende sal wees om aan dié vereiste te voldoen.

Struwig verwys ook na die bepaling vir beperkings op gesamentlike ondernemings wat vereis dat die vennoot in beheer aan minstens 40% van die minimumvereiste moet voldoen en dat enige ander vennoot of vennote aan minstens 25% van die minimum vereistes moet voldoen.

Volgens hom kan doeltreffende bestuur en dienslewering in terme van die tender vereis dat die werksaamhede van die diensverskaffer deur meer as een entiteit in ’n groep verskaf word.

Hy stel voor die betrokke tendervoorwaarde word gewysig dat ’n tender ingedien kan word deur ’n gesamentlike onderneming in ’n groep van entiteite. Laasgenoemde is onderhewig daaraan dat al die entiteite in die gesamentlike onderneming (JV) beheer word deur ’n enkele Namibiese houermaatskappy wat deel vorm van die JV-ooreenkoms en wat die eienaarskap en verantwoordelikheid van die suksesvolle tender dra.

Met betrekking tot die betaling van eise verwys Struwig na die bepaling wat vereis dat die omkeertyd vir betaling van eise ná ontvangs van fondse van die ministerie van finansies nie langer as twee dae moet wees nie.

“Net die huidige houer van die tender kan sy huidige vermoë wys om eise met ontvangs van fondse van die ministerie van finansies te betaal. Dié voorwaarde benadeel alle partye wat nie die huidige houers van die tender is nie,” het Struwig gesê.

Hy stel voor dat dié vereiste uit die tender verwyder word. Alternatiewelik is duidelikheid nodig dat die vereiste die vermoë insluit om eise binne twee dae van ontvangs van fondse van bestaande kliënte te betaal.

Struwig verwys ook na die vereiste in die tender vir die betaling van eise en wat die bieër verplig om ’n geouditeerde finansiële staat van die rekening te verskaf waarvan betaling na verskaffers van gesondheidsdienste sal geskied.

Volgens Struwig is duidelikheid egter nodig oor die aard van die dokument en die oudit wat ingedien moet word om aan die vereiste te voldoen, omdat so ’n bankrekening nog nie bestaan nie en eers geopen sal word wanneer die tender suksesvol is.

[email protected]

Soortgelyk

 

Vandag se Covid-19-data

3 ure gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

4 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

9 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

20 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

20 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

20 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

20 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

20 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

20 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...