Psemas stop uitbetalings

'Hande afgekap'

15 March 2019 | Ministeries
Henriette Lamprecht – Die administrateur van die staat se mediese fonds (Psemas) het opgehou om eise vir betaling te verwerk.

Dít nadat die laaste betaling deur Methealth op 20 Januarie vanjaar aan gesondheidsdiensverskaffers, wat ‘n ooreenkoms met Psemas het, gemaak is.

Volgens mnr. Eben de Klerk van die Namibiese Private Praktisynsforum (NPPF) het navraag aan Methealth aan die lig gebring geen betalings kon ná 20 Januarie gedoen word nie, omdat Psemas en die ministerie van finansies sedertdien nie fondse hiervoor beskikbaar gestel het nie.

“Volgens hulle is hul hande afgekap, want Psemas betaal hulle nie,” het De Klerk by navraag gesê.

Hy het gesê die NPPF het klagtes van verskeie lede van die NPPF ontvang, wat op uitbetalings van eise wag.

“Hulle is absoluut aan die genade van die regering uitgelewer. Van die verskaffers moes in Februarie hul belasting aan die regering betaal, maar hulle kry nie hul geld van die regering om dit te betaal nie!”

Volgens De Klerk waarsku die NPPF sy lede om hul blootstelling aan Psemas “dop te hou”.

“Ons waarsku verskaffers van gesondheidsdienste die finansiële risiko verbonde aan Psemas is groot,” het hy gesê.

Volgens De Klerk is verskaffers by navraag gewaarsku om pasiënte nie kontant te laat betaal en self te laat terugeis nie, omdat “ons kontrak dan onmiddellik opgeskort sal word”.

Hy het voorts gesê die betalings van eise geskied steeds teen vyf jaar gelede se standaardtariewe van die Vereniging van Namibiese Mediese Fondse (Namaf).

Die minister van finansies, mnr. Calle Schlettwein, het teen druktyd gister nie gereageer op vrae oor die staking van betalings van eise sedert 20 Januarie vanjaar nie.

In Maart verlede jaar en enkele dae voordat die nuwe Psemas-kontrak toe in werking sou tree, het meer as 20% van private diensverskaffers in die gesondheidsbedryf wat aan 'n landswye opname deelgeneem het, gesê hulle gaan die nuwe kontrak nié onderteken nie.

Die uitgebreide opname onder private diensverskaffers is deur die NPPF, in samewerking met die Namibiese Vereniging vir Tandartse (NDA) en die Mediese Vereniging van Namibië (MAN), gedoen.

Die NPPF het toe reeds lede gewaarsku indien die huidige maatstaftariewe nie in die nabye toekoms daadwerklik aangepas word nie, dit tot “'n beduidende afname in die beskikbaarheid van diensverskaffers vir Psemas-pasiënte” sal lei – tot só ’n mate dat dié pasiënte vir behandeling by die staat sal moet aanklop.

Republikein het ‘n jaar gelede berig uitbetalings is van sowat 25 diensverskaffers in die gesondheidsbedryf weerhou tot ondersoeke deur die fonds se administrateur, Methealth, en die ministerie van finansies afgehandel is.

Die begroting vir Psemas vir die 2018-'19-boekjaar was N$2,8 miljard.

Die kantoor van die eerste minister het in 2018 'n tydelike eenheid geskep wat verantwoordelik is vir die totale oorsig en ontleding van die mediese skema se huidige bestuurstruktuur, die oorsigtelike verantwoordelikheid van die skema, sowel as die evaluering van voordele.

In dié verband is 'n konsultant vir ses maande aangestel om die projek te bestuur. Die tydperk is intussen verleng. Verlede jaar was die huidige omkeertyd vir die verwerking van eise vanaf die datum van ontvangs deur Methealth 14 dae.

Tot en met die betaallopie van 11 Februarie 2018 is 'n totale bedrag van N$4,28 miljard in eise uitbetaal.

Twee jaar gelede toe ook gesloer is met die uitbetaling van eise, was Psemas se uitstaande skuld aan verskaffers van gesondheidsdienste sowat N$500 miljoen.

Dié N$500 miljoen het slegs eise gedek vir die tydperk tussen 16 Desember 2016 en 28 Februarie 2017.

Soortgelyk

 

Padgebruik al duurder

5 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Padgebruik al duurder

5 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Gesondheid: Advertensie vals

6 ure gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

16 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

16 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

16 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

16 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

16 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

16 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...