Psemas – nóg ’n werknemer ondervra

Hokaairoepers sal beskerm word

17 May 2018 | Misdaad
Henriette Lamprecht – Die Teenkorrupsiekommissie (ACC) het ’n werknemer van die administrateur van die staat se mediese fonds (Psemas) ondervra oor geld wat sy na bewering ontvang het om eise “dringend” te verwerk.

’n N$1 000 en ’n dringende versoek is glo deur ’n senior rekenmeester, mnr. Llewelyn Bezuidenhout, van die ministerie van finansies aan haar gerig.

Bezuidenhout is verlede Vrydag deur die ACC vasgetrek nadat hy glo N$50 000 van ’n diensverskaffer in die gesondheidsbedryf geëis het om te verseker eise van sover terug as 2016 word verwerk en uitbetaal.

Volgens ’n verklaring van die ACC is die vrou nie in hegtenis geneem nie, maar bly sy deel van ’n verdere ondersoek.

Die verklaring lui voorts ’n klagte is op 13 April deur ’n diensverskaffer aan verskeie mediese praktisyns by die kommissie ingedien oor die wanbetalings van die betrokke eise, wat glo N$1,3 miljoen beloop.

Die diensverskaffer moes Psemas met ’n motivering en afskrifte van die eise nader om dit te heroorweeg, evalueer en om gevolglik goedkeuring aan Methealth te verleen om dit te verwerk en uit te betaal.

Dié tipe eise staan as staatsgoedkeurings bekend.

Volgens die verklaring het die betrokke diensverskaffer sedert November verlede jaar probeer om die eise van Oktober 2016 tot Februarie 2017 te laat verwerk.

Psemas-werknemers, wat Bezuidenhout insluit, het na bewering daarop aangedring dat die diensverskaffer hulle as eienaar van die besigheid persoonlik sien.

’n Hokaairoeper, wat onraad met die vertraging van uitbetalings vermoed het, het met Bezuidenhout vergader en die gesprek opgeneem.

Tydens die gesprek het Bezuidenhout volgens die ACC voorgestel dat “aansporings” aan personeel by Methealth betaal word om voorkeur aan die eise te gee en dit te verwerk.

Sowat N$40 000 is glo aanvanklik aan hom betaal en vyf dae later het hy glo bewyse via WhatsApp aan die diensverskaffer deurgestuur dat van die eise verwerk is.

Hy het glo ook versoek dat die oorblywende N$10 000 aan hom betaal word.

By ontvangs hiervan is Bezuidenhout in hegtenis geneem.

N$35 000 van die aanvanklike N$40 000 is glo ook op sy persoon en by sy huis gevind.

Bezuidenhout moet op 29 Junie weer in die hof verskyn en moes borgtog van N$10 000 betaal.

Die ACC het ’n beroep op lede van die publiek gedoen wat ook vir omkoopgeld gevra is óf dit betaal het om na vore te kom om hulle in die ondersoek te help.

Dié individue sal die beskerming van die teenkorrupsiewet geniet, wat die beskerming van hokaairoepers en inligting omskryf.

Hiervolgens sal geen aksie of stappe, hetsy dissiplinêre, siviele of strafregtelike stappe, teen so ’n individu gedoen word nie.

Soortgelyk

 

Polisie konfiskeer kerk se luidsprekers in Oshakati

1 uur gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

2 ure gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

4 ure gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

14 ure gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

14 ure gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

14 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

14 ure gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

14 ure gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

14 ure gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...