Projek wil plaaswerkers se lewens verbeter

86% woon in steenhuise

12 June 2019 | Landbou
Ronelle Rademeyer – Namibiese kommersiële boere het hulle daartoe verbind om ’n verskil aan die lewens van hul plaaswerkers te maak.

Beter behuising vir plaaswerkers, voorsiening vir aftrede, goeie interkulturele kommunikasie en opleiding is van die elemente waaraan kommersiële boere tans aandag gee om die werksomstandighede op plase te verbeter en vir werkers beter lewens te skep.

Mnr. Hellmutt Förtsch, voorsitter van die Landbouwerkgewersvereniging (LWV), het gister tydens die vereniging se 32ste kongres in Windhoek gesê ’n nuwe projek gaan oor die volgende drie jaar daarop fokus om landbou-arbeid aantrekliker en mededingender te maak.

Hy het verwys na pres. Hage Geingob se versoek verlede jaar aan kommersiële boere tydens die tweede nasionale grondkonferensie om die lewensomstandighede van plaaswerkers te verbeter.

Förtsch sê hoewel baie inisiatiewe in die verlede al in dié verband onderneem is, gaan die nuwe projek toegewyd daarop fokus om landbou-arbeid se rol in die nasionale ekonomie ter ondersteuning van die Harambee-welvaartsplan en die vyfde Nasionale Ontwikkelingsplan (NDP5) te versterk.

‘n Opname deur die LWV onder sy lede oor die soort behuising op plase toon sowat 86% van arbeidershuise is met stene gebou en het ‘n gemiddelde vloeroppervlak van sowat 42 vierkante meter.

Die opname wys die huise het gemiddeld 2,5 vertrekke en dit is gemeet aan nasionale pryse gemiddeld N$143 000 werd.

Sou die werkers wat daarin woon huur moes betaal, sou dit ongeveer N$960 per maand beloop het.

In 56% van gevalle deel plaaswerkers ablusiegeriewe. Die res het private badkamergeriewe.

Hierdie syfers is deur die ondervoorsitter van die LWV, me. Christine Stoman, met afgevaardigdes gedeel.

Sê sy buiten die neerlê van riglyne vir minimum behuisingstandaarde, wil die LWV deur die projek sy lede ook motiveer om die nodige aftredebeplanning vir hul plaaswerkers te doen. Dit sluit in om hulle te help om ’n erf op die dorp te bekom waar hulle ‘n huis kan oprig om te gaan woon nadat hulle afgetree het.

Stoman het ook daarop gewys dat plaaseienaars deur annuïteite of spaarplanne vir werkers ’n neseier vir hulle moet help opbou.

Intussen het mnr. Craig Deall, ’n Zimbawiër wat in 2003 sy grond en besittings weens grondgryping verloor het, landbouwerkgewers gister aangemoedig om met ander oë na hul werkers te kyk.

Hy sê hy het as uitvoerende hoof van Foundations for Farming, wat mense in Afrika toerus om produktief te boer, besef as ’n mens ’n land wil herbou, moet jy die mense uit armoede ophef.

Hy sê voor hy alles in Zimbabwe verloor het, het hy na sy plaaswerkers as ‘n bate gekyk wat vir hom moes geld inbring.

“Ek het nie na hulle in die beeld van God gekyk nie. Ek het God liefgehad en hulle regeer, pleks van om hulle ook lief te hê,” het hy gesê.

Deall het gesê baie boere bestuur hul mense deur die hele tyd die wortel van vergoeding of die stok van straf voor hul neuse te hou. “Mense moenie die werk doen omdat hulle dissipline vrees nie, maar omdat dit vir hulle lekker is om die werk te doen en hulle vreugde daarin vind.”

Soortgelyk

 

Chasing your dream

15 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

15 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

15 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

15 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

15 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

15 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

15 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

15 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

15 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...