Pretorianer lei rower-jaagtog op Swakop

03 January 2019 | Misdaad
Ronelle Rademeyer - Die bloedstollende gille van ‘n Windhoekse sakevrou wat omstreeks eenuur gistermiddag op die strand op Swakopmund deur twee mans met messe aangeval is, het uiteindelik drie van die bendelede se turf laat sit.

Me. Andriëtte Lucks (45) het langs Strandweg op een van die bankies gesit en oor die see uitkyk toe sy aangeval is.

“Ek het met my suster oor die foon gepraat en gesien twee mans kom aangestap. Naby my het hulle uit mekaar beweeg, met die een wat voor die bankie verbystap en die ander een agterom.

“Ek sien toe die een voor my het ‘n mes in sy hand. Ek het dadelik op die sand in ‘n bondel gaan sit en my hande om my knieë geklem om my lyf te beskerm. Die man aan my agterkant het my met ‘n mes oor my rug gesny. Hulle het my handsak gegryp, maar ek het verwoed aan my selfoon vasgeklou. In die proses is ek ook aan my voorarm gesteek. My suster, met wie ek gepraat het, het die bloedstollende gille gehoor, maar natuurlik nie besef wat aangaan nie,” vertel Lucks.

Intussen het ‘n jong Pretorianer, mnr. D.C. Roux (27), en sy vriendin in Strandweg by Lucks verbygery en haar hoor gil.

“Ek het iemand vreeslik hoor skree en my meisie wys toe vir my daar hardloop drie mans, die twee wat haar aangeval het en een wat ‘n ent weg gestaan het.

“Hulle het in ‘n goudkleurige Toyota Run-X gespring waarin nóg drie mans was. Die tannie het agter hulle aangehardloop en steeds die heeltyd geskree,” vertel Roux.

Lucks sê sy was omtrent dieselfde tyd as die rowers by hul wegkomvoertuig.

“Toe ek weer sien, het ek langs die bestuurder se deur gestaan. Maar wat kon ek doen? Een ding het ek darem reggekry, en dit was om al die mense langs Strandweg uit hul huise te gil. Die kans is groter dat my keel môre seer gaan wees as dat my arm gaan pyn,” het sy skertsend uit die hospitaal vertel.

EMed Rescue 24 en lede van die buurtwag was baie vinnig op die toneel, sê sy.

Roux het intussen die vlugtende rowers agternagesit.

“Ek het seker vir ses of sewe minute agter hulle aangejaag. Ander mense het besef wat aangaan en ook agter hulle aangejaag. Ons was later seker drie voertuie wat hulle agtervolg het,” vertel hy.

Roux sê toe die vermeende rowers besef hulle is besig om die stryd te verloor, het hulle stilgehou en vier het uitgespring en weggehardloop.

“Ons het drie gevang, maar die ander het weggekom.”

Dit blyk hulle het uit die dorp probeer vlug en het uiteindelik naby die Shell-diensstasie langs die Hentiesbaaipad stilgehou en weggehardloop.

Roux, wat elke jaar saam met sy ouers op Hentiesbaai vakansie hou, meen nie hy is ‘n held nie en sê die ander mense wat die rowers agternagesit het, verdien ewe veel lof.

Die drie vermeende rowers wat vasgetrek is, is in polisieaanhouding, en teen druktyd was die polisie en die plaaslike buurtwag nog na die ander op soek.

Soortgelyk

 

Afrika-lied kom tuis in Namib

16 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

16 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

16 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

16 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

16 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

16 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

16 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

16 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

16 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...