Presidensie verduidelik kollektiewe verantwoordelikheid
Die beginsel van kollektiewe verantwoordelikheid ten opsigte van die Kabinet is in ’n verklaring deur die mediasekretaris van staatshuis, mnr. Albertus Aochamub, verduidelik.
“Pres. Hage Geingob gaan voort om raadplegende vergaderings met verskeie rolspelers op verskillende regeringsvlakke te voer, om hul onderskeie rolle in die uitvoering van die regering se mandaat te herbevestig. Dit is in pas met die posisie van die president dat hy alle staatsaangeleenthede op ’n openlike en deursigtige manier wil behartig,” sê Aochamub.
Hy voer aan dat benewens mediakonferensies alle welwillendheidsbesoeke vir die media oop is.
Hy het ten sterkste ontken dat die staatshoof die demokrasie dooddruk en die reg tot vryheid van uitdrukking van lede van sy regering ondermyn.
Hy het uit die Kabinet se handleiding aangehaal om die beginsel van kollektiewe verantwoordelikheid te verduidelik.
“In die uitvoering van regeringsake is alle lede van die regering verbind tot die beginsel van kollektiewe verantwoordelikheid. Hierdie beginsel vereis dat elke lid van die Kabinet vry is om sy of haar uitgangspunt tydens debatte in die Kabinet te stel. Wanneer ’n besluit egter geneem word, is elke lid van die Kabinet absoluut verantwoordelik daarvoor en verbind tot die Kabinetsbesluit, hetsy hy of sy daarmee saamstem al dan nie.
“Hierdie beginsel belet enige lid van die Kabinet wat nie saamstem nie, om in die openbaar bekend te maak dat hulle die besluit teengestaan het toe dit in die Kabinet bespreek is.
“In die geval waar ’n lid verkies om nie met die besluit vereenselwig te word nie, is die enigste alternatief vir hom of haar om te bedank,” lui die Kabinet se handleiding.
Dieselfde geld vir adjunkministers.
Voorts word van ministers en adjunkministers verwag om besprekings van die Kabinet geheim te hou.
Aochamub het die media gekritiseer vir wat hy as “die publikasie van onwaarhede” oor sekere kwessies bestempel het.
“As ’n regering, wat die beginsel van vryheid van die media ondersteun, doen ons ’n beroep op die media om die basiese beginsels van joernalistieke etiek en die etiese kode, onder die vaandel van die media ombudsman, te handhaaf,” sê Aochamub.
“Pres. Hage Geingob gaan voort om raadplegende vergaderings met verskeie rolspelers op verskillende regeringsvlakke te voer, om hul onderskeie rolle in die uitvoering van die regering se mandaat te herbevestig. Dit is in pas met die posisie van die president dat hy alle staatsaangeleenthede op ’n openlike en deursigtige manier wil behartig,” sê Aochamub.
Hy voer aan dat benewens mediakonferensies alle welwillendheidsbesoeke vir die media oop is.
Hy het ten sterkste ontken dat die staatshoof die demokrasie dooddruk en die reg tot vryheid van uitdrukking van lede van sy regering ondermyn.
Hy het uit die Kabinet se handleiding aangehaal om die beginsel van kollektiewe verantwoordelikheid te verduidelik.
“In die uitvoering van regeringsake is alle lede van die regering verbind tot die beginsel van kollektiewe verantwoordelikheid. Hierdie beginsel vereis dat elke lid van die Kabinet vry is om sy of haar uitgangspunt tydens debatte in die Kabinet te stel. Wanneer ’n besluit egter geneem word, is elke lid van die Kabinet absoluut verantwoordelik daarvoor en verbind tot die Kabinetsbesluit, hetsy hy of sy daarmee saamstem al dan nie.
“Hierdie beginsel belet enige lid van die Kabinet wat nie saamstem nie, om in die openbaar bekend te maak dat hulle die besluit teengestaan het toe dit in die Kabinet bespreek is.
“In die geval waar ’n lid verkies om nie met die besluit vereenselwig te word nie, is die enigste alternatief vir hom of haar om te bedank,” lui die Kabinet se handleiding.
Dieselfde geld vir adjunkministers.
Voorts word van ministers en adjunkministers verwag om besprekings van die Kabinet geheim te hou.
Aochamub het die media gekritiseer vir wat hy as “die publikasie van onwaarhede” oor sekere kwessies bestempel het.
“As ’n regering, wat die beginsel van vryheid van die media ondersteun, doen ons ’n beroep op die media om die basiese beginsels van joernalistieke etiek en die etiese kode, onder die vaandel van die media ombudsman, te handhaaf,” sê Aochamub.
Kommentaar
Republikein
Geen kommentaar is op hierdie artikel gelaat nie