Praktiese maniere om water te bespaar
Stappe om waterverbruik te verbeter, sluit in bedekking van tuinbeddings en swembaddens.
Die bestuur van die vraag na water is een van die beste maniere om waterverbruik te verminder in ‘n stad soos Windhoek waar watertekorte voortdurend dreig.
Volgens ‘n artikel wat die Windhoekse munisipaliteit onlangs aan die media beskikbaar gestel het, kan dit verbruikers se lewensstandaard verbeter, asook owerhede se vermoë om vooruitgang te dryf.
“Boonop bied dit ‘n geleentheid vir ‘n verbeterde sosioëkonomiese omgewing. In gebiede waar daar ‘n watertekort is, verminder dit die druk op waterbronne en verbeter dit gemeenskappe se veerkragtigheid tydens droogtes,” lui die berig.
“Die doel van die bestuur van die watervraag moet wees om mense meer bewus te maak van hoe hulle die bron gebruik. Ook moet dit die verbruiker oorreed om water optimaal te benut en die meeste uit elke druppel te kry.”
PRAKTIESE STAPPE
Die munisipaliteit stel praktiese stappe voor om waterverbruik beter te bestuur.
Die eerste is om weekliks waterlesings te neem om te verseker verbruik bly binne aanvaarbare perke.
So kan jy ook vinniger agterkom as daar ‘n waterlekkasie is.
Die munisipaliteit stel die gebruik van waterdoeltreffende konsepte en gereedskap voor om water optimaal te benut.
Windhoekers moet ook oorweeg hoe water hergebruik kan word waar moontlik, en om so min as moontlik skoon water te gebruik.
Bedek jou swembad wanneer dit nie gebruik word nie. Grondbedekking in tuinbeddings bespaar ook water.
Die opvang van reënwater is ook ‘n goeie alternatief vir waterbestuur tydens die reënseisoen.
Die plant van groente is slegs lewensvatbaar in die reënseisoen. Droë en warm weer, veral tydens September tot Januarie, is nie geskik vir die plant van plante wat baie water benodig nie, sê die munisipaliteit.
WATERSENSITIEWE STEDE
Watersensitiewe ontwerpe vir stede behoort al hoe meer oorweeg te word.
Dit is veral doeltreffend in die natmaak van bome en die heraanvulling van ondergrondse waterbronne. Dit verminder ook die impak van vloede.
Die implementering van watersensitiewe ontwerpe rus op sekere fundamentele beginsels. Dit sluit in dat waterverbruikers hulself verbind tot ‘n skoon, vullisvrye omgewing – veral in openbare plekke.
‘n Watersensitiewe ontwerp genereer so min as moontlik rioolwater en bewerkstellig die dreinering van reënwater na ondergrondse bronne.
So kan die aanvul van ondergrondse waterbronne verbeter word, en bome trek die grootste voordeel hieruit.
Op hierdie manier kan die geleentheid vir ‘n “groen stad” ‘n realiteit word. Groen stede kan koolstofdioksied en hitte absorbeer wat deur stede gegenereer word.
“Stede kan baie warm raak en groen stede kan mense se lewensgehalte en hul sosiale omgewing verbeter,” lui die artikel.
“Die gemeenskap in stede het die geleentheid om hul lewensgehalte te verbeter as hulle die munisipaliteit se voorgestelde riglyne toepas.
“‘n Gemeenskap is so sterk soos die individue wat gewillig is om die gemeenskap en sy pogings te ondersteun en daartoe by te dra.”
Volgens ‘n artikel wat die Windhoekse munisipaliteit onlangs aan die media beskikbaar gestel het, kan dit verbruikers se lewensstandaard verbeter, asook owerhede se vermoë om vooruitgang te dryf.
“Boonop bied dit ‘n geleentheid vir ‘n verbeterde sosioëkonomiese omgewing. In gebiede waar daar ‘n watertekort is, verminder dit die druk op waterbronne en verbeter dit gemeenskappe se veerkragtigheid tydens droogtes,” lui die berig.
“Die doel van die bestuur van die watervraag moet wees om mense meer bewus te maak van hoe hulle die bron gebruik. Ook moet dit die verbruiker oorreed om water optimaal te benut en die meeste uit elke druppel te kry.”
PRAKTIESE STAPPE
Die munisipaliteit stel praktiese stappe voor om waterverbruik beter te bestuur.
Die eerste is om weekliks waterlesings te neem om te verseker verbruik bly binne aanvaarbare perke.
So kan jy ook vinniger agterkom as daar ‘n waterlekkasie is.
Die munisipaliteit stel die gebruik van waterdoeltreffende konsepte en gereedskap voor om water optimaal te benut.
Windhoekers moet ook oorweeg hoe water hergebruik kan word waar moontlik, en om so min as moontlik skoon water te gebruik.
Bedek jou swembad wanneer dit nie gebruik word nie. Grondbedekking in tuinbeddings bespaar ook water.
Die opvang van reënwater is ook ‘n goeie alternatief vir waterbestuur tydens die reënseisoen.
Die plant van groente is slegs lewensvatbaar in die reënseisoen. Droë en warm weer, veral tydens September tot Januarie, is nie geskik vir die plant van plante wat baie water benodig nie, sê die munisipaliteit.
WATERSENSITIEWE STEDE
Watersensitiewe ontwerpe vir stede behoort al hoe meer oorweeg te word.
Dit is veral doeltreffend in die natmaak van bome en die heraanvulling van ondergrondse waterbronne. Dit verminder ook die impak van vloede.
Die implementering van watersensitiewe ontwerpe rus op sekere fundamentele beginsels. Dit sluit in dat waterverbruikers hulself verbind tot ‘n skoon, vullisvrye omgewing – veral in openbare plekke.
‘n Watersensitiewe ontwerp genereer so min as moontlik rioolwater en bewerkstellig die dreinering van reënwater na ondergrondse bronne.
So kan die aanvul van ondergrondse waterbronne verbeter word, en bome trek die grootste voordeel hieruit.
Op hierdie manier kan die geleentheid vir ‘n “groen stad” ‘n realiteit word. Groen stede kan koolstofdioksied en hitte absorbeer wat deur stede gegenereer word.
“Stede kan baie warm raak en groen stede kan mense se lewensgehalte en hul sosiale omgewing verbeter,” lui die artikel.
“Die gemeenskap in stede het die geleentheid om hul lewensgehalte te verbeter as hulle die munisipaliteit se voorgestelde riglyne toepas.
“‘n Gemeenskap is so sterk soos die individue wat gewillig is om die gemeenskap en sy pogings te ondersteun en daartoe by te dra.”
Kommentaar
Republikein
Geen kommentaar is op hierdie artikel gelaat nie