Polisiehoof kap dronklappe

Ondersoek na geweld ‘vorder’

08 May 2019 | Misdaad
Denver Kisting – Lt.genl. Sebastian Ndeitunga, die nasionale polisiehoof, sê die meeste mense was dronk, wat beweer hulle is deur die polisie of weermag aangerand.

Gevolglik sukkel van dié mense om besonderhede van die beweerde aanval tydens Operasie Hornkranz te onthou en te verstrek, sê hy.

Ndeitunga het gistermiddag gesê in baie gevalle is dit polisiebeamptes wat nie aan diens was nie wat beweer hulle is deur hul kollegas aangerand.

Hoewel Operasie Hornkranz – ’n gesamentlike oefening deur die polisie en die weermag – ’n landswye veldtog was, is die bewerings oor geweld slegs in Windhoek gemaak, sê hy. “Ons regverdig geen geweld of aanranding nie,” het hy gesê.

Maar, maan hy, die polisie gaan ook geen geweld teenoor hulle duld nie.

Tot dusver is ses klagte by die polisie aanhangig gemaak, het hy gesê.

Ndeitunga het gister gesê hulle probeer hul bes om agter die kap van die bewerings van geweld teen beamptes te kom.

Volgens hom is van dié aantygings “wild”.

Hy sê hy het voor gistermiddag nog nie gehoor van bewerings dat die magte mans met oorbelle teiken nie.

Ndeitunga sê hy het die ondersoekspan beveel om hul ondersoek teen die einde van vandeesmaand af te handel.

Ndeitunga het gistermiddag aangekondig Operasie Hornkranz kom einde vandeesweek tot ’n einde.

Hy sê dié wending is nie weens die bewerings oor geweld nie.

Volgens hom was Operasie Hornkranz ’n reusesukses. Tydens die mees onlangse been van die veldtog is 599 verdagtes weens verskeie beweerde oortredings in hegtenis geneem.

Dit sluit ernstige sake soos moord en minder ernstige sake soos winkeldiefstal in, het hy gesê.

Die polisie het beslag gelê op 479 gevaarlike voorwerpe, wat vuurwapens insluit.

Ndeitunga sê hulle het ook op onwettige dwelms ter waarde van N$2,6 miljoen beslag gelê.

’n Nuwe misdaadbekampingsveldtog, Operasie Kalahariwoestyn, word dan van stapel gestuur.

Nege maande ná Avihe

Ndeitunga het gister toegegee die polisie kon nog geen deurbraak maak in die grumoord van die negejarige Avihe Ujaha nie.

Haar opgekapte lykie is sowat nege maande gelede in ’n rivierloop in die hoofstad gevind.

Haar aanvaller(s) is steeds op vrye voet.

Ndeitunga sê dié tipe ondersoeke word gekortwiek deur ’n gebrek aan kringtelevisiekameras in die hooftad.

Volgens hom krap hulle elke dag oor dié saak kop.

Só staan die Arandis-saak:

Die polisiehoof sê hulle beraadslaag tans met die kantoor van die aanklaer-generaal oor die vordering in die dubbele moordsaak.

Die klein gemeenskap van Arandis is onlangs tot in sy fondamente geskud met die moorde op mnr. Eckhart Mueller (72) en die 60-jarige mnr. Heimo Hellwig.

Hulle was onderskeidelik die direkteur en adjunkdirekteur van die Namibië Instituut van Mynbou en Tegnologie (Nimt).

Adj.komm. Edwin Kanguatjivi, die nasionale polisiewoordvoerder, het gister bevestig “’n persoon van belang” is steeds in aanhouding maar weens ’n ander beweerde misdaad en nie die moorde nie.

Ndeitunga sê hulle hanteer mense van belang in aanhouding in ooreenstemming met die vereistes van die Grondwet. “Ons sal binnekort ’n besluit neem – kla hulle aan of laat hulle vry. Maar ons beweeg in die regte rigting.”

Soortgelyk

 

Vlieëniers vlieg ‘blind’

14 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

14 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

14 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

14 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

14 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

14 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

14 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

14 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...

Namibia committed to curbing abuse by 2022: Imalwa

14 ure gelede |

Prosecutor-general Martha Imalwa said the Namibian justice system is taking gender-based violence (GBV) cases seriously and aims to make huge progress against it by 2022.“By...