Polisiebeampte skiet per ongeluk kind

‘n Polisiebeampte het Donderdag in die vroeë oggendure per ongeluk ‘n kind naby die landdroshof in Katutura doodgeskiet. Die voorval het omstreeks 03:00 plaasgevind. Volgens die koördineerder van misdaadondersoeke in die Khomasstreek, adj. komm. Silvanus Nghishidimbwa wou die polisiebeampte honde skiet, maar het die koeëls ‘n nabygeleë sinkhuis getref waar ‘n ma saam met haar twee kinders bly. Die vrou en albei haar kinders is beseer en een van die kinders is dood. Die polisiebeampte het homself oorgegee en die ondersoek duur voort. - Nampa