'Polisiebeampte' pers dokter glo af

‘Betaal óf tronk toe sonder borgtog’

24 September 2021 | Howe
Henriette Lamprecht – ’n Windhoekse dokter is glo afgedreig totdat hy N$30 000 opgedok het nadat hy na bewering deur ’n klaarblyklike polisiebeampte van die pad gedwing is. Nog drie mans wat reeds in die hof verskyn het, was by die voorval betrokke.

Volgens dr. Winnie Weder, wat reeds vir meer as twee dekades ’n spreekkamer in Katutura het, het die voorval op 19 Julie oor die etensuur plaasgevind. In sy verklaring aan die polisie sê hy nadat die beampte in ’n polisievoertuig sonder polisieligte op die dak hom afgetrek het, het dié hom eers daarvan beskuldig dat hy te vinnig gery het.

Nog drie mans wat nie polisie-uniforms aangehad het nie, het te voorskyn gekom en glo hul “polisiekaarte” gewys en by Weder in die motor geklim. Volgens een van die mans was hulle besig met ’n ondersoek na ’n geval waarin hy ivermektien voorgeskryf het aan ’n pasiënt wat glo in die hospitaal met nierversaking opgeneem is.

Weder is aangesê om na die polisiekantoor te ry. Een van die mans het volgens hom “baie aggressief” opgetree en hom met arrestasie sonder enige borgtog gedreig. Weder is glo aangesê om na die Sentrale Hospitaal te ry waar hy langs ’n dubbelkajuitbakkie moes parkeer. In gesprekke hier onder die mans is daarop aangedring dat hulle N$130 000 moet betaal voordat hulle hom sal laat gaan.

Ná vele dreigemente het die mans glo ingestem tot die N$30 000 wat Weder gesê het hy kan betaal. Hy is na die bank geneem om die kontant te onttrek terwyl een van die mans ook binne die bankgebou gesit en wag het. Weder het die geld aan hom oorhandig waarna hy dit aan die man in die bakkie oorhandig en weggestap het.

Volgens Weder kon hy een van die mans tydens ’n uitkenningsparade identifiseer. Die voertuig en die persoon wat hom afgetrek het, is ook op straatkameras geïdentifiseer. Weder sê een van die afpersers was na bewering ook betrokke by ’n voorval in Mariental waar hy mense met vervalste NaTIS-papiere afgepers het.

Die woordvoerder van die Namibiese polisie, adj.komm. Kauna Shikwambi, sê die saak (saaknommer CR347072021) word nog ondersoek. Shikwambi sê die dossier was teen verlede week by die kantoor van die aanklaer-generaal vir ’n besluit oor vervolging.

“Tot op hede weet ek drie mense wat nie polisiebeamptes is nie, is in verband met die voorval in hegtenis geneem,” het sy by navraag gesê. Volgens haar het hulle reeds in die hof verskyn en is op borgtog vrygelaat.

“Of daar polisiebeamptes by die saak betrokke was, moet nog deur die voortgesette ondersoek bepaal word.”

Die mans verskyn weer op 1 November in die hof.

[email protected]

Soortgelyk

 

Creativity and mental health: Where do we overstep

11 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

11 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

11 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...

Etosha se brand geblus

11 ure gelede |

Tanja Bause – Die veldbrand wat sedert Maandag in Etosha gewoed het, is eindelik gister onder beheer gekry. Volgens die woordvoerder van die ministerie van...

Professionele jagters se bewaringswerk

11 ure gelede | Toerisme

Emmanuel Koro, Johannesburg – Ná die verwoestende uitwerking van die Covid-19-pandemie op die Namibiese jag- en fotosafari-bedryf, het jagsyfers vanjaar ietwat verbeter. Terwyl sowat 5...

Jessica Ashley stel vandag enkelsnit vry

11 ure gelede | Byvoegsels

Die jong sangeres Jessica Ashley (Strydom) van Swakopmund stel vandag haar eerste enkelsnit – wat sy self geskryf het – vry. Die lied “Only 9”...

'n Liefdesgedig aan bedreigde spesies

11 ure gelede | Byvoegsels

Yandi du Plessis Wilde Kind se vollengte studio-album Omhanda is gister op alle stromingsplatforms uitgereik.“Omhanda” is die Oshiwambo-woord vir renoster. “Renosters is spesiaal vir Namibië...

Voortrekkers ná 90 jaar nog op koers

11 ure gelede | Byvoegsels

Die Windhoek-Schlengemann-kommando van die Namibiese Voortrekkers bied vanaand, in samewerking met Netwerk Namibië en Windhoek Afrikaanse Privaatskool, 'n plaaslike vertoning van die aanlyn konsert, Hou...

Learning through play

11 ure gelede | Gemeenskap

Mariselle StofbergStimuBox is an online store that produces and sells personalised sensory boxes. These boxes contain fun and simple, age-appropriate activities that help with the...