Polisiebaas besing Operasie Kalahari se lof

Suksesstatistieke vrygestel

20 June 2019 | Misdaad
Denver Kisting – Dis jammer ’n lid van die publiek het tydens die operasie gesterf, maar die veldtog duur voort.

Só het die nasionale polisiebaas, lt.genl. Sebastian Ndeitunga, gister pres. Hage Geingob se vroeëre standpunt geëggo.

Eweneens, het Ndeitunga dié week op ’n polisieparade gesê, gaan die weermag nie aan Operasie Kalahariwoestyn onttrek word nie.

Hy het statistieke bekend gemaak wat wys misdaad het geleidelik onder Kalariwoestyn se voorganger, Hornkranz, begin daal toe dié veldtog in November verlede jaar van stapel gestuur is.

Dit is beduidend, sê Ndeitunga, dat misdaad skielik in Maart vanjaar gestyg het toe Hornkranz vir ’n rukkie opgeskort is.

Tussen 11 Mei, toe Kalahariwoestyn gebore is, en 31 Mei is 871 mense vir ernstige en minder ernstige misdade aangekeer, sê Ndeitunga.

In dié tydperk het die owerhede op 965 gevaarlike wapens beslag gelê, sê hy.

Hulle het ook onwettige dwelms ter waarde van nagenoeg N$281 495 gekonfiskeer en 39 stuks vee met ’n waarde van N$113 600 teruggevind.

Die owerhede het in dié drie weke 1 747 dagvaardings ten bedrae van N$1 809 800 uitgereik.

Ndeitunga het gesê die vrede en bestendigheid wat Namibiërs sedert 1990 geniet, het in die gedrang gekom.

Huisbraak, diefstal, roof, verkragting, moord “en allerlei verskriklike misdade word op ’n daaglikse grondslag gepleeg,” sê hy.

“Daarom kan ons as wetstoepassers nie net waarneem en ons hande vou nie.”

Hy het ’n beroep gedoen op die land se inwoners en besoekers om die veldtog te omarm.

Diegene wat ongemaklik is met die operasie moet eerder by die owerhede aansluit en kragte saamsnoer “sodat ons saam ons land een van die veiligstes in Afrika, indien nie die wêreld, kan maak”.

Soortgelyk

 

Laat koppe rol - Jooste, SPYL

9 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Namibiërs betoog oor korrupsie

9 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

9 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

9 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...

Buitelandse mediese studente: Eksamen nietig verklaar

9 ure gelede | Gesondheid

Henriette Lamprecht – Die jongste pre-internskapevaluering van 297 studente wat medies in die buiteland studeer het, is nietig verklaar. Die evaluering is op 27 September...

Passasiers gestrand ná Frankfurt-botsing

9 ure gelede | Vervoer

Ronelle Rademeyer - Dit is in hierdie stadium nie bekend wanneer Air Namibia se vlugte tussen Frankfurt in Duitsland en Windhoek sal hervat nie.Dit volg...

Die kwaliteit van verkiesings

9 ure gelede | Politiek

Christie Keulder – Gereëlde vry en regverdige verkiesings is die rugraat van enige demokrasie.Die kwaliteit van verkiesings is daarom onontbeerlik vir die konsolidering van nuwe...

VERKIESINGS 2019: Regeringstrukture en die staatsdiens

9 ure gelede | Politiek

Die reeks neem politieke partye se manifeste oor sleutelkwessies in oënskou.ALL PEOPLE’S PARTY (APP)• Sny die uitspattige salarisse van openbare ondernemings (SOE’s) se direksie, uitvoerende...

Christchurch-krisis help Namibië

9 ure gelede | Mense

Denver Kisting – ’n Namibiese egpaar wat Nieu-Seeland toe is vir nagraadse studie het met meer as doktorsgrade teruggekeer.Dr. Rosa Persendt vertel by navraag: “Dis...