Polisie lê beslag op mangaan-lorries

Moet gebied ‘rehabiliteer’

07 January 2019 | Plaaslik
Catherine Sasman – Die Namibiese polisie op Lüderitz het Vrydag op agt vragmotors beslag gelê wat deur TradePort Namibia CC gebruik is om mangaanerts uit Suid-Afrika na dié hawedorp vir berging te vervoer, van waar dit verskeep en uitgevoer sal word.

Dit volg nadat vasgestel is ‘n omgewingklaringsertifikaat is nie vir die operasie uitgereik nie.

TradePort Namibia is een van twee Suid-Afrikaanse maatskappye wat met NamPort onderhandel het om maandeliks 30 000 ton mangaanerts deur die hawe by Lüderitz uit te voer.

Vragmotors het verlede week begin om die fyn erts buite die kusdorp af te laai. Dit het tot groot ongelukkigheid onder inwoners gelei wat bekommerd is oor die onherstelbare omgewingskade wat aan die vis- en marienekultuursektore aangerig kan word, toerisme kan skaad en verkeersprobleme op die dorp kan veroorsaak.

TradePort Namibia het na verneem word vir ‘n omgewingklaringsertifikaat aansoek gedoen, maar het met die vervoer en aflaai van die erts begin al is dié proses nog nie voltooi nie.

Dit het inwoners genoop om die polisie en die omgewingskommissaris te vra om in te gryp en die onwettige operasie stop te sit.

Mnr. Teofilus Nghitila, omgewingskommissaris en waarnemende permanente sekretaris van die omgewing en toerisme, het Donderdag ‘n brief aan die hoof van die polisie, lt.genl. Sebastian Ndeitunga, gestuur waarin hy die polisie versoek het om die aflaai van die mangaanerts te stop.

“Ons het kundiges betrek,” het Nghitila Vrydag gesê en bygevoeg: “Dit is nie iets wat ons ligtelik beskou nie. Dit is ‘n reuse-oortreding om met so ‘n operasie te begin sonder ‘n omgewingklaringsertifikaat.”

Twee omgewingsinspekteurs het ook Vrydag op Lüderitz aangekom om die saak te ondersoek.

TradePort Namibia het opdrag gekry om die gebied voor Vrydag te “rehabiliteer”. Dit beteken al die mangaanerts wat tot dusver afgelaai is, moet verwyder word.

‘n Bron in die ministerie van die omgewing en toerisme het gesê daar bestaan geen sekerheid dat ‘n omgewingklaringsertifikaat wel uitgereik sal word nie.

Volgens die bron kan dit lank duur voordat die proses om so ‘n sertifikaat uit te reik, afgehandel is. Dit is ‘n tydsame proses wat “‘n gedetailleerde ondersoek behels”.

Die bron het ook gesê die terrein waar die erts afgelaai is, is nie “omgewingsgeskik” vir die doel waarvoor TradePort Namibia dit gebruik nie. Dit behoort aan TransNamib en is binne die dorpsgebied geleë.

Dit is nie in hierdie stadium duidelik of die vragmotors waarop beslag gelê is, toegelaat sal word om na Suid-Afrika terug te keer tot tyd en wyl die aansoek vir 'n omgewingsklaringsertifikaat voortduur nie.

Soortgelyk

 

Mexikaanse sakeman wil Erindi koop

22nd of May 13:20 | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

47 minute gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

1 uur gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

2 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

3 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

13 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

13 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

13 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

13 ure gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...