Polisie keer beplande protesaksie
Betogers wil voor die Walvisbaai-stadsaal en raadskantore op Kuisebmond kamp opslaan totdat aan hul versoeke gehoor gegee word.
Otis Finck op Walvisbaai - Die polisie het ingegryp en 'n beplande optog en protesaksie deur plakkers, agterplaashuurders en grondloses op Walvisbaai gekeer.
Sowat 'n honderd mense het Saterdagmiddag by die Kuisebmond-sokkerstadion byeengekom met die doel om die beoogde optog te bespreek en planne te maak om die volgende dag by die Walvisbaai-stadsaal en raadskantore op Kuisebmond kamp op te slaan.
Walvisbaai se burgemeester, mnr. Immanuel Wilfred, het gesê die sameroepers is onverantwoordelik.
“Dit wat hulle beplan, sal geen oplossings bied nie. Dit is die begin van die jaar, die raad is in reses en raadslede begin eers weer op 24 Januarie werk. Hierdie individue gee voor hulle verteenwoordig gemeenskapslede en hul eise vir grond, maar hulle het nie 'n mandaat om namens die gemeenskap te praat nie. Hulle beweer hulle is grondloos terwyl hulle eintlik huise besit.
“Die raad het 'n aansoek om grond aan ons lynministerie asook die Namibië Beplanning- en Adviesraad (Nampab) gerig, wat gesê het ons moet geduldig wees. Hulle het ons verseker daar sal 'n geleentheid wees om ons saak voor te lê. Daar is baie ministeries betrokke in die voorsiening van grond en ons is besig om aandag aan die saak te gee,” het hy gesê.
Wilfred het bevestig die minister van stedelike en landelike ontwikkeling, me. Sophia Shaningwa, sal na Walvisbaai reis om die grondkwessie te bespreek, terwyl die Erongostreek se goewerneur, mnr. Cleophas Mutjavikua, 'n vergadering oor grondvoorsiening en bekostigbare behuising vir 30 Januarie met die munisipaliteit en streekraadslede beplan.
Die beampte vir gemeenskapspolisiëring, ao. Ileni Shapumba, het gesê die sameroepers van die beoogde optog en kampaksie het nie die regte prosedures gevolg of die owerhede van hul planne ingelig nie.
“Die groep het ons nooit ingelig oor hul planne om 'n optog te hou nie en het ook nie toestemming bekom om daarmee voort te gaan nie. Daar was geen verkeersbegeleiding beskikbaar nie en dit kon gelei het tot 'n ontwrigting van dienste, veiligheid en sekuriteit. Kampering by die stadsaal en raadskantore op Kuisebmond sal ook problematies wees aangesien diegene wat meemaak, nie toegang tot lopende water of sanitasie sal hê nie. Hoe beplan hulle om kos te maak terwyl hulle daar kamp?”
Woordvoerders van die groep, mnre. Kenneth Iilonga en Paulus Nicodemus, het gesê die gemeenskap is keelvol vir raadslede, korrupte praktyke en om blyplek te huur.
“Die polisie het ons verhoed om te betoog ten spyte van die feit dat ons reeds op 17 Desember toestemming van die kommissaris en verkeersbegeleiding versoek het. Ons het hierdie week nóg 'n kennisgewing van voorneme gestuur.
“Mense soek bekostigbare grond waar hulle self huise kan bou, aangesien hulle nie huise kan bekostig wat deur finansiële instansies gefinansier word nie,” het Iilonga gesê.
Sowat 'n honderd mense het Saterdagmiddag by die Kuisebmond-sokkerstadion byeengekom met die doel om die beoogde optog te bespreek en planne te maak om die volgende dag by die Walvisbaai-stadsaal en raadskantore op Kuisebmond kamp op te slaan.
Walvisbaai se burgemeester, mnr. Immanuel Wilfred, het gesê die sameroepers is onverantwoordelik.
“Dit wat hulle beplan, sal geen oplossings bied nie. Dit is die begin van die jaar, die raad is in reses en raadslede begin eers weer op 24 Januarie werk. Hierdie individue gee voor hulle verteenwoordig gemeenskapslede en hul eise vir grond, maar hulle het nie 'n mandaat om namens die gemeenskap te praat nie. Hulle beweer hulle is grondloos terwyl hulle eintlik huise besit.
“Die raad het 'n aansoek om grond aan ons lynministerie asook die Namibië Beplanning- en Adviesraad (Nampab) gerig, wat gesê het ons moet geduldig wees. Hulle het ons verseker daar sal 'n geleentheid wees om ons saak voor te lê. Daar is baie ministeries betrokke in die voorsiening van grond en ons is besig om aandag aan die saak te gee,” het hy gesê.
Wilfred het bevestig die minister van stedelike en landelike ontwikkeling, me. Sophia Shaningwa, sal na Walvisbaai reis om die grondkwessie te bespreek, terwyl die Erongostreek se goewerneur, mnr. Cleophas Mutjavikua, 'n vergadering oor grondvoorsiening en bekostigbare behuising vir 30 Januarie met die munisipaliteit en streekraadslede beplan.
Die beampte vir gemeenskapspolisiëring, ao. Ileni Shapumba, het gesê die sameroepers van die beoogde optog en kampaksie het nie die regte prosedures gevolg of die owerhede van hul planne ingelig nie.
“Die groep het ons nooit ingelig oor hul planne om 'n optog te hou nie en het ook nie toestemming bekom om daarmee voort te gaan nie. Daar was geen verkeersbegeleiding beskikbaar nie en dit kon gelei het tot 'n ontwrigting van dienste, veiligheid en sekuriteit. Kampering by die stadsaal en raadskantore op Kuisebmond sal ook problematies wees aangesien diegene wat meemaak, nie toegang tot lopende water of sanitasie sal hê nie. Hoe beplan hulle om kos te maak terwyl hulle daar kamp?”
Woordvoerders van die groep, mnre. Kenneth Iilonga en Paulus Nicodemus, het gesê die gemeenskap is keelvol vir raadslede, korrupte praktyke en om blyplek te huur.
“Die polisie het ons verhoed om te betoog ten spyte van die feit dat ons reeds op 17 Desember toestemming van die kommissaris en verkeersbegeleiding versoek het. Ons het hierdie week nóg 'n kennisgewing van voorneme gestuur.
“Mense soek bekostigbare grond waar hulle self huise kan bou, aangesien hulle nie huise kan bekostig wat deur finansiële instansies gefinansier word nie,” het Iilonga gesê.
Kommentaar
Republikein
Geen kommentaar is op hierdie artikel gelaat nie