Polisie gee verkeerswenke

Padblokkades en spoedkameras

28 December 2016 | Ongelukke
Verkeer tydens die feesseisoen kan die bron van groot kopseer vir verkeersbeamptes en motoriste wees.

Twee dinge laat motoriste se bloed dikwels kook: padblokkades en spoedkameras. Adj.komm. Ralph Ludwig van die afdeling verkeerswettoepassing van die Namibiese polisie, gee aan motoriste duidelikheid en raad oor dié aspekte:

Padblokkade

Meer padblokkades, een van die grootste kopsere vir motoriste. Motoriste meen soms dit is onnodig en beskou dit as ’n mors van tyd. Padblokkades speel egter ’n groot rol in die veiligheid van padgebruikers.

Ludwig bevestig die nut en funksie wat padblokkades verrig: “Meestal word gefokus op onder meer bestuurderslisensies, padwaardigheid van voertuie, lasbriewe, alkoholtoetse en voertuie wat oorlaai is.”

Volgens Ludwig kan padblokkades ook as ’n aanmeldpunt vir motoriste dien om onder meer ongelukke en verkeersoortredings oner die aandag te bring. In stede van ongeduldig raak by padblokkades, maan Ludwig dat die proses so glad as moontlik moet verloop.

“By enige padblokkade moet motoriste spoed verminder en by die stoptekens stop. Indien beamptes teenwoordig is, moet die bestuurders gehoor gee aan bevele of handseine van die beamptes.”

Spoedkameras (en spoed)

Hoë spoed is een van die belangrikste redes vir ongelukke. Die risiko van sterfgevalle of beserings in stedelike gebiede met ’n spoedbeperking van 60 kilometer per uur neem volgens navorsing skerp toe met ’n relatief klein vermeerdering in spoed. Wanneer 65 kilometer per uur eerder as 60 kilometer per uur gery word, is die gevaar van ’n noodlottige ongeluk byna dubbel. Sodra motoriste teen 70 kilometer per uur ry, is die risiko viervoudig.

Namibië het tans 35 mobiele spoedkameras op verskillende hoofroetes in die land. Die grootste aantal kan op die B1- en B2-hoofroete gevind word, omrede hierdie roetes die grootste probleme ten opsigte van spoed op die land se paaie is.

Die meeste van hierdie spoedkameras is geaktiveer om spoedoortredings te registreer en boetes word uitgereik.

“Hulle kan moontlik met ’n flitslig sein wanneer ’n motor die spoedgrens oorskry, net om die bestuurder van sy spoed bewus te maak,” sê Ludwig. In die nabye toekoms sal hierdie kameras ook geaktiveer word en ten volle ingespan word om die spoedvrate te vervolg.

Vyf Wenke van Ludwig vir ’n veiliger feesseisoen op paaie

1. Moet nie onder die invloed van alkohol of dwelms bestuur nie.

2. Maak altyd seker jou voertuig is in ’n goeie, werkende toestand.

3. Wees kalm en konsentreer op al die padverkeerstekens en padmerke.

4. Maak seker jy is goed uitgerus voor enige rit en rus genoeg tydens enige lang reis.

5. Moenie enige kanse op die paaie waag wat lewens in gevaar kan stel nie.

BLOKKIE

Lys van Noodnommers:

Om ongelukke te rapporteer: 081 9682

Polisie: 10111

Windhoek Stadspolisie: 061 302 302

Verkeersoortredings: 061 222 888

Soortgelyk

 

Theo Mujoro is nuwe hoof van verkiesings

17 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

18 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

19 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

19 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

20 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

1 dag gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

1 dag gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

1 dag gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

1 dag gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...